والله يالحبيب .....أنا من الظهر واناأحاول بالرقم المجاني واحاول بالموقع ....والمشكله عندي اختبار بكرا
لكن تجيك السالفه
وبعد عناء طوييييل شبك الخط واجيك امشي الف من عند اهلي ويقولون وش فيه اليوم هذا ماكلله بلا
واروح اخذ رقم الأشتراك واعطيه الرد الصوتي ويجيك ويقولي نتيجتك هي وانا قلبي يقول طربق طربق
وانا قاعد اقول بنفسي انشاء الله الأختبار الثاني اجيب درجه زينه تعرف يعني اول اختبار ======أسلوب من اساليبي وهذا الأسلوب يسمى اسلوب ترضيه النفس
لعدم الشعور بالصدمه .....نتيجتك هي ثنتان وستون وتجيك دقه الخطر وسط أنضار أخي الملعونه
قلت وش يقول هذا قال يقول ثنتان وستون يعني ثنين وستين يادلخ
قلت وشلون ...قال كذا قال والله مادري عنك ....وهذا الكلام الساعه وحده بالليل واروح أذاكر الماده حقت بكرا الي هي فقه والصراحه ضاق صدري
قلت خل ندق عليه ثانيه يمكن يغير رايه ولا مخربط
وادق ويجي يقولي ثنتان وستون
وتجي الساعه 3 قلت خل بروح للأنترنت بشوف الموقع وافتح واحط الرقم ويجي اسمي فووق وانا خايبه امالي واحلامي تبددت كلها ويقولي نتيجتك بالكمي 91 واللغوي76 والله مادري ألا والنسبه 81
فأنا مادري وش درجتي للحين أدري أني طولت لكن ..ملحس مادري وش أخذ كلام الموقع أو راعي ثنتان
مع السلامه