04/04/2006, 09:51 PM
|
كاتب أديب بالمجلس العام | | تاريخ التسجيل: 20/10/2003 المكان: جارة القمر .. الخبر
مشاركات: 1,650
| |
اليوم مو يومي ؟؟؟ اليوم مو يومي
ومن متى أصلا كان لي يوم
من يوم اني وعيت ..
ما اذكر اني عن الفرحة حكيت
حكيي كان بكى ..
وسكوتي كان صرخة ألم
كنت ميت وانا حي
كنت أظما ...واسقي غيري المي
كن الحزن لي لحالي مقسوم
اليوم مو يومي
ومن متى اصلا كان لي يوم
ياذيك السعادة
وانت ... يا ذاك الربيع
وين الوفا ؟؟؟
أسأل ... أبي رد
قتلني صمت الجفا
تعبت ارجي المطر من مزون الصيف
فتحت للامل الف باب
ومالقيت ... غير الهم ضيف
ليه ... كيف .... ومتى
سألت .. ولا به من حكى
مابه نهار ... مابه قمر ...مابه نجوم
اليوم مو يومي
ومن متى اصلا كان لي يوم
خلاص مابقى فيني صبر
مابقى فيني روح
تآسع كل هذي الجروح
مابه نهاية لرحلتي
كثير حولي ...
ولابه أحد
ياهي غريبة وحدتي .
ياحزن اهنيك اليوم
انت فزت .. وباقي الامل فيني مهزوم
لان اليوم مو يومي
ومن متى اصلا كان لي يوم |