اعتراف سمو الأمير محمد بن فيصل .. و مهزلة منتديات الظلام (منتديات العالمي) - نادي الهلال السعودي - شبكة الزعيم

الهلال فوق الجميع · #1 31/03/2006, 01:26 PM

الكل يعلم عن التسجيل الصوتي الصادر من منتديات العالمي .. من عضو يسمى بالتحديد "قاهر الهلاليين"
فعلا أصبح الأمر مضحك في منتديات الظلام "منتديات العالمي" فاني اكاد احلف بالله ان أغلب أعضاء هذا المنتدى من الأطفال او المراهقين .. الذين لا هم لهم الا "الهلال قال" او "الهلال فعل" او "الهلال سوا" او "خويي في المدرسة هلالي كيف اقهره " او "اسمعوا وش صار بيني و بين خويي الهلالي " و غيرها الكثير من هذه العبارات التي جعلتنا نتعجب من زعامتك يا هلال , ألهذا الحد يتعذبون ! ألهذا الحد يئسوا من الوصول الى ما وصلت اليه ..
نعود لموضوع التسجيل الصوتي .. فما سمعنا به من الاخوة النصراويين .. يجعلنا نعتقد أن سمو الأمير محمد بن فيصل صرح قائلاً " أعطينا شيكا للحكم الفلاني " أو نفيدكم علما بأن الحكم الفلاني استلم منا مبلغاً وقدره .. من أجل أن يجعلنا نفوز في المباراة الفلانية "
والله امرهم غريب ..
لو مثلا سلمنا بأن التسجيل كان حقيقي فكلام الامير محمد بن فيصل يتلخص فيما يأتي ..
* كرة القدم السعودية تعيش فساد عظيم .. لا يبشر بمستقبل مشرق للكرة السعودية ..
* أغلب الاندية تضررت من التحكيم .. منها الهلال والاتحاد والوحدة و غيرهم الكثير ..
* جميع الأندية تضررت من القرارات الغريبة للاداريين في المنتخب ومن المنتسبين له منهم الهلال والنصر وغيرهم .. وما قاله عن هذا الجانب أنه كيف الدعيع يمنع من الحضور للنادي بعد خروجه من معسكر المنتخب و كيف سعد الحارثي و نجوم المنتخب يتم ارسالهم الى دولة اخرى لتصوير اعلان من أجل دراهم معدودة ..
ما يتشبث به النصراويين ويعتبرونه اعتراف من رئيس الهلال (برشوة الحكام ) هو بالضبط في النقاط التالية
#قوله " احنا نعترف فيه حكام كانوا يساعدونا في بعض المباريات, نعترف الآن ونتمنى يكون الباقي أشجع "
#و قوله " الوحدة كان معارض على الحكم اللي بين الهلال والوحدة واللي لغى بلنتي صريح جدا جدا جدا للوحدة الدور الاول وظلم الوحدة وطلع الهلال فايز وما كان يستحق الفوز .. نكون صادقين يعني .. "
هذه العبارتين هي التي جعلت النصراويين يطبلون و يصرخون و يتباكون على بطولات الهلال وانها مسلوبة و انهم هم الأحق بها ( الله يرفق بحالكم يا النصراويين .. )
لم أسمع في كلام الرئيس ما يوضح ان الهلال رشى حكما يوما ما أو انه أعطى حكما مقابل من أجل ان يفوز الهلال أو يلمح الى ذلك ..
حقيقة لا أعلم .. سبب الضجة المثارة من قبل النصراويين على تصريح رئيس الهلال .. فحين يقول الشخص "الحكم ساعدنا اليوم" فهل هذا معناه انه تم دفع رشوة أو شيء من هذا القبيل ؟؟؟ فعلا أمر عجيب ..
لا وتشوف الردود اللي في الموضوع اللي يسب ويلعن و في الأخير يقول "بس ترى الرابط ما اشتغل عندي" واللي يقول "لعن الله الراشي والمرتشي " واللي يقول أخييييرا اعتراف يلخص بطولات الهلال .. واللي يكبر ..
يا عالم اتقوا الله !!!
في النهاية أحب اقول للاخوة النصراويين .. اتركوا عنكم الترهات والكلام الفاضي اللي ما يوكل عيش ..
واتركوا عنكم العاطفة اللي بدون عقل .. والتعصب الأعمى ..
و أحب اقول للاخوة اللي ما سمعوا التسجيل .. لا يفوتكم صوت اللي يقول "النصر كلوب , قاهر الهلاليين" كنه طفل في خامس ابتدائي في حصة مطالعة .. يعطي الكلام كذا مبالغة في الاسلوب الفصيح

..
استغفر الله العظيم من كل ذنب عظيم
استغفر الله العظيم من كل ذنب عظيم
استغفر الله العظيم من كل ذنب عظيم

سامي موجود · #2 31/03/2006, 01:47 PM

حلم النصراويين هي استمرار المنافسة بيننا لكن مستحيل عنز مثل النصر تناطح جبل هلالي

سامي موجود · #3 31/03/2006, 01:47 PM

حلم النصراويين هي استمرار المنافسة بيننا لكن مستحيل عنز مثل النصر تناطح جبل هلالي

هلاليه ذووق · #4 31/03/2006, 01:49 PM

اخووي معرووف ان شغلهم الشااغل الهلال وش سواا ووش قالوا ... الخ
الله لا يشغلنا الا بطااعته
مشكوور اخووي

White Blue · #5 31/03/2006, 01:51 PM

يارجااال

اللي قهرني ان النصراويين يقولون ان كثير من جماهير الهلال تركت التشجيع وراحت تشجع الاتهاد وفريقهم

الحمد لله والشكر .. الله يشفيهم

<<الأزرق المتوهج>> · #6 31/03/2006, 02:55 PM

والله النصر كنادي ...قدم للمنتخب لاعبين كبار أمثال ماجد عبدالله ويوسف خميس ...لكن المشكلة في بعض جماهير النادي ...اللي تحس إن بعدهم عن البطلات أثرت على عقلياتهم ...لأنك تجد عندهم مواضيع ...ما يتطرق لها حتى الأطفال في غرف الدردشة (الشات)...النصر له بصمة على الكرة السعودية وهي بصمة إيجابية ...أما جماهيره فهي سلبية لأبعد الحدود... طبعاً أغلبية الجمهور وليس الكل

BANDARS5 · #7 31/03/2006, 03:14 PM

انا اقول الله يهديك يابوسلطان فتح لهم باب والله مايسكتون ابد هم يدورنها من زمان مشكلة ابوسلطان قليل الخبره طيب من يسكت التركماني جستنيه وربعه ام جماهير النصر هذي جماهير مسكين خلهم يتنفسون ويلقون لهم شي يتسلون به

الهلال فوق الجميع · #8 01/04/2006, 10:23 AM

أشكركم على المرور والمشاركة .. بالنسبة لكلامك يا اخي الأزرق المتوهج .. والله انك صادق في كل كلمة .. النصر يظل نادي كبير .. و كلنا نعلم فضله على الكرة السعودية .. حتى ادارته الحالية أنا أرى انها الأميز بالنسبة للادارات اللي مرت على النصر من سنين .. ولكن المشكلة في الجمهور اللي ما همه الا الهلال وسامي والدعيع .. والله لو يصحون لناديهم انه ليرجع مثل اول وأقوى .. وهذا ما نتمناه نحن الهلاليين حتى يعود للديربي طعمه وتعود مواجهاتنا الدولية مع النصر .. في البطولات الخارجية .. ويعود حماس الديربي في الدوري و باقي البطولات المحلية .. تخيل مباراة بين الهلال والنصر في الدوري تحسم الصدارة لأحدهم .. والله انها متعة ما بعدها متعة .. لكن على الله تعود الأيام الخوالي .. ويعود التنافس هلالي نصراوي .. ونرتاح من اللي ما همهم الا المؤتمرات الصحفية و عدد المصورين و الظهور الاعلامي الخالي من الفائدة ..