السلام عليكم ورحمة الله وبركاته







حبيت اني اكتب اليوم هذا الموضوع بعد ان قريت خبر يوم امس في جريده (احتفظ بأسمها لنفسي) تتكلم عن مقايضة لاعب نادي الهلال السابق ( والمعار حالياً لنادي الوحدة) اللاعب ماجد المرشدي - قلب دفاع –
بحارس نادي الطائي المعار للهلال الحارس فهد الشمري .....




وفي الحقيقة حبيت اني اناقش هذا الموضوع مع جماهير الهلال الغيورة في هذا المنتدى:


* انا اشوف ومن رأي خاص لي بأنها اذا تمت المقايضه فأن الهلال سوف يخسر خدمات لاعب له مستقبل كبير وكبير جدا والكل شاهد مستواه الرائع في مسابقة كأس الامير فيصل بن فهد وحصوله مع زملائه الاعبين على كأس البطولة.



* الاعب يقول ومن خلال تصريحه في نفس الجريده بأن المدرب كاندينيو لم يشاهد مستواه ووضعه خارج التشكيله واوصى بإعارته لعدم الحاجه له ولكنه تحمل كل هذا التجاهل بفضل التعامل المثالي الذي وجده من سمو الامير محمد بن فيصل رئيس النادي.



* وانا اقول ياكابتن ماجد انت من اللاعبين المميزين في النادي والجميع شاهدك عندما قدمت مستويات ممتازه في مسابقة كأس الامير فيصل بن فهد وهذا بشهاده الجميع، وبالنسبه لتجاهل المدرب لك ... مدرب الفريق مهما فعل معك سواء تجاهلك او لا.. اللاعب لازم تكون عنده ثقه في نفسه وصدقني انك راح تكون ركيزه من ركائز المنتخب إذا حافظت على مستواك.



* إعاره ماجد الظالمة ، الان من خلال وجه نظركم كجمهور هلالي من هو افضل ماجد المرشدي او عبدالعزيز الهليل؟؟؟؟؟؟؟؟
شوفوا ومن دون زعل، انا اشوف ان ماجد المرشدي افضل من الهليل بوووووووووواجد ليش؟؟؟؟؟؟

- ماجد المرشدي اسرع من الهليل من ناحيه الانقضاض على الكره الهليل كما هو معروف لاعب بطيئ
- ماجد المرشدي قتالي على الكره يعني يحسسك انه يبذل كل ماعنده ، هذا مو معناه ان الهليل مايبذل كل ماعنده .. لكن كل واحد ومقدرته.
- تمريرات الهليل ودخلات الهليل اغلبها خاطئه ودائماً يسبب للفريق إحراج (( نكبه)) زي هدف الهليل في مرمانا امام النصر.
- المرشدي عمره 22 يعني الله يحفظه صغير، ويلعب بهالمستوى والله حرام يرووووووح.



* من خلال المقارنه اللي بين ماجد المرشدي والهليل كان المفروض ان الهلال يعير الهليل بدال المرشدي لان الهلال اللحين متورط في خانه الدفاع !!!!!



* لو تلاحظون كيف فكنا الله من مدرب التجارب كاندينيو كيف كان يطنش لاعبين مميزين في الهلال زي ياسر الياس والمرشدي والذياب و ياسر القحطاني ووووو غيرهم يعني كان ناوي يدمر الهلال. لكن مو على كيفك ياكاندينيو فأمير العز عاشق الهلال الامير محمد بن فيصل موجود.




* على العموم هذا كل ما عندي واتمنى من الجميع التفاعل مع الموضوع وابداء وجهات النظر لان اي نادي بدون اراء جمهوره ولا شي ........




ومشكورين وأسف على الأطاله.

الموضوع المفروض ماينحذف من اللي قالك بينحذف

إقتباس الرسالة الأصلية كتبت بواسطة ي و س ف الموضوع المفروض ماينحذف من اللي قالك بينحذف

اخوب العزيز يوسف انا اعرف ان الموضوع راح يطير لانهم طيروا على اكثر من موضوعين على العموم ماعلينا فيهم

لكن انت مارديت خبر عن الموضوع وش تعليقك ؟؟؟؟؟؟؟؟؟؟؟؟؟

كلامك صحيح ماجد لاعب ممتاز وراح يستفيد منه الهلال

احسن من الاعمى الهليل الي يشوت خوياة يحسبهم لاعبين الانديه المنافسه

ماجد لاعب جيد وفهد كذلك ومصلحة الهلال اهم شي

كلامكم جميل واتمنى عدم التفريط في نواة الزعيم ومستقبله القادم

بحكم مشاهدتي لماجد في الجبلين قبل انتقاله للهلال تنبئت له مستقبل زاهر ان شاء الله

تدري وش اللي اثر عليه بالهلال الصخب الاعلامي والجماهيري وظوفه اللي كل فترة يجي لحائل

وبالتالي يغاب عن بعض التمارين فقط والله كان القلب النابض للبني مع سعود الحربي اتمنى بعد انتهاء الاعارة

يعطى فرصة وان جيت للواقع هو افضل من احمد اوت (احمد خليل )ومن الهليل ،،،،،،،،،،،

إقتباس الرسالة الأصلية كتبت بواسطة زعيم الكرة الارضية كلامكم جميل واتمنى عدم التفريط في نواة الزعيم ومستقبله القادم

اخوي زعيم ان شاء الله الهلال ماراح يفرط فيه ومشكور على مرورك

لانه راح يفرض نفسه على التشكيله الاساسيه اذا رجع صدقني

اهم شي ان الله فكنا من مدرب الغفلة

********* بيرلو ياكثر ماتفلسف.....طيب بنقول للاداره رجعوا صديق بيرلو المرشدي


المشرف :

الأخ وحش هلالي ... إذا لم تكن قادرا على احترام المكان الذي تكتب فيه والأعضاء الذين تكتب لهم فالأفضل أن تفكر في الكتابة في مواقع أخرى قد ترحب بك !! اعتبر هذا إنذارا لك !!

اتمنى لعب المرشدي مع تفاريس بدال المفرج

إقتباس * لو تلاحظون كيف فكنا الله من مدرب التجارب كاندينيو كيف كان يطنش لاعبين مميزين في الهلال زي ياسر الياس