|
وأيضاً نريد حافلات تنطلق من القصيم مروراً بالزلفي والغاط.... وأيضاً نريد حافلات تنطلق من القصيم مروراً بالزلفي والغاط والمجمعه ومنطقة سدير بعد قرائتي لمقال احد الاخوان عن اقتراح وجود حافلات تنقل جماهير الهلال بالغربيه او ان اقتراح على ادارة واعضاء شرف الهلال بنقل جماهير الهلال من منطقة القصيم التي يتبع لها عشرات المحافظات وتمر على الزلفي والغاط والمجمعه وسدير وبهذا نرا استاذ الملك فهد قد امتلاء ب70.000 متفرج في النهائي القادم ( ولي العهد ) وفي مبارة المركز الثاني والثالث وفي نهائي خادم الحرمين <<< بإاذن الله نبي نتأهل وفي الاسيويه والرأي لكم ياجماهير من يؤيد الاقتراح |
ياخي ماصارت شغلوا سياراتكم وتعالو على كذا شكل الهلال بتفتح شركة نقل عام وبيخلونها للاكتتاب العام <<<<<<< متعلق في الاسهم وبتزل في السوق السعودي ويقولون بعد ان فيه باصات بتجي من امريكا واستراليا للطلاب المبتعثين وبيمرون على المانيا وبريطانيا ياخي الهلال ماقصر وفرحكم وجاب لكم البطولات غيركم له عشر سنين ولا بطولة وجماهيرة تقطع مئات الكيلوات تراها مباراة وحدة في السنة ولكن للاسف الادارة هي اللي سببت ( الدلع ) للجمهور وان كانك منت بجاي الا بباص خلك في ديرتك وجمهور الرياض ان شاء الله مهوب مقصر |
ماودك نسحب استاذ الملك فهد بين القصيم والزلفي ...... ماصار جمهور هذا صار مخدووووووووووووووم ارجو ان نتفاعل مع نادينا البطولي واحمد ربك ناس تمنى تلعب مباراة تحديد المركز الثالث والرابع |
ياخي تعال مع النقل الجماعي كانك مامعك سياره ولا ما كثرالله الى الي يجون للمبارت من القصيم والزلفي انشب بحلق واحد منهم قدامك اسبوع يمديك تدور |
أنا معاك في هذا الأمر لان فيه كثير من الشباب اسأله تبي تروح تحظر المبارة والله ودي بس مامعي سيارة |
أشـوفـك سحبــت على شقـرا .. !! ( وجـه معصـب ) الهـلال مـو ملـزم يسيـر حافـلات .. وحافلات الشرقيـة تكفـل بهـا (أعضاء شـرف ) بالشرقيـة نفسـهـا ... !! و .. ترا فيـه اختراع اسمه (سيـــارة ) والف شكـــر .. |
السلام عليكم ورحمة الله وبركاته ... والله العظيم يالدلع إنك خليت قلبي على نار وفكري في حيره وقلق أنا ألحين أرد عليك وأنا في كندا بس لما شفت إسم الغاااااااااااااااااااااااااااط طالع في العنوان فز قلبي وخذني الشوق .... تكفى إذا مريت على الغاط سلملي عليه وخاصة شعيب أم طليحة ( سميي ) ياااازينة من شعيب ويازين الترمي فية ويازين طيوره ... الله يرجك والله على طول طلعت الصور وجلست أشوف الغاط ... على العموم يعطيك ألف عافيه على تشجيع الجمهور على الحضور بس ياحبيلك أكثر لما جبت طاري الغاط ... ( الجود جودي وأنا ولد الأجواد *** الغاط ديرتي وأنا ولدها ) |
- دائما جمهور القصيم مهضوم حقه .. لامجلس جمهور ولاحافلات .. والمشكلة اكثر من يحضر هو .. وسع صدرك يارجال .. |
واللة الصرااااااااحة المفروض القصيم فيها مجلس جمهور....لان فيها شعبية جارفة للزعيم... اما عن الباصات ...والحافلات....يارجال....شغل سيارتك ودز للرياض كلها ساعتين وانت بالرياض.... انا دايم اروح الظهر وارجع بنفس الليلة ...كل شي يهوووووووووون ليعيون الزعيم..... لازم تحضروون ياجمهور الهلال بالقصيم...تكفوووون نبي نملا الاستاد...تكفووووووووووووووون واللة نملاة الجمهور من الرياض من الشرقية...ومن الغربية...ومن القصيم....واللة نضمن 60 الف هلالي انا بالنسبة لي جاي ومعي 5 من اخوايي.... |
إقتباس:
ياعزيزي وش فيك معصب انا اتكلم بلسان حال سكان تلك الديار ( التي هي مسقط راسي) الذين لايملكون وسيلة النقل وانت كما تعلم بان 90% من الجمهور هم مابين 18-25 وتوجد فئه كبيره من هؤولاء لايلمكون سياره اما عن نفسي ياخي فانا من سكان الرياض واحضر جميع المباريات ولا احتاج للباص ولكن حبي للهلال وجماهير الهلال اردت ان اضع هذا الاقتراح وايضا لعلمي بان هناك الآلف من الجماهير المتعطشه للحضور ولكنها لاتستطيع واشكر لك اريحيتك |
إقتباس:
قل والله ؟؟؟؟ :D |
مافيها شئ يا اخوان نداء الى الاخوان القادرين على مساعدة الشباب بالحظور وذلك ان يقدم لهم باصات مكيفه ووجبات ودخول مجاني يستاهلون واله انا معهم على فكرة يا اخوان فيه طلبه وفيه شباب غير قادرين يعني ليش ما نساعدهم ونتغنى بالزعيم جميعا ومشكور على اقتراحك وانشاء الله اعضاء الشرف اللي من منطقة القصيم وسدير يبادرون في تقديم خدماتهم وماخاب من نفع . |
والله لو نها خميس كان مريتكم واحد واحد لكن السبت عندي اختبار وحسبي الله عليهم هم واوقاتهم |
اخوي الدلع الف شكر لك على بادرتك الجميلة الاخوه المعارضين لفكر الاخ الدلع مع احترامي لكم انك قسوة على الرجل بالرغم ان فكرته جديره بالاحترام وليكن بعلمكم ان النادي هو من تبنى هذه الفكره وشجعها ومن ثم انتقلت إلى اعضاء الشرف الذين مازالو يقدمون الكثير لجماهير الهلال فكم كنت اتمنى انكم دعمتم فكرتي او انكم لم تعارضوها على اقل تقدير شاكر لك هلالي |
صح كلامك وترى جماهير القصيم ما هي سهلة مثل ما قال ابو سلطان . |
| الوقت المعتمد في المنتدى بتوقيت جرينتش +3.
الوقت الان » 03:11 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd