|
بشرى ساره.... حبايب الب البي...المشرفين حبايب البي...الأعضاء الهلاليين.......الهلاليين وبس.. ابراهيم النجيدي...لا ادري ان ابراهيم النجيدي اذا شاف ان الموضوع ان اللي كاتبه يبي (يتشنج)..ومايحاول يدخل... لكن يااخ ابراهيم....تخسر اذا ماتقرا... المهم ياشباب.. انا لي طلب صغير مره.. والكل الحين عارف انه ولله الحمد قدروا حبايبنا الهكرز يفتحون الشوتايم والأرتي.. ورحت للمنتدى اللي متخصص في هاالشيء... ولقيت عالم غريب ويتكلمون في اشياء ماادري وش هي...(لاتضحك ياابراهيم).. واللي يبيع كروت...واللي يشرح عن البرامج حقت الكروت..عالم مال امه داعي.. واللي ابيه من الشباب اللي عليهم الكلام....والناس اللي يبيضون الوجه... انهم يشرحون للفقير لله واللي هو انا..عن : 1- كيف ادخال الشفره للأرديتو فري كام...واذا كان فيه برنامج ياليت يشرحون البرنامج وكيف استخدمه... 2- وبرضه الشرح على الفياكسس...او الكرت الذهبي..وش المطلوب وكيف البرمجه. هذا اللي مطلوب ياشباب.. واللي عادموب شارح بعد الكلام الحلو اللي انا قلته..لايلوم الا نفسه... لآني راح اطارد هالموضوع الين مااتقنه وبعدين تجي يا(ابراهيم) وتقول الفزعه ياابورشا..وذيك الساعه عاد له الف حلال.. ويارب يخلين لي... ويخليكم ربي.. حبايب البي.... وتخسر اذا ماتشرح... |
اخوي انا أقترح في هالمنتدى الحلو انهم يحطون منتدى الجولات والنغمات والاتصالات ومنتدى حق القنوات الفضائيه شوف في المنتدى حوالي 7255 عضو يعني مو فيه الف فهم في اللاتصالات والقنوات مجرد اقتراح |
والله يا ابو رشا بعد كلامك اللي يذوب الحجر ابشر بالخير بروح ادور في المنتديات الين القى طلبك :) كم ابو رشا ماعندنا الا واحد :rolleyes: وخل العذال يتشنجون ويموتون قهر :D :D <<----- وش يبي ذا عطوه قطته :rolleyes: |
ياسلام عليك ابورشا في الحقيقة انا والعياذ بالله من كلمة انا لدي خبرات ليست بسيطة في عالم الاتصالات والفضائيات واتمنى ان يكون هناك قسم بالمنتدى يهتم بالقنوات الفضائية الجوال وانا على استعداد بتزويدكم باي خدمة تريدونها عن هذا العالم الغريب والعجيب للفضائيات والجوالات . مجرد راي اتمنى ان ينظر اليه بعين الاعتبار وانشالله اني اقدر افيدكم بهذا الخصوص |
الله يالدنيا .... هذي آخرتها يابور شا !! ,,, لكن مقيوله .... ذاكر دروسك أول بأول , وهذي وجهي إن صرت الأول :rolleyes: ,,, رغم كل الكلام اللي قلته ... ورغم إنك خليت العواذل يتكلمون , لكن قلبي أبيض ويسامح بسرعه :rolleyes: .... وراح اجاوب بالقدر اللي اعرفه ,,, الفري كام للإريدتو .... هو عباره عن أرقام عشوائيه " على ما اعتقد 13 رقم " يتم إدخالها عن طريق الـ آكسس أو وحدة النفاذ المشروط بالعربي :) .... بشرط يكون هذا الآكسس " معرّف " من قبل أصحاب محلات الدشوش وتقدر تسويه شخصيا رغم إني ما انصح بكذا وخصوصا من واحد عنده خلفيه كبيره مثلك :rolleyes: ... وراس مالها 50 ريال كحد أقصى وتوصل لـ 25 ريال إذا كنت معرفه ولا جاي من طرف واحد معرفه ;) ,,, هذي الأرقام تتغير كل فتره وفتره " طريقة الفري كام " وأول ماتتغير تقدر تاخذ الأرقام الجديده من الشخص اللي عرّفلك الآكسس أو عن طريق النت ,,, وحاليا الباقه الوحيده اللي تشتغل عن طريق الفري كام هي باقة النوفا اليونانيه وهي من افضل القنوات الفضائيه ,,, الفياكسس هذا نظامه غير .... يعني الآكسس ينقسم لإنواع منها آكسس الإريدتو وآكسس الفياكسس , وكل واحد منها مختص بباقة قنوات معينه ... يعني القنوات اللي على نظام الإريدتو يبيلها آكسس إريدتو والعكس صحيح ,,, الكرت الذهبي يجي مبرمج وخالص ومايبيله إلا آكسس فياكسس ويشغل لك بعض القنوات اللي بنظام الفياكسس على القمر الأووبي الهوت بيرد مثل التشانال + وغيرها ,,, فيه طريقه جديده يتم فيها تعريف الآكسس الإريدتو علشان يشغل قنوات الفياكسس ... وهذي طبعا يبيلها برمجه خاصه لواحد متمرس بالإضافه إلى وصله خاصه تشبك فيها الآكسس بالكمبيوتر :) ,,, هذا اللي عندي الحين وجايبه لك من دميجتي سيده على موضوعك , وأحاول أسأل لك وأزودك بأي شيء جديد ,,, تحياتي لك حبيب ألبي ,,, |
حبيب الب البي... ابو الخل.... الله لايحرمنا منك يالغالي... وزين اللي نفع فيك الحش والنرفزه..والحين عرفنا لك... يعني لازم نحش فيك بالموضوع عشان تتكرم علينا بمخك....يامخ;) ....وعلى العموم هذي عادة النجوم الكبار لازم تنرفزه والا تنبرش عليه عشان ينطرد...قصدي يشارك بالموضوع.. وتسلم على المعلومات اللي قلتها والله يخليك لك انشاء الله... بس لوتعرف ياابوالخل...... الحين ضاعت الطاسه ..فيه كرت اخضر واحمر وذهبي...واستفسرت من اللي بالمنتدى...وقالوا يبيلك جهاز ثاني تشبكه بالجهاز حقك مثل ماقلت...وهذا يسهل عليك 80%من المهمه.. والأهم من هذا كله...الشوتليم والأرتي...ولاادري باي كرت او اي طريقه..وهذي الباقتين هي اللي انا مهتم فيها مره...ودي بالفزع يالغرنوق...من قدك غرنوق مره وحده...:rolleyes: ... ويخلليك ربي.. ويااااااااارب يخلين لي... :D ............................إلـــــــك |
يالمضروب:D عطن المواقع اللي ما فهمت منهم شي لعل يصير عندي سالفه وخلك من ابراهيم==========> انبرش على ابراهيم يبي زياده علم (ورحت للمنتدى اللي متخصص في هاالشيء... ولقيت عالم غريب ويتكلمون في اشياء ماادري وش هي...(لاتضحك ياابراهيم).. واللي يبيع كروت...واللي يشرح عن البرامج حقت الكروت..عالم مال امه داعي) سلام حبيب قلبي |
حبيب البي... اخوي ابوحمود... والله شكلك تشمت ياخوي... وابو الخل يقول انه يبي يذل قصارى جهده ... وبعدين لاتشمت ترى ربي يقلبك زي اللي على بالي.. وبكرا نغير اسمك من ابو حمود الى ابو جهوي والا ابوحلوي..( من غير شر).. على العموم المنتدى اسمه الحب الحقيقي..(ياحياتي).. ادخل وطب وتخير..وخلنا نشوف شطارتك..ياابو قتس.. يخليك ربي وربي يخلين لي.. |
الشو تايم و الارتي لايمكن فك شفرتها .. لكن يحاولوون مجموعه من الهاكرز فكها :) .. وهي الان مفتوحه الشوتايم وارتي على الديجتيل .. والسبب للدعايه :) .. |
حبيب البي... ياكايدهم... تسلم يالغالي على المعلومه.. انا الله يسلمك عارف انها مفتوحه بس الشباب في باقي المنتديات مصهللين..ومسفهلين..ويقولون اننا فكيناها..فكيناها.. ومدري وش السالفه بس تحس انهم يتكلمون من جد... ويخليك ربي |
هلا حبيب ألبي ابو رشا ,,, انا أعرف الكرت الأخضر " أقدم كرت " والكرت الذهبي " أحدث كرت ط أو بطاقه :) ,,, وكلها ماتجيب الشوتايم والـ ART لإن تشفيرها من نوع جديد مايركب على الفري كام وهو من نوع إيريدتو2 ,,, أول ماطلع الإيريدتو طلع بنظام بطاقات 1.2 وإستمر بعده في نزول أنواع متعدده إلين وصل إلى نظام بطاقة 1.9 وهي أقصى حد تقدر تستخدم عليه الفري كام أو تغيير الشفره عن طريق البطاقه الأصليه أو المزوره ,,, نظام الشوتايم والـ ART الجديد هو من نوع إيريدتو 2 وهذا النظام مايركب على طريقة فتح الشفره عن طريق الفري كام أو تغيير الشفره وهنا تكمن الصعوبه اللي جعلت هالنظام يصمد إلى مايقارب الـ 5 أشهر حتى الآن ,,, كلنا سمعنا بحكاية فتح الشفره الجديده عن طريق الفري كام .... واللي يعرف لخصائص فتح الشفره عن طريق الفري كام يعرف إن مثل هالكلام يصعب تحقيقه , هذا إن ماكان مستحيل ,,, ولو إن خبراء فك الشفره لن ينتظرون طويلا .... لكن إذا كان هناك من طريقه لفك الشفره عن طريق الفري كام فراح تكون بوسائل مساعده وليس فقط عن طريق النظام أو الشكل التقليدي للفري كام ,,, بالمختصر المفيد .... شوتايم وART مالها حاليا أي طريقه لفكها , لكن من الممكن أن يكون هناك طريقه لفك شفرتها في المستقبل :rolleyes: ,,, الكرت الذهبي هو الأفضل .... ولكنه لقنوات أخرى على القمر الأوروبي الهوت بيرد ,,, تحياتي لك وللجميع ,,, |
* المشرف العزيز أبو خليل وباقي الأعضاء ، ,أبيكم تفزعولي اليوم الاثنين لو تكرمتم بعدين أقلكم ليش . * أنا عندي كرت ذهبي ، وعندي رسيفر يورو ستار تبع ال art والشوتايم يعني (ايرديتو) في نفس الجهاز. * وعندي نوكيا 9800 فيه فياكسس وبرضه داخل الجهاز. * باقة النوفا دايم أشحنها وماتجيني أبد. * النوفا على الايرديتو، واليورو ستار تبعي فيه ايرديتو. * سألت المتخصصين في الدشوش قالو لازم تشتري فري كام (حديدة) وجاهزة تشوف فيها النوفا. * أنا ودي بالنوفا والتشانل بلس وقالو لا اليورو ستار ولاالنوكيا ينفع. * هل كلامهم صحيح؟ * وبعدين ودي أسأل كم سعر الفري كام للإيرديتو تقريباً لأنهم قالولي بيكلفك 350 ريال وماتنقطع القنوات( ترانا مطفرين). * تكفون جاوبوني اليوم الاثنين 29/6 وبدري الله يخليكم عشان بصراحة ودي أشوف مباريات الشامبينز ليغ يوم الثلاثاء ولازم ألحق على الاخوان قبل ماتفوتني المباريات. * وشكراً للجميع . |
حبيب الب البي... ابو الخل.. والله ماقصرت يالغالي... وانا اقول وين ابو الخل له كم يوم مانشوفه... اثاريك يالغالي بلاشان بالدشوش...ومشاكله... ياحبيلك...والله ومشكور والله على كل اللي سويته لي ولباقي الأعضاء.. والله ماادري وش اقول لك.. الف شكر يالغالي رغم ان معلوماتك احبطت كل مخططاتي العدوانيه على الشوتايم والأرتي... ابو الخل:) ..........إلـــــــك |
حبيب ألبي ابورشا ,,, حنا تحت أمرك باللي تبيه .... ويالين نقدر نخدمك بأي وقت ,,, هاردلك على الشوتايم والـ ART لكن ترى فيه قنوات أوروبيه أحلى بكثير وخصوصا القنوات الرياضيه .... وبالنسبه لبقية القنوات فمايعيبها إلا الترجمه :) ,,, تحياتي لك ,,, أخوي الغالي لا يفوتك ,,, مشكلة جهازينك إن " الآكسس " أو الحديده فيها مدمجه زي مافهمت من كلامك ,,, المطلوب تحديدا لمشاهدة باقة قنوات النوفا والتشانل + وبعض الباقات الأخرى هو أكسس إيريدتو خارجي لكي يتم تعريفه , والتعريف يكون عن طريق أحد المختصين بمبلغ لا يتجاوز الـ 50 ريال ,,, وشحن الكرت الذهبي اللي عندك بمبلغ لا يتجاوز 10 ريال ,,, أما إذا لم يكن عندك " أكسس " خارجي فالمطلوب منك شراءه .... ويمكن هو اللي سعره شوي غالي ويختلف من منطقه إلى أخرى وهو في حدود الـ 300 ريال عموما ,,, وراح تشتغل عندك كل هذي القنوات الأوروبيه وعلى أي جهاز وخصوصا النوكيا لإني ماني متأكد من جهاز الشوتايم والـ ART الأصلي ,,, مادري وش حكاية الـ 350 ريال اللي ذكرتها .... لكن إذا كان القصد إنك راح تشتري أكسس أو حديده معرفه بوجود الكرت الذهبي معك فأعتقد إنه سعر منطقي ... أما إذا كان هذا المبلغ للتعريف فقط فهو سعر مبالغ فيه جدا وأكثر بكثير من القيمه الحقيقيه للتعريف ,,, أحب أنوه على أمر مهم .... وهو إنه مافي شيء إسمه ( القنوات ماتنقطع ابدا ) لكن بهذي الطريقه تقدر تشحن الكرت الذهبي بإستمرار ومن دون مشاكل أول ماتنقطع عندك ,,, أتمنى لك التوفيق , وأتمنى إني أجبت على كل تساؤلاتك ,,, تحياتي لك ,,, |
* الغالي أبو خليل والله انك ماقصرت وشكراً على الاستجابة السريعة وبصراحة كفيت ووفيت . * الله يعطيك ألف عافية ولايحرمنا منك أبداً يالغالي. |
| الوقت المعتمد في المنتدى بتوقيت جرينتش +3.
الوقت الان » 03:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd