#1  
قديم 06/04/2006, 11:44 PM
زعيــم متواصــل
تاريخ التسجيل: 11/07/2005
مشاركات: 112
Wink وآخرتها معكم يالنصراويه

. مشكووور ياخوي سلمان على هالصور والفيديو وماقصرت والله فيه واحد من اصدقاي مشجع نصرواي ماجيب طاري للكوره الا ويتكلم عن النصر وجمهوره ويقول ان عنده شريط مباريات النصر ومدرجات الملاعب تغص بجماهير فريقه والمشكله اني اصدقه انا وخشتـي بس بعد اللي شفته قلت خلني اقابله والله لاشب فيه

. النصراووين مساكين والله وضعفاء انفس ياخي أي موضوع يدخلون فيه الهلال وياليت يتكلمون عن الحق كذب في كذب
يانصراووين كيف تبون بطولة وكلكم حسودين وحقودين والله ماقد شفت حسد وحقد مثلهم حتى المسلمين ماحقدوا على الكفار
اذا انهزم الهلال طاروا من الفرح وكأن النصر هازمنا


. تعقيبا لاحد الصور اللي نزلها الاخ سلمان وبقول فيها والله ثم والله لن اصفق للوطن حتى يأخذ النصر حقه من هاذا النصر
اول شي الوطن متبري منك
ثاني شي من يأخذ من النصر سعد الزهراني وعلى فكره في خليجي 15 واظن مع عمان كان سامي منفرد بالمرمى وكان معاه سعد الزهراني مرر سامي الكره لسعد عشان يسجل اول هدف دولي وكان المرمى خلي تماما من الحارس قام ابوالشباب وحطا في العارضه فوووق نعنبو بليسك مالقيت تشوتها الا فوق ياخي شت في القائم اقل شي اذا كنت تبي تضيعها تروح وتشوت فوق
شكله يبيها في الثمانيات ويصير احسن هدف



. مبارتنا مع الاتحاد واللي جاب الهدف الحارثي مسويلي فيها حلو ومربي شعر من يوم ولد الشعر ماشاف المشط ولايعرفه
قال واحد من ضعفاء الانفس الحارثي عوض البلنتـي وجاب هدف ماحد جابه بالراس قلت لاتنسى هدف ابراهيم المغنم لاعب الاتفاق من قوس ال18 قبل شهر في شريفي <ديدا>

.ومباراتهم الاخيرة معنا واللي كانت اهداف الهلال كلها تسحيب النصراوين يبون شي يفتخرون فيه وقالو:
المشعل دخل كوبرين في عزيز حتى هدفهم ماجابوله طاري

. ومباراة الدور الاول وكان التعادل 1-1 تكلمو عن الهدف حقهم وكان صدفه ومن الغامدي عمر

. ياخي انا اذا شفت نصرواي بالتلفزيون كأني شايف احد من مجاعة الصومال او التشاد توقعت ان الدوله مسويه تبرعات اليوم لانقاذهم من الجوع

.مباراة العين وانا بمقهى اكثر الموجودين ضد الهلال قلت في قلبي ماشاء الله الاماراتيين ياكثرهم بالسعوديه وفي الاخير دريت انهم من نادي نصرنتوس زي ماقالو
يبون ناديهم يصير مثل سانتوس البرازيلي ويطلعون مواهب مثل بيليه)يكرم بيليه(ولا مثل روبينهو )وش بقى عاد(

. ويقولون بعد خمستين من الشارقه ومن الاهلي قبل ثلاث سنوات
مادرو انهم اعبر منا ستات
والاشاعه اللي طلعوها تقول ان اضافت الخمسه ماطلعوها الا بعد مباراة الشارقه والاهلي
وانا اقول موبايلي ماطلعوها الا بعد مباراة الاتحاد السنه اللي فاتت بعد ماكانوايفكرون فيها بعد ستت الشباب

.منتدى النصر فيه واحد يطالب بإقاله سلطان بن فهد )على كيفك يبو( سأله واحد من المساكين اللي موجود ليش؟؟
قال:
اولا انه مايعرف في الكوره شي
ثانيا انه يشجع الهلال لان العام الماضي حضر كل النهائيات والهلال كان الطرف فيها


يابن الحلال هاذا مباراة نهائيه وعلى كأس غاليه سواء ولي العهد او خادم الحرمين الشريفين واللي يحضرها مو انا ولا انت
مسؤول دوله ملك او امير لازم يتواجد فيها لانه رئيس لرياعة الشباب مو رئيس المؤتمر الاسلامي ولا رئيس جامعة الدول العربيه




ياشباب انا قلت هالكلام لناس ماتفهم كوره نصراويه الكوره بوادي وهم بوادي
اكيد قبل اذا احد جاله مولود والاب مشجع نصراوي مو مثلنا يأذن بأذنه
لا يقول في اذنه النصر نادي كبير ومن هالارانب والهلال فريق حكام واذا الولد مشى على الكلام هذا



والله مازليت عليكم ولا بكلمه

{انا مو من اهل الرياض وجيت البارح علشان الهلال يوم الجمعه والسبت وراي اختبار انجليزي ثانوية عامه والمدير بعطيه مخرج محترم كل هاذا علشان الهلال
حتى تسجيلي في منتدى الزعيم ماسجلت الا اشوف اخبار النادي ولا اضع تواقيع وصور لاني اصلا ماعرفلها واهم شي عندي متابعة نادي}

والوعد الاستاد في الظهر
)الـــــــقــــايلــــــــــــه(
وسلامتكم
تــحــــــاتــي
اميرعـتـيـبـه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:13 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube