حبيت اشارك بدا الموضوع الي حسيت انه بدا ياخد اكبر من حجمه بالذات بين المشجعين الهلالين او الشعب الهلالي موضوع الهجوم على اللاعبين سوا كان مميز ولا لا مافي احد من اللاعبين ماطاله الانتقاد وجميع الانتقادات الا مارحم ربي كلها هدامه فااتمنى الجميع اما الانتقاد البناء او لا



تاني نقطه مافي احد في الشعب السعودي ومااستتثني احد الا مسوي مدرب وانه فاهم في الكوره وعارف التشكيله ويدخل في شغل المدرب ويقول نزل دا وسيب دا من جد سارت عندنا ظاهره هادا الموضوع سيبوا لكل انسان تخصصه ويختار اي لاعب يمشي مع خطته ويقدر يطبقها فلو سبنا كله واحد يشتغل براحته راح نشوف كوره سعوده متطوره




تالتا كترت الهجوم على المنتخب وكترة المعسكرات انا معاكم انه حرام اللاعب مايلعب مع النادي وانه ميستفاد منه احنا اصلا كل موسم عندنا في السعوديه استثنائي فهادا الشي سار عادي وبعد دا كله اتمنى المنتخب يظهر بالصوره المشرفه في كاس العالم


رابعا موضوع الشريط حق الامير محمد بن فيصل اتمنى من الجميع عدم الرد على احد ودع القافله تسير والباقي انته عارفينوه وعند طلب للامير محمد بدام الشريط مافي يرفع دعوه على الي نشر الخبر لانه هذا عتبر قذف وانشاء الله ينصره على من يعاديه

خامس شي اتمنى التوفيق للهلال في كل البطولات التلاته وسامحونا على التطويل واني اتكلمت باللغه العاميه

واتمنى اشوف الجميع بصحه جيده

مشكور اخوى

بس لا تنسى انة الهلال عندة بطولة اسيا و المنتخب يلعب مباريات ودية يعنى شوية كدة بس .الهلال يقدم و ما احد يقدر