#1  
قديم 28/03/2006, 12:57 AM
زعيــم متألــق
تاريخ التسجيل: 15/04/2002
المكان: بني سويف
مشاركات: 1,430
إذرف دمعة من أجل أمك ------- قصيدة

وهي لقصه انسان تائب مشى بطريق المخدرات وصار من

المدمنين والعياذ بالله وبهالطريق اغضب والدته 00

ولما تاب وجاء يطلب السموحه منها،، كان الموت اسرع منه

ماوصيكم هالله هالله بأمهاتكم .. الله يطول لكم بأعمارهم ..

والي فقد أمه يدعي لها بالرحمه والله يجعل مثواها الجنه

أترككم مع القصيده 00


0
0
0



يايمه منتهي جيتـك وطالـب منـك الغفـران
اقبّـل قاعـة اقدامـك واغسلهـا بدمعـاتـي

يايمـه كـل مافينـي يناديلـك انـا نـدمـان
طلبتك قولي سامحتك وردي لوجهـي بسماتـي


انا ادري قلبك الطيب كسرته بصدمة النكـران
غلطت وغلطتي هـذي تعيّـر كـل غلطاتـي

تشوفي الشيب يايمه ترى ماجـا وانـا فرحـان
وربي اللي رفع ذاتـك ونـزل للـردى ذاتـي

فقدت الراحه من بعدك فقدت الطيبه والتحنـان
بدونك راحتي غايـه بيدينـك هـذي راحاتـي

انا بعدك ولا حاجه انـا بعـدك تـرى عميـان
اشوف ولا اشـوف اللـي يورينـي مسراتـي

انا وسيد الشقى والهمّ من بعدك غدينـا اخـوان
يجيـب همـوم هالعالـم ويرميهـا بمتاهاتـي

صدقتي يوم قلتي لي تدين اليـوم بـس تنـدان
رميتك في بداياتـي ورمونـي فـي نهاياتـي

انا من شالك بايـده ورمـاك باسفـل البركـان
نخيتينـي وطلبتينـي ولا حصلتـي نخواتـي

مثل ماهنتي بعيوني عليهـم قلبـي يمـه هـان
رموني وبعتهم فزعه وانا الدمعـات فزعاتـي

يايمـه لاتضنينـي انـا مـن فعلهـم زعـلان
سـواةً فيـك سويتـه وسـووا فينـي سواتـي

يايمـه يالله ضمينـي ودفينـي بهالاحـضـان
انا ادري فيك مشتاقـه وهمـك بـس ملاقاتـي

يايمه حيييييل ضميني ابي ارتـاح انـا تعبـان
تعبت اهرب من ذنوبي ابيـك آخـر مسافاتـي

ابسمع منك اي كلمه لصوتك مسمعـي ولهـان
ابسمع يمـه بصوتـك ابذكـر فيهـا نشواتـي

اشوفك ساكته يمه غفيتي والا انـا غلطـان ؟؟
غفيتي يابعد عمري تعبتـي مـن مواساتـي ؟؟

يايمه طالبـك قومـي اذا لـي بعيونـك شـان
اشوف الموت بعيونك عساها تخيـب هقواتـي

تعالوا يابشر شوفـوا انـا محتـار انـا تلفـان
انا امي ماادري وش فيها انا ماادري انا احاتـي

شنو ؟؟ امي انا ماتت ؟؟ لا لا تـرى غلطـان
انا امـي ماتخلينـي علـى حزنـي ووناتـي

انا امي قلبها طيـب ولايمكـن تبكـي انسـان
انـا امـي ماتبكيـنـي ولاتتمـنـى آهـاتـي

يايمه صح مامتي ؟؟ وصح الموت تو ماحـان
اذا متي انـا بعـدك ابقضـي ويـن ساعاتـي

يايمه قومي يايمه وقولـي المـوت لا ماكـان
انا جيتـك وانـا نـاوي اببـدي فيـك جناتـي

تركتيني ومتي ليه ؟؟ تركتينـي وانـا غرقـان
ولا مسمـوح ياوليـدي ولا تلعنـك لعنـاتـي

انا الجاني وانا المجني وانا المخطي وانا الندمان
وانـا بيـدي رميتـك ايـه وبعثرتـه ملفاتـي

وجيت من الهنا مفلس وقلبي من الضنا خسران
تركتينـي علـى نـاري اعـدد فيـك زلاتـي

ولاني مرضياً ربـي ولانـي تابـع الشيطـان
انا بعـدك تـرى مابيـن نهاياتـي وبداياتـي

يايمه منتهي جيتـك وكلـي مرتجـي غفـران
وشفت الناس تلعنـي وتحذرنـي مـن الآتـي
اضافة رد مع اقتباس
  #2  
قديم 28/03/2006, 01:02 AM
زعيــم متألــق
تاريخ التسجيل: 15/04/2002
المكان: بني سويف
مشاركات: 1,430
للأمانة

القصيدة والمقال منقول بالكامل

من موقع عراقي
http://iraq.iraq.ir/vb/showthread.php?t=12049
اضافة رد مع اقتباس
  #3  
قديم 28/03/2006, 01:23 AM
زعيــم مميــز
تاريخ التسجيل: 28/12/2005
المكان: قلبُ أمي :(
مشاركات: 2,045
اخوي شحته الدمراني
قصه فعلا حزينه وتحكي معانه


انا امي قلبها طيـب ولايمكـن تبكـي انسـان
انـا امـي ماتبكيـنـي ولاتتمـنـى آهـاتـي

يايمه صح مامتي ؟؟ وصح الموت تو ماحـان
اذا متي انـا بعـدك ابقضـي ويـن ساعاتـي

والام ما فيه مثلها في الطيبه والحنان معقوله احنا
نجازيها بالنكران والجحود

الله يخلي للجميع امه ويغفر للي امه ميته

مشكور وجزاك الله خير
اضافة رد مع اقتباس
  #4  
قديم 28/03/2006, 01:07 PM
زعيــم فعــال
تاريخ التسجيل: 28/10/2005
المكان: الرياض
مشاركات: 435
قصيده رائع

لكن لو سمعتها بصوت المنشد هي جدا محزنه
اضافة رد مع اقتباس
  #5  
قديم 28/03/2006, 05:37 PM
زعيــم متألــق
تاريخ التسجيل: 15/04/2002
المكان: بني سويف
مشاركات: 1,430
إقتباس
الرسالة الأصلية كتبت بواسطة z3ym2005
قصيده رائع

لكن لو سمعتها بصوت المنشد هي جدا محزنه



هل سبق وأن أنشد أحد هذه القصيدة؟

وكيف السبيل إليها ؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:54 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube