أداء ونتيجه الارسنال يطيح اليوفي - نادي الهلال السعودي - شبكة الزعيم

فتى الروغ · #1 28/03/2006, 11:47 PM

استطاع شباب الارسنال الحاق الهزيمة باليوفي في مبارة الذهاب ببطولة اوروبا بنتيجة 2_0 وسجل كل من فابريجاس (نجم المبارة) والغزال الاسمر تيري هنري تسجيل الاهداف وكان الارسنال المسيطر على المبارة باداء فني رائع وممتع

THE COACH · #2 28/03/2006, 11:54 PM

مبروك للأرسنال وعشاقه

بصراحه فابريقاس أفضل موهبة قادمة في مركز المحور

فتى الروغ · #3 28/03/2006, 11:57 PM

شكرا ياعشق الجابر ولاتنسى دور فينجر وسياسته ( جلب الرخيص وجعله ذهب نفيس )

Arsenal.FC · #4 29/03/2006, 12:06 AM

مبروك للأرسنال الفوز والموهبه الكبيره فابريجاس وهذا الفريق الكبير بقيادة الغزال الأسمر

ياهنري متى ينصفك الفيفا

ابو حنفي · #5 29/03/2006, 12:07 AM

الف الف مبرووووووووك للمدفعجيه ..
قال ايش قال يوفي ياعمي طير بس اجل ولا هجمه خطيره كل المباراة يالزلايب ..
خامس الانجليزي الموسم الماضي اخرجه والان السادس في طريقه لاخراجه خخخخخخ

خخخخخخخ يخرب بيتك ياهنري
الدلخ زيبينا من زود مااستخف منه ..يوم خذا الكرت الثاني دخل الملعب بدال مايطلع ..خخخخخخخخخخخخ

فييرا + كامورانيسي + زيبينا سيغيبون عن الاياب ..

المؤيد التميمي · #6 29/03/2006, 12:09 AM

مبروك للارسنال التاهل
مع اني ماشف المباراه بس اني متوقعها للارسنال
الا صدق انطرد منهم اثنين

go gunners · #7 29/03/2006, 12:19 AM

ابقولكم قصتي مع التشجيع في المقهى
رحت للمقهى ولقيت شباب واجدين وقالو نبي نحط برشلونه << طبعا مطنشين مباراة السعوديه

قلت والله معصي تحط برشلونه والارسنال يلعب

وكلهم طبو علي قالو مافيه الا البارشا حتى عامل المقهى طب معهم قلت هين شغلكم عندي

وادق على 6 من العيال مايدرون وش الكورة قلتهم تعالو انا بالمقهى الفلاني قالو مالك هم << طبعا علمتهم بالسالفه

وقلتهم قبل ماتجون مرو محل رياضه واشترو شال للارسنال

وماقصرو جو وشرو شال ويوم يدخلون مع الباب حق المقهى ويصوتون ارسنال ارسنال حيو والشباب الي بالمقهى سكتو كان على رؤوسهم الطير

: قلت نفعكم البارشا ونحط الارسنال والشباب الي يشجعون البارشا شكلهم دخلو معنا عرض وشجعو الارسنال

:

وانا رحت اجيب بيره موسي فراوله ويوم يجي هدف فابريجاس وتنصك القزازه بالطاوله والعامل يقول اسفي انتا صديق والله مشكل مع كفيل

:

: قلت حل عن وجهي لا اجيب الثانيه واصبخبها راسك

:

ويوم يجي هدف هنري قلت يالله ياشباب معنا قولو حيو الارسنال وماقصرو والله وكل واحد وراء الثاني :angel: ويوم انتهت المباراه واسلم على الي جالسين واحد واحد وقلت مالكم الا من يحاسب عنكم واحاسب عنهم ويطلع حسابهم 95 ريال قلت ماتهمني عند الارسنال (himo)

ونسيت اقولكم حاجه مهمه يوم جاء هدف هنري وانا افصخ فانيلة الارسنال واقعد على الطاوله موب على الكرسي واانا على الفانيله الداخليه ولا همني احد واقولم اطامر قسم بالله الي شافط الطاسه مايسوي مثلي

:

: لكن قلت هذا الارسنال لحالو

وهذا قصت المغامره

الف مبرووك للقنرز والمفروض ان تورام وكنفارو ياخذون كروت صفر لكن الحكم رحمهم والله

هوووووووووووه هوووووووووووووه ارسنال

Go Gunners

خافير بن سافيولا · #8 29/03/2006, 12:21 AM

مبرووووووووووووك للارسنال . .. .

وباذن الله الكاس راح تلامس ادين هنري . .. .

Soccer Maker · #9 29/03/2006, 12:22 AM

والله السعادة عارمة في وجهي هذه اللحظات ..

لأننا هزمنا الفريق اللذي يقال عنه زعيم الكرة الأيطالية بدون اخذ كرت اصفر

وبدون اي فرصة خطيرة على مرمانا رغم غياب الأساسيين لورين .. كامبل .. كول ..

ماقول الى انك عبقري يا فنقر

فتى الروغ · #10 29/03/2006, 12:28 AM

مشكورين شباب على المرور
go gunners معلمتنا نفزع معك والحساب عندي

انا قصتي اني اناظر المبارة في البيت وعندي واحد يشجع اليوفي قبل بداية المباراة يقولي راح نام عشان ماتنفجع من النتيجه طبعا ياجبل مايهزك ريح المهم يمين يسار فابريقاس والهدف الاول قلت افرش فراشك وتولم شوي هنري يجيب الثاني قلت لاتنسى تقول تصبحون على خير قبل لاتروح تنام وبالفعل انسل وراح ينام بس الظاهر انه ماراح يجيه النوم اليليه لأني باهبلبه

الامـيـر · #11 29/03/2006, 12:40 AM

نعم مايصح الا الصحيح

تتغلب الكرة الجميلة على اللعب الممل

BOOCHI · #12 29/03/2006, 01:15 AM

[align=center]السلام عليكم ,,
اي والله اداء نتيجه , وسيطره وكره جميله تطيح اليوفي على يد القنرز ,
الف مبروك لعشاق الارسنال وهاردلك لـ اليوفي , والارسنال يستاهل التأهل وبكل جداره ,
ماحد يعرف لليوفي الا الانجليز

[/align]

hamada2700 · #13 29/03/2006, 01:49 AM

مبرووووك للجنرز و هاردلك لليوفي

الآرسنال يستحق الفوز

و اليوفي يستحق الخسارة و كانت تاريخية لولا كانافارو و بوفون

مبرووووووووك للآرسنال و أتمنى إنهم يفوزون بالتشامبيونز لأنه الصراحة فريق يستاهل

مينليستا(ميلان) · #14 29/03/2006, 01:58 AM

الله شباب الارسنال بقيادة المدافع توري وفي الوسط المقاتل الرائع فابريجاس وفي الهجوم الغزال هنري

ماقصرو وهذا اكبر دليل ان اليوفي فريق تحكيم في الدوري الايطالي وما يفوز الا بمساعدته

هلالي الفوارة · #15 29/03/2006, 02:48 AM

نعم الارسنال حطم غرور كابيللو ...واليوفي نجى من هزيمة تاريخة لو استغلوا لاعبي الارسنال بعض الهجمات السهلة
ويبدوا ان كأس هذة البطولة بين ثلاثة: 1) الارسنال...2) برشلونة....3) ميلان