04/04/2006, 11:01 AM
|
زعيــم مميــز | | تاريخ التسجيل: 10/05/2005 المكان: (في السمــــاء الثامنة )
مشاركات: 3,596
| |
قالها سامي ... آخر شي كنا نتوقعه من أبو عبدالله ...!!!!
في خبر بالرياضية أمس .. سامس بينتهي عقده بعد شهرين ,, والخبر يقول أن سامي بيروح للي يدفع أكثر ...
معقولة هالكلام يطلع من سامي؟!
أوكي حنا بعصر إحتراف .. لكن اللي يعيش في أمبراطورية الحب .. أمبراطورية الزعيم .. ما يفكر يغادرها إطلاقا ..
صدقوني الهلال اللي أعطى اللاعبين واللي وصلهم لها الجماهيرية والنجومية ومو العكس ... ما أدري ليه يفكرون بغير الهلال رغم انه على جميع الأصعدة ملبي رغباتهم .. رواتبهم .. مكافئتهم .. زعامة واسقرار إداري اتحدى يلقون نادي بهالشكل ...وإذا كان قصد سامي يبغى قيمة العقد أعلى من غيره .. الهلاليين رح يتفهمون هالشي من دون هالتصريح ...
لا واللي يقهر أكثر انه بتصريح اللاعبين اللي يبغون ينتقلون للي يدفع أكثر .. كأنهم يعطون إشارة للبلوي عشان يبدأ مؤامراته الخبيثه .. لأنه الوحيد القادر على الدفع أكثر كرها وحقدا على الهلال ....
لمتوا نواف وعاتبتوه وجد البلوي يخطط عليه وهذا اللي أكده نواف بن محمد بالإخباريه ... واللحين سامي زيه ياترى بتلومونه وبتعاتبونه؟! ولا كالعادة الإبن المدلل ...
ما أظن الرياضيه تلفق هالخبر لأنها تعرف أنها تتكلم عن لاعب له جماهيريته العريضه لدى الجمهور الهلالي ...غير كذا ماتبغى تخسر خصوصا بعد إعلان أبو سلطان مقاطعته ...وإذا كان الكلام مو صحيح ياريت سامي يطلع لنا وينفي ...
أنا ماني ضد سامي بالعكس أحساسكم تجاه سامي هو نفسه إحساسي ..
عموما .. غادرنا نواف أو سامي .. رح نظل نعشق الزعيم .. لأننا نعشق ذاك الشعار وذاك اللون وذاك النادي .. واللي يغادرنا نقوله الله يوفقك ولا تنسى فضل الزعيم اللي وصلك لها النجومية ...
بألم :
اليزابيث هيرلي ... |