أنا أدري إنه بحي البديعة..

بس أنا ما أعرف ولا شيء عن البديعة .. أصلاً مدري هي غرب والا وجنوب والا شمال...

أنا بشرق الرياض وما أعرف غير طريق المطار، وطريق خريص... أبغى واحد يوصف لي سوق البديعة وين بالضبط..

مع جزيل الشكر والامتنان...

على طريق المدينة

على طريق المدينة !!



او انك تجي له من الجسر المعلق !!

احم .. اسمع الشور مني ولايهمك أحـد


البديعة مول ..


تعرف الدايري الغربي ..؟

تعرف طريق عائشة بنت أبي بكر ..؟


أبداً .. امسك هالشـارع الين تجيك اشارة كنتاكي

لف من كنتاكي يمين .. وامش سيدا .. لين تجيك اشارة .. يصير على يسارك السوق


يالله عاد جب لي هدية

إقتباس الرسالة الأصلية كتبت بواسطة جــيــتــك احم .. اسمع الشور مني ولايهمك أحـد البديعة مول .. تعرف الدايري الغربي ..؟ تعرف طريق عائشة بنت أبي بكر ..؟ أبداً .. امسك هالشـارع الين تجيك اشارة كنتاكي لف من كنتاكي يمين .. وامش سيدا .. لين تجيك اشارة .. يصير على يسارك السوق

او تعرف ملعب الملز ؟؟

اذا جتك جامعة الملز للبنات في شارع اسمه طريق الجامعة خل ميدان الفروسية وراك (يعني اتجاهك غرب) واذا تعديت مبنى الرئاسة العامة لرعاية الشباب كمل وامش الين تدخل توماتيك بشارع الوشم وكمله الين ينتهي وبعدها لف يسار واذا تعديت جامعة الملك سعود بيصير الشارع خط واحد امش لين تجيك محطة الدريس وبعدها بيجيك تقاطع المدينة المنورة لف يمين ووصلنا
هذا أحسن وصف واذا رحت مر على نادي الهلال تراه مو بعيد عنه

اووووووووه معروف ,,

خذ الوصف,,,

انزل من مقر سكنك ,, الى الشارع .. ووقف اقرب ليموزين .. وقله وصلني للبديعيه ,,
واذا بتاخذ معك سيارتك .. امش وراه ... او اطلع معه تحلل الفلوس..


انتهينا,,

علما باني ماقد شفت شوارع الرياض الا بالتلفزيون خخخخخخ والانترنت يمكن ..
ومدري اذا شفته بالراديو والا لا ...


<رايق والام مو؟

إقتباس الرسالة الأصلية كتبت بواسطة عزوز الأزرق اووووووووه معروف ,, خذ الوصف,,, انزل من مقر سكنك ,, الى الشارع .. ووقف اقرب ليموزين .. وقله وصلني للبديعيه ,, واذا بتاخذ معك سيارتك .. امش وراه ... او اطلع معه تحلل الفلوس.. انتهينا,,

<<< والله انك صادق خخخخخخخخخخخخخخخخخخخخ

مشكورين شباب

خصوصا جيتك وانسان هلالي

هههههههههههههههه

متابعه

اول شئ البديعــة بغــرب الرياض

ثاني شئ بوصف لك توصيف يمكن يفيدك ، انت تقول اعرف طريق خريــص امســـك طريق خريص واتجه غربــاً إلــى مايجيك تقاطع خريص مع طريق الملك فهد امســـك طريق الملك فهد متجهاً جنوبـــاً
إلى مايجيك تقاطع الملك فهد مع الدائري اخذ يمينــاً لا تروح يسار رح يميــن يسار راح يروح بك إلى اماكن عديدة منها الحراج و الخرج
المهم يميــــن تمســك الدائري يجيك المخرج الأول اتركه يجيك المخرج الثاني تبع عائشــة بنت ابي بكر اتركه يجي المخرج الرابــــع والخامس نفس الشي اتركه السادس هو مخرج شــــــــارع المدينـــة المنورة ادخله
يجيك اشارات كثيرة إلى ماتوصل البديـــــعة مول تقريبا هي خامس اشارة تحصــــــل البديعــــــة مـــــول على يسارك

واتمنى اني وصفت لك بالشكل المطلوب

عساك وصلت لها بس

كانك مافهمت
بجي اوصف >>>>>>>>>>>>عزا الله راح الولد لمكه

لاتصدقهم كلهم

ترى ماعندهم سالفة

خذ العلم وأنا أخوك <<<<<<<<<أمحق علم

تمشي يا طويل العمر في طريق الملك خريص لين ما يجيك طريق الملك فهد وتروح يمين وتبتل لين يجيك مخرج مكتوب علاه المطار تطلع معاه يمين فيه مفرق علاطول واحد يمين يودي المطار والثاني يسار يودي مكة أنت روح يسار على مكة وبعدين تمشي سيييييييدا لين ما يجيك مخرج عاليمين مككتوب عليه طريق الخرج والصناعية القديمة تروح معاه إذا رحت معاو تلاقي نفسك في إحدى عجائب الرياض ألا وهو الجسر المعلق وبتلاقي الددتسن حقي واقفة تحت الجسر في مكان إسمه الحجز .....

المهم تمشي على الجسر ذا لين ما يجيك مخرج السيدة عائشة رضي الله عنها وتروح مع المخرج في إشارة تلف يسار أبد تمشي سيدا وتلاقي السوق عاليسار ..

وش رايكم بالوصف؟ يجنن ، صح؟
وإلا أحسن روح القصيم وإرجع مرة ثانية عشان تصير نزلة واحدة خخخخخخخخ

المهم تبي أوصف لك العودة وإلا لا؟

لا يهمونك .. قلي وين بيتك واجي اخذك وواديك له.. منيب فاضي اكتب الوصف <<<<<<<<<< ترا امزح ..