حيا الله الهلاليين

تسيف أنتم ؟؟؟؟ ووش علومكم ؟؟؟؟

خلاص يا جماعه الخساره طبيعية جدا ومتوقعه من القادسيه لاسباب كثيره اهمها الراحه النفسيه اللي لعب بها القادسيه ولخبطه التدريب اللي حصلت واللي ما كان لها داعي ابد وتهور احمد الصويلح الله يصلحهبعدين لا تنسون الفريق كان جيد أمس صراحه وتغيرت نفسيات اللاعبين كثيييير وصار لهم نفس يلعبون ومتحمسين واذا عرف السبب بطل العجب يا جماعه والسر في هاللي تحت


كندينو المكابر


وهذا النص الاول من عنوان الموضوع واقصد في العنوان انه ما كان المفروض ابد ابد يجي كندينو لانه معروف براسه اليابس والغير مفيد واللي ما يقبل النقاش وسبق وطرد من المنتخب لهالسبب وما دام في النيه كليبر المفروض جاي من اول هو او غيره حتى لو كان عبدالعزيز العوده على الاقل يقدر الواحد يناقش ذولا عكس كندينو اللي ما عنده ولا أي نوع من اختلاق افكار جديده وحسنته الوحيده انه ابعد مضواح وإلياس فقط لا غير



مسفر شريف


وهذا هو النص الثاني من عنوان الموضوع واقصد فيه ان اللي حصل امس مؤامره عيني عينك وتكرار للي حصل العام ولا رقيب ولا حسيب مع انه الفرق في اللي صار ان لجنه الحكام الحاليه غير لجنه العام اللي راح وهذا وش يدل عليه بالله عليكم!!!!!واللي ابي اقوله ان كان تتذكرون العام كانت اخر مباراه في الدور التمهيدي مع فريق احد وفي نفس الوقت كان يلعب الشباب مع الاتحاد وكان لازم نفوز على احد بفرق 5 اهداف مع خساره الشباب او تعادله مع الاتحاد علشان نضمن المركز الاول وكان حكم مباراتنا ذاك اليوم مسفر شريف ولعب باعصاب اللاعبين حتى فيه بلنتي على ما اذكر للهلال اللي حسبه رجل الخط بعد ما حامت تسبده من خنبقات الحكم ذاك اليومطبعا أمس كانت المباراه نفس اهميه مباراه العام وكان الحكم نفسه حق العام!!!!!!!وش تفسير اللجنه واتحاد القدم


مع السلامه

نفس الي صار للصويلح صار مع لاعيبه الجبلين بس قل الحمدالله ان الصويلح مع الهلال ولا كان مشطوب الحاقي مع قرار الجبلين

لا حول ولا قوه الا اللــــه

الخساره مصل أو تطعيم للجاي

بالتوفيق للزعيم.

مشكوووووووووووووور ويعطيكم العافية

الله يستر من الجاي
يسلمووو

إقتباس الرسالة الأصلية كتبت بواسطة الطنيان نفس الي صار للصويلح صار مع لاعيبه الجبلين بس قل الحمدالله ان الصويلح مع الهلال ولا كان مشطوب الحاقي مع قرار الجبلين

كله هذا حب للجبلين تتهم الصويلح ليه الصويلح ضرب اوووووووووووووو سووووا رجه

إقتباس الرسالة الأصلية كتبت بواسطة @ابو بندر@ شيء يحزن ما فعله الصويلح أمس ولكن ماذا عسانا أن نفعل ؟؟ اما الحكم فله من الايجابيات وعليه من السلبيات يكفي أن أبو سلطان مدحه يعني ان شاء الله موفق تحياتي

.....

شكر عزيزي

حيالله كل واحدن باسمه

إقتباس الرسالة الأصلية كتبت بواسطة الطنيان نفس الي صار للصويلح صار مع لاعيبه الجبلين بس قل الحمدالله ان الصويلح مع الهلال ولا كان مشطوب الحاقي مع قرار الجبلين

وش دعوى يا اخوي شايفه ملاحق الحكم ومرفسه وماسك نعله بيده!!!!!!
سؤال بسيط انت هلالي؟؟؟؟

إقتباس الرسالة الأصلية كتبت بواسطة @ابو بندر@ شيء يحزن ما فعله الصويلح أمس ولكن ماذا عسانا أن نفعل ؟؟ اما الحكم فله من الايجابيات وعليه من السلبيات يكفي أن أبو سلطان مدحه يعني ان شاء الله موفق تحياتي

وش الايجابيات الله يرضى عليك!!!!
بعدين مهوب كل شي يقوله ابو سلطان صحيح لانه بشر والبشر يخطي


ما قصرتوا

مع السلامه