الي عنده موقف طريف-محزن-محرج يحطه - نادي الهلال السعودي - شبكة الزعيم

الهلال&يوفنتوس · #1 19/04/2006, 05:02 PM

السلام عليكم

الي عنده موقف طريف-محزن-محرج يحطه

انا عندي موقف يضجك

وهو:

كنت انا واخوي الكبير ب الملعب قاعديين ب المدرجات الي تحت المهم بدت المباراة اذكر كانت بين الهلال و الرياض
الموهم لعبو خلص الشوط الاول بنص الشوط الثاني تاتي كرة تردع رائسي

وفارقت الوعي عشر دقايق واخوي متحمس مع المبااراة ما درى عني رجعنا البيت قلت الساااالفه كذبني ومن يومها ما رحت للملعب

وبس
والي عنده اي موقف لا يبخل علينا

شمس الأصيل · #2 20/04/2006, 12:32 AM

الموقف السيء الطريف في حياتي ..

هو أنه بيوم من الايام كنت برفقة الأهل في أحد الرحلات البريه

فطلبوا مني أن أسوق الدباب,, وانا ماحب شي اسمه دبااااب ماطيقه

فقام اخوي الصغير يتحداني وينكت علي فقلت والله ماخليهم يتهزأون بي

قمت وركبت الدباااااب
قعدت ساعه ادور وشلون اشغله جا اخوي وشغله ركب معي اخوي الصغير (وراي) المهم قالي انت اضغط على دواسة البنزين وامسك الدراكسوون بقوة دعست عليه بقوووة مادريت الا بالدبااب سابق السياراات كله قعدت اصااارخ

ومن شدة الصرااخ زدت على دواسة البنزين يقولي لف الدراكسوون لف الدراكسوون قدامنا خيمة نااااااس وهو يصاارخ
المهم جايبين طبلون الدباب كله قمت ولفيت الدراكسوون بقووووة والدبااب مقلع

مادريت الا حنا متقلبين انا طحت وطاح علي الدباب والفضل لله ثم تمسكي وتعلقي بالدراكسوون

اما اخوي قعدنا ساعه ندوره لين ماكتشفنا انه من قوة القلبه طايح بووسط خيمة النااس الي هو خايف نصدمهم

قمنا طلعنااه من عندهم وعلى المستشفى واكتشفوا ان فيه كسر برجليه الثنتين ويده اليساار

فهذا الموقف هو اطرف موقف وأحزن موقف

طريف بقصته وسيء بنتيجته على اخووي .. ومن ذاك اليووم وعينكم ماتتشوف لابرااان ولادباابااات ولاجابوا طاري دباب اطلع مثل المهبول لاقالوا له (دكتور)

الهلال&يوفنتوس · #3 20/04/2006, 09:47 AM

هههههههههههههههههههههههههههههههههه

مشكور على المرور

AMJADG · #4 20/04/2006, 07:45 PM

الوقف المحزن في حياتي وفاة والدي رحمه الله ... تخيل صحيت من النوم على صراخ الوالدة واخواني .. الله يرحمه ويغفر له يارب ....

شكرا على الموضوع ..

الهلال&يوفنتوس · #5 21/04/2006, 07:44 PM

8

الله يرحمه ويسكنه الجنه

انا لله وانا اليه راجعون

الهنوووف · #6 21/04/2006, 08:36 PM

يسلمو على الموضووع

شي صار اليوم مو موقف خرابيط

جالسه ادور في البيت وادخل المطبخ امي موجوده فيه
وانا اقول ياقبله الملاعب كلها تعال والمشاغل خلها

عباره نواف التمياط في جوال الهلال
وامي تقول بعد ودك تروووووووووحين بعد

قلت ودي والا ماودي مافي امل

احس رحمتني من كثر مااهوجس بالهلال

موقف اخر مباره الهلال مع ماشال في بيت اهل امي كنت اشوفها

الزبده متحمسه وانا اشوف وخالي مع الريموت

وبنت خالتي جالسه تسمع ببالجوال اناشيد ومدري ايش
ومطوله
وانا قلت معصبه قصررررررررررررررررري

خالي يحسبني اقصده وقصر تفشلت مرررررررررررررررررره
لاني قايلتها باسلووب شيـــــــن

تفشلت وتمنيت الارض تبلعني >>>>>>>ياربيه

يسلمو لي عوده بس مستعجله لمباره بتبداا

يسلمو خيووو

زعيم من نيوزلاند · #7 22/04/2006, 08:25 AM

مشكور على الموضوع
.
.
.
مره كنت في مطار هونغ كونغ انتظر الرحله، الا ويجيني ذاك الصيني ويقول بالعربي:هل تتحدث العربيه،وربي حسيت اني في الدوله العثمانيه.
المهم ابو الشباب جالس ربع ساعه يكلمني بالعربي وانا ارد بالانجليزي ماني مستوعب الوضع، ولا يعرف يتكلم عربي احس مني .

الهلال&يوفنتوس · #8 22/04/2006, 04:04 PM

8888888888888888

مشكووووورين على المرور

قمر هلال · #9 24/04/2006, 11:39 AM

كنت طالع مع اخويااااااااااااااااااااااااي طلعة المهم اخينا بالله الا اهو انا معااااااااي مفتاح السيارة بيدي المهم فتحت شنطة السيارة معاي سرندل على شااان اعبيه .

النكته اني حطيت مفتاح السيارة مع السرندل في الشنطة وسكرت عليه وجلست ادور على المفتاح يمكن ساعة وماكنت ادري عن المفتاح اني حطيته .

يوم جاااني الشيب ابقى احاول اتذكر كنت شاااايل معي مفتاح وحطه بيدي اليسرى واليمنى السرندل الفاضي بعدها اتصلت علي عمي على شااان يجيب احد يفتح الشنطة وفعلا لقيت المفتاح نايم جنب السرندل ...

هذا بعد في عيد الاضحى طالع كاشخ من البيت المهم جالس اسخن السيارة وكان البيت اللي جنبنا توه جايب خروف بيذبحه المهم اخينا بالله فاتح الكراج وماربط الخروج الا الخروج ماشي 340 وراه الهندي ماشي 700 المهم الخروف الجامد طلع على الشارع العام وجايه ذيك السياره وطيرته سوق الغنم اللي جايه منه طبعا مات الخروف وكانت ليلة حزينه عليهم .

الهلال&يوفنتوس · #10 24/04/2006, 08:03 PM

ههههههههههههههههههههههههههه
اما الخرووووووووووووووف

هههههههههههههههههههههههههههههههه

Rayyanko · #11 24/04/2006, 08:24 PM

انا اخيس موقف صار لي ولا عاد اتمنى يصير ابدااااااااااااااااا الاسبوع اللي راح وبالاخص يوم الخميس كنت رايح لمشوار بالعليا وقفت عند الاشاره اللي عند سوق صحارى اللي بطريق الملك عبد الله وانا جالس استنى الاشاره تولع الا وتطفى السياره والمشكله اني بوسط الاشارااااااااااه واكلت ........... من كثر الناس اللي وكلوني...... وفجرو اذاني من البواري المهم واشوف محطه على اليمين حقت تغير زيوت واطير لها واجيب اليمني اللي فيها وخليته يركب لي بطريه جديده والحمدالله على السلامه اوووووووووووووووووووف

الكناري الأزرق · #12 24/04/2006, 09:05 PM

^
^
^

ما يطيق هالموقف

مطيع · #13 25/04/2006, 07:49 AM

ياكثر المواقف بس لامنك تبيها تنساها

ايه خل اقول لكم هالموقف المحرج

يوم كنت بأول ثانوي كان عندنا حصة دين مدري فقه او توحيد المهم كان الاستاذ ثامر ناسي اسم عائلته الله يذكره بالخير يكلمنا عن فضل آية الكرسي وان من يقراها بعد كل صلاة لا يمنعه من دخول الجنة الا الموت كما في الحديث الشريف

عاد هو سألنا انتم حافظين هالآيه وطبعا كل الصف انواع الهياط ايه حافظينها قال طيب بخلي كل واحد يسمعها

اخوكم عاد كان من الشطار اللي بأول الصف وما كان حافظ الآية

الاستاذ بدأ من يمين الصف وبدأ يسمع للطلاب واحد واحد لين خلص الصف الاول والثاني وأنا حالتي حالة وش بيقول عني لا درا اني ماني حافظها خاصة وان كل الطلاب اللي مر عليهم قبلي سمعوها صح حتى الشلة اللي ورا

المهم لما جاء دوري جيت ابقرأ وأنا مسوي فيها ثقة قال لي مافي داعي تقرأ يا مطيع اكيد حافظها وراح للي جنبي

اوووووووه ياني ارتحت ومن بعدها مين ينسى آية الكرسي

لا يكون طولت عليكم

لو تذكرت شيء ثاني ابرجع

لو تذكرت شيء ثاني ابرجع

الهلال&يوفنتوس · #14 25/04/2006, 10:13 AM

مشكورين على تفاعلكم مع الموضوع

مارد البطولات · #15 25/04/2006, 11:55 AM

مشكور اخوي على الموضوع
هذا موقف محرج صار لي في سوق في الطائف
وديت اهلي السوق ورجعت ابغى اوقف السياره وقفت السياره ونزلت المهم وكنت مع اهلي واجي ادوور المفتاح ما لقيتها قلبت السوق فوق تحت مالقيتها شكيت انه مع اخوي الصغير بس مادورته معاها وماقلت لاحد وجاء وقت صلاه المغرب وانا مهموم علشان المفتاح قلت ابصلي يمكن القاها لقيت لوحه مكتب عليها مع الجهه الثانيه تواليت دخلت على اساس ابغى اتوضاء وفكيت الصنبور الا انا ماني مرتاح لايكون دخلت الحمام غلط واطالع يمين ويسار الا كلهم حريم وانواع الصياح عااد انا حطيت رجلي والناس كلهم يطالعون في هذا اخس موقف مر علي والمفتاح لقيته مع اخوي الصغير