#1  
قديم 05/04/2006, 01:08 PM
زعيــم مميــز
تاريخ التسجيل: 18/08/2003
المكان: makkah k.s.a
مشاركات: 1,909
3نقاط+احذر ياأبو سلطان + كلمه لكل لاعب + جوال الهلال + الرابطه = نهائي كأس ولي العهد

بسم الله الرحمن الرحيم



السلام عليكم ورحمة الله وبركاته

صباح مساء الخيـر <<--- حركه جديده

أخباركم يالغالين ؟؟ في البدايه بقولكم شي ترى انا مااعرف اكتب مقدمات وبتكلم معكم بالموضوع باللغه العاميه يعني مو بالعربي الفصحى وتحملوني .. أتمنى إني أكون خفيف عليكم ..


أولاً : الثلاث نقاط هي نقاط مباراة الشباب الحمدلله كانت من نصيبنا وعلى قولة أبو بندر إن الهلال لعب بأقل مجهود في تلك المباراة ونشكر نجومنا ماقصروا ..


ثانيـاً : احــــذر ياأبو سلطــــان ..


سمعنا إن الغالي أبو سلطان بيخلي الدخول مجاني في النهائي .. أنا من وجهة نظر أتمنى إنه مايخلي الدخول مجاني لأنه بيجون ناس مو (حقين كوره) ناس يبون يخربون بس وإذا كان الدخول بفلوس بتشوفون جمهور الزعيم الحقيقي وبإذن الله 60.000 في الموعد بإذن الله ونحتفل سوياً بالكأس بإذن الله يارب ياكريم ..


ثالثــاً : كلمـــه لكـــل لاعـــب :

أنا عندي كلام في قلبي ودي أقوله للاعبين وأتمنى إن هالكلام يوصل لهم عن طريق إدارة المنتدى ..

1- محمد الدعيع : يقولون الحارس نص الفريق وأنا أقول أنت ماشاء الله تبارك الله الفريق كله وبإذن الله بنشوف فرحتك اللي تعودنا عليها بعد المباراه وعند إحراز الأهداف .. أبو عبدالعزيز تذكر أنت وبقية اللاعبين إنه فيه ناس غير اللي موجودين في الملعب الـ60.000 اللي بيحضرون إن شاء الله فيه غيرهم كثير بالملاييـن داخل وخارج المملكه يتمنون الكأس فتكفووووون أنت واللاعبين لاتخلون هالنس كلها تنام حزينه يوم الجمعه وبإذن الله جميع الهلاليين بينامون مبسوطين إن شاء الله يوم الجمعه (( وأنا عن نفسي بعشي أهلي برى إن فاز الهلال إن شاء الله ))
2- ياسر إلياس : فرحنا بعودتك للظهير الأيمن ونفس الكلام اللي للدعيع لك لاتنسى الجماهير اللي تشاهدكم خلف الشاشه وفي أرض الملعب لاتخذلونهم ..

3- تفاريس : ودي أتكلم معك برازيلي بس مافيني حيل .. المهم ترجموا له تكفون .. أنت صمام الأمان مافي خوف إن شاء الله دامك موجود أنت والمفرج ..
4- فهد المفرج : فديتك أنت ولحيتك يالغالي .. تكفى شد حيلك وركز ترى كلها 90 دقيقه وبإذن الله إنك بترفع الكأس وبتنبسط ..
5- عبدالعزيز الخثران : أقسم بالله إني أحبك في الله وارتاح إذا شفتك بالملعب .. عبدالعزيز شد حيلك ولاتنسى اللي يشوفونك تكفى تكفى شد حيلك عشان ترفعون الكأس مع بعض وتخلونا ننبسط ولاتخذلوننا تكفون ..
6- خالد عزيز : هلا والله وغلا بفييرا العرب يعجبني فيك حماسك في اللعب لاتنسى اللي يشوفونكم شد حيلك يالغالي وركز ..
7- عمر الغامدي : هلا والله بلاعبنا الغالي .. يشهد الله لك معزه في قلوب الجماهير الزرقاء ولاتنسى إنها تحبك .. وتذكر جيدا إنهم يتمنون الكأس فلا تخذلهم وشد حيلك والله يوفقك ..

8- محمد الشلهوب : هلا والله بالموهوب .. أ،ا متفائل كثير إن شاء الله إنك بتسجل في النهاي سواء أنت أو القحطاني ماادري ليه هالتفائل .. بس متفائل إ شاء الله إنك بتسجل وحط في بالك فيه جماهير كثيره تنتظر الكأس ..
9- كماتشو : أنت بعد مثلك مثل تفاريس ودي أتكلم برازيلي بس مافيني حيل المهم تذكر إن هالجمهور اللي في الملعب واللي خلف الشاشه كلهم ينتظرون الكأس وودي إنك تركز في الفاولات كثير وتشبك لنا واحد .. ولا ترى بنادي لك أبو ساره

10- نواف التمياط : أبو بندر تكفى تكفى تكفى ترى تفكى تهز الرجاجيل نبي الكأس ونبيك تشد حيلك وانتبه من الاصابات نبي الكأس تكفى أبو بندر لاتخذلون هالجماهير والجماهير اللي خلف الشاشات .. وأمنيه من قلبي .. أتمنى أتمنى إنك تسجل هدف ياااااااارب ياكريم ..

11- ياسر القحطاني : هلا والله بالقناص هلا وغلا ياسر لاتنسى الجمهور كله ينتظر منك كوره في الباب لأنك المهاجم الوحيد ولاتنسى ترى النهائي الأول ماسجلت فيه شي وفيه ناس ( غير الهلاليين ) قالوا ياسر مقلب .. لكنك أثبت بالأيام إنك قناص ونبي تثبت لهم يوم الجمعه إن شاء الله إنك من أفضل المهاجمين بالسعوديه فرحنا ياياسر تكفى ..

12- سامي بن عبدالله الجابر :: سعادة السفير ماأدري وش أقول لأني إذا تكلمت عنك ماراح أخلص ولا حتى وقت المباراه لكن اللي أبي أقوله ( أتمنى إنك ترفع الكأس يااااااارب ياكرييييييييم ) ..


أنا كتبت للاعبين اللي أتوقع إنهم يلعبون بالتشكيل الأساسي ..


رابعـــاً : جوال الهــــلال :

ياخي بسألك اللحين أنت ماتحضر المباريات خخخخخخخخخخ بس ترسل لنا ياخي احضر بعدين ارسل لنا ..


<<---- مسوي غبي الأخ


اللله يوفق القائمين على جوال الهلال والله مو مقصرين معنا جزاهم الله خير ..




خامــــساً : الرابـــطه ..


بقيادة أسد المدرجات أبو خليل يالغالي أنا عندي اقتراحات كثيره أتمنى إنها تتنفذ عشان يطلع الجمهور الهىلي آخر حلاوه


أول شي .. كثروا من الرولات .. على أقل تقدير يكون مع كل مشجع رول واحد ويرمونها وقت دخول اللاعبين وبعضها مع دخول الأهداف بإذن الله .. وبيكون المنظر روعه ..

ثاني شي .. القصاصات الورقيه .. ياليت تجيبون قصاصات كثير مثل ماشاهدنا في مباراة السد الأخيره مع العربي في الدوري القطري .. الملعب تغطى كله بالقصاصات الورقيه صار كأنه ثلج بس منظر روعه روعه روعه أتمنى إنكم تحضرونها بكثره ولاأعتقد إنها ممنوعه ..


ثالث شي اللي هو الأهم .. فيه إقتراح مره حلو طرحه أحد الإخوان في موضوع قديم عن تنظيم الجمهور وتوزيع اللافتات الورقيه عليهم وجعل مدرج يكون لونه أبيض بالكامل ومدرج آخر يكون لونه أزرق بالكامل .. والطريقه هي كالآتي ..


قبل دخول الجماهير يعني تكون الرابطه موجوده بوقت مبكر جدا جدا جدا ..

وقبل دخول الجماهير يتم توزيع اللافتات البيضاء واللافتات الزرقاء .. وتوزيعها عالكراسي يعني يوضععلى كل كرسي لافته ويكون مدرج أزرق ومدرج أبيض والمشجع اللي يجي بيلقى اللافته موجوده يجلس ويخلي اللافته معه ووقت دخول الجماهير بيكون المنظر روعه إذا رفعوها الجماهير مع بعض ..
هذا اللي عندي وأتمنى الجماهير تملي استاد الملك فهد الدولي يوم الجمعه ويكون الكأس من نصيبنا يارب ياكريم ..




سادســـاً :

أختي هلاليه مهستره عظم الله أجرك في وفاة الوالده الله يغفر لها ويرحمها يارب ..


سابعـاً :

أخوي قاسم زكريا برناوي ألف ألف ألف مبروك الفوز بالسياره وإذا سمحت أبي لفه


الله يعطيك خيرها ويكفيك شرها يارب ياكريم ..



ثامنـــــــــــاً : الجمهور الكريم يوم الجمعه يومكم وصدقوني إذا اللاعبين شافوكم مالين الملعب أبشروا بالكأس إن شاء الله .. نتمنى حضوركم أكثر من اللي بهالصوره
7
7
7





وإن شاء الله بإذن الله إن هالمشهد بيتكرر يوم الجمعه يارب ياكريم ..




وسامي بيرفع الكأس إن شاء الله





... خاتـــــمــــــه ...


مجنون أنا وإنت زدتني بجنون .. وأول جنوني يوم إني عرفتك
(( ياهـــــلال ))





أحــــــــــــــــــــــــبكـ ياهـــــــــلااااااااااااااال


.. أخوكم ومحبكم ..


راشد الراشد
اضافة رد مع اقتباس
  #2  
قديم 05/04/2006, 01:22 PM
الصورة الرمزية الخاصة بـ ســامــر
زعيــم مميــز
تاريخ التسجيل: 25/06/2005
المكان: الرياض
مشاركات: 3,504
ياخي في ثامناً أني إن شاء الله بجي الملعب
اضافة رد مع اقتباس
  #3  
قديم 05/04/2006, 01:26 PM
زعيــم نشيــط
تاريخ التسجيل: 02/09/2005
مشاركات: 575
شكرا وكيف الحال
اضافة رد مع اقتباس
  #4  
قديم 05/04/2006, 01:27 PM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
<----------------- اعتبرني تاسعا لاني باذن الله جاي الملعب
اضافة رد مع اقتباس
  #5  
قديم 05/04/2006, 02:02 PM
زعيــم مميــز
تاريخ التسجيل: 26/05/2004
المكان: الرياض
مشاركات: 1,589
نـقـاط فـ غـايـة الـروعـه

بس أخـوي راشـد عـنـدي تـعـليق عـلـى نـقـطـة الـرولات والقـصـاصـات الـورقـيـه


والله العظيم الجمهوور ما يقصر ومجلس الجمهور ما يقصر

بس رجـال الأمن امتحنونا


فـ مباراة الهلال والميناء كان معي أربع أكياس كبيره كلها قصاصات ورقيه ونايلون أزرق لماااع

لما جيت ادخلها وقفني رئيس رقباء وقالي بالحرف الواحد .. تستهبل انت ؟؟

وين تحسب نفسك حاضر مباراة في الدوري القطري ؟؟

قعدت اتفاهم معه وقلت له عن ملعب جده وانهم يدخلون كذا وكذا وكذا ..

مسكني مع يدي ورحت انا وياه للوحه مكتوب عليه استاد الملك فهد الدولي

قالي وش تقرا انت ؟؟

قعدت اطالعه وقلت والله لادخلهاااااااااااا وغصب

ورحت لمجلس الجمهور الهلالي وما قصر معناااا ..


وفي مباراة الشباب الاخيرهـ تخيل قبل الدخول يقولي افسخ جزمتكـ ( وانتم بكرامه)

يا حبيبي باي منطق احنا عايشين والله العظيم نجي عشان نساند ونمشي

هذولي يطفشووووووون الجمهور

ولا تلومون جمهور الرياض إذا ما حضر ولا تلومون جمهور الرياض إذا قام يتشكى

إحنا ودنا نسوي ونفعل

بس إذا كانت هذي معاملة المتخلفين لنا وش نسوي

لكن باذن الله حاضررررررر ومعي 16 شخص وربي لو يسوون اللي يسوون ما راح يمنعوني عن عشقي الاول ..

أحس إني كثرت بربرهـ

يعطيك العافيه اخوي

يالله يالله وداعة الله ’’

آخـــــــــــــــــــــــــــوكم مــــــــــــــــــــــراوغ
اضافة رد مع اقتباس
  #6  
قديم 06/04/2006, 10:50 PM
زعيــم مميــز
تاريخ التسجيل: 18/08/2003
المكان: makkah k.s.a
مشاركات: 1,909
مشكورين إخواني اللي ردوا فوق ..


بالنسبه لأخوي مراوغ صدقت هذي الأشياء كم مره شفناها ورجال الأمن يطفشووووونك ويخلونك تكره الحضور للملعب ..


بس أنا أتوقع لو كان فيه تنسيق من مجلس الجمهور ماأظن إنهم بيتكلمون .. وبإذن الله مجلس الجمهور ماراح يقصر ومشكور مره ثانيه ويارب ياكريم الكأس أزرق يلمع ..


أخوك


راشد الراشد ..
اضافة رد مع اقتباس
  #7  
قديم 07/04/2006, 12:11 AM
زعيــم فعــال
تاريخ التسجيل: 06/04/2003
المكان: جده......الرياض
مشاركات: 305
اخ شفشنكو كلامك درر ومحلى بالعسل والله يسلم لسانك يا زعيم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:42 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube