السلام عليكم و رحمة الله و بركاته ،،
أرجو قبولي معكم عضو جديد مع العلم مدير الخدمة يقرب لي
وصل عدد المشتركين بخدمة جوال الهلال إلى 171 ألف مشترك
هاذي ما فيها جديد الرسالة جاتكم أكيد بس اللي ما جاكم هو :
قناة 1 27000
قناة 2 41000
قناة 3 35000
قناة 4 24000 ( تشهد نمو عنيف )
قناة 5 32000 ( تشهد نمو أليم )
قناة 6 12000 ( تشهد نمو خرافي )
العدد تقريبي في كل قناة ،،
بس حبيت أجيب لكم بعض المعلومات عن الخدمة و طرائف عن المشتركين :
* بعض لمشتركين يرسل للرقم 5111 العبارات التالية :
( أبغى رقم رئيس الهلال !!! )
( غ ثم فراغ ثم رقم القناة ) هذا يبغى يلغي !!
( 6 إلى 5111 ) يبى يشترك في قناة 6
( ص ثم فراغ ثم 9 ) هذا يبى يصوت لسامي !!
( ص ثم فراغ ثم الحارس ) يبى يصوت للشمري
( كم نقاط الهلال ؟ ) مدري وش يبي ؟؟
( أهني أبو سلطان بالخطوبة ) كله ذوق ،،
( كم التاريخ اليوم ؟ ) وين يا أبو الشباب ؟؟
( أبغى أعرس تكفووووون على وحدة هلالية ) الله يرزقه و يجمع بينهم بالهلال قصدي بالحلال
( أتوقع أبجيب العيد بإختبار بكرا ) هذا توقع لنتيجة المباراة !!
( خلو الجمعان ينزل بسررررعة ) رسالة أثناء أحد المباريات الظاهر يحسب إنه جوال المدرب !!
متفرقات :
* هدف سامي على الوحدة أكثر هدف عليه طلب في قناة الثيمات
* بعض المشتركين يلغي الخدمة إذا انهزم الهلال و بعدها بيومين يتحسف و يرجع يشترك
* أحد المشتركين ألغى الخدمة وأشترك فيها 135 مرة
* فيه ناس تشترك بالخدمة علشان التشكيلة و يلغونها إذا وصلتهم ( طبعا الله لا يهينهم بيدفعون 40 هللة )
* بعض المشتركين يشترك في قناة الصحف و اول رسالة تجيه من القناة يلغي الخدمة !!
* عدد المشتركين يتأثر بالنتائج بشكل كبير
تحيااااتي و احترامي لكل المشتركين بجوال الهلال
و لنا لقاء بإذن الله ،،،