#1  
قديم 26/03/2006, 11:46 PM
الصورة الرمزية الخاصة بـ المملكة
شاعرة الهلال
تاريخ التسجيل: 29/12/2001
المكان: الرياض
مشاركات: 7,890
الشــيــ..خـ..ك ... والمملكة .... ونواف !!!

آلو ....

المملكة

مرحبا ...

ممكن اكلم المملكة ؟!

المملكة

سم ! معك المملكة ... مين ؟

مكتب الشيخ منصور .. الشيخ يبي يكلمك !!

المملكة

الشيخ منصور ؟؟ مين معاي لو سمحت .. المحكمة ؟

لا ...

المملكة

دار الافتاء ؟

لا

المملكة

هيئة الأمر بالمعروف والنهي عن المنكر ؟

لا

المملكة
اجل مين ؟؟

الشيخ منصور ....... !!

المملكة
أوووووووووه راح بالي بعيد ... غريبة ليه ؟؟ على العموم حياه الله

الشيخ !!

السلام عليكم اخت المملكة

المملكة

وعليكم السلام

الشيخ ..


معذرة يالمملكة يمكن تستغربين مكالمتي لكن بصراحة أنا متابع كتاباتك ورغم أنك تكتبين عني بقسوة

وتنتقديني دايم ... وشكلك ما انتي مقتنعة فيني أبد .. لكن أنا بطبعي أتقبل بروح رياضية خاصة منك لأنك

ماتكتبين لمصالح شخصية وهذا اللي احسه في كتاباتك يبين فيها حرصك الوطني ( مثلي ) !!!!!

المملكة


تسلم .. ( لازلت مذهولة من هالحكي ياجماعة أكيد وراء الاكمة ما وراءها ) سم الله يحييك .. !!

الشيخ

شوفي يالمملكة أنا جايك بموضوعين .. واحد يخصك .. والثاني يخص غيرك

المملكة

اللي يخصني وشو ؟؟

الشيخ

أعرف انك تكتبين شعر وقريت لك قصيدة بعنوان ( زعيم القرن ) واعجبتني ودي اعطيها فنان يشهرها بعد التغيير فيها ..

المملكة

بس ما يعجبوني مطربين هالايام ولا عندي استعداد اعطيهم شعري

الشيخ ..

انا باعطيها ابو نورة يغنيها في الحفلات ... واحلام تشهرها ويغنونها في الزواجات ....

المملكة


بس ياطويل العمر أنت وش مصلحتك من هذا كله ؟

الشيخ

أبي اخدمك مادياً ... وبيجيك شيك على بياض اطلبي المبلغ اللي تبين ..!

المملكة


إمش ....!! على بياض !! كل هذا عشان تخدمني !! وانت ماتعرفني ... بس انا مابي اسمي يرددونه معهم !

الشيخ


ومن قال لك انها بتكون باسمك ؟

المملكة

أجل باسم مين ؟!!

الشيخ

باسم منصور الشاري !!!

المملكة ...

إحلف !!!

الشيخ

والله

المملكة


أقول ياشيك !! شعر المملكة ذهب ثمين مايباع بالورق !! دور غيرها .....!

الشيخ

على راحتك انتي الخسرانة ... أجل باخش بالموضوع الثاني ..!

المملكة

تفضل

الشيخ

شوفي يالمملكة أنا إنسان وطني يهمني أبناء الوطن ... وربي رازقني ولله الحمد مال كثير وابي أنفّع واستنفع ... ! لأني بصراحة عاز علي إني أشوف بعض النجوم مايملك مليون ريال !! على الأقل .. وفيه نجم هلالي فلتة من كل الجوانب وخسارة يكون في الهلال لأنه ما عرف قدره وما كب عليه الدراهم .. مثل ما كبها على ياسر القحطاني !! ولايمكن أرضى بأن نجم مثله ينحرم ويهان وانا عندي الفلوس اللي تطرخه وتطرخ معه اللي حوله ..

المملكة

في الهلال .. لاعب منهان ؟!! هذي كبيرة ياشيخ ... الهلال هو النادي الوحيد اللي يشعر فيه اللاعب انه شيخ ! مثلك !! مع فارق المشيخه !! وكل لاعب طلع من الهلال وراح عندكم بالذات قل قدره وخفت نجمه واندفنت موهبته لأنكم تنتهي مهمتكم عند شرائه وفوزكم بسحبه من الهلال وبعدها بالطقاق لعب مالعب .. غيره كثير مكدسين في النادي !! وبعدين اللي مافيه خير لاهله مافيه خير للناس ..!

الشيخ
وش قصدك ؟

المملكة


قصدي انك مدمر لاعبيك بعدم الاعتراف بأهليتهم من كثر ما تشتري لاعبين مثل ما تشتري الـ.......؟! حتى في

المحافل الخارجية تنيب عنك أشخاص من خارج دائرة ناديك !!! ومن جاور ( الـ...سعيد ... يسعد !! )

الشيخ


ياشيخه خلي اللاعبين يسترزقون من وراي !! ليش الحسد ؟!

المملكة

إسمع عاد ياشـيــ خ ـك باكون صريحة معك لابعد الحدود ... أنا عجزت اهضمك ! ولا اهضم مبادئك ... ولا

أسلوبك ... ولا حتى وطنيتك اللي تتغنى فيها لأنك تناقضها بأفعالك ! ولا يعجبني تصرفك باموالك بهذه

الصورة المقززة .. يا أخي إلتفت إلى فقراء عائلتك مثلما تلتفت للصرف على الدعايات ... و..... الخ

الشيخ


حدك ... حدك يالمملكة ... أولاً أنا حر باموالي ! ثانياً وش عرفك إن في عايلتي فقراء وما ساعدتهم أنا ما أحب

التباهي باعمال الخير ...!!

المملكة


تأكد أنني اعني ما قلت !!! وياليتك تباهى بأعمال الخير مثلما تتباهى بشراء اللاعبين و.....!!


الشيخ


إسمعي عاد ... الوقت طول وباختصرها بتقديم شيك مفتوح !! أبيك تكونين واسطة بيني وبين الهلاليين وبين نواف التمياط .. لأن هذا النجم يستاهل اكثر .. وبتكون لي ضربة معلم بعدها ما يهمني ان شاء الله انسحب أو أسحب من الميدان !! هاااااااه وش تقولين ؟؟

المملكة


أقول .. أرسل شيكك وابشر .... بس ياليت تقراه زين لاجاك صورة منه ... لأن المبلغ المطلوب بيكون ( مبلغاً

وقدره " نواف بن بندر التمياط " وحامظ على بوزك ياشيك .............!!!

ويكون في علمك لو كان اقتصاد " المملكة " قائم عليك لاختارت العيش في بيت شعر في صياهد التنهات على

أن تقبل ذلك !!!

7
7
7
7
7
7
7
7
7
7
7
7
7
7
7
7
7
7
7
7
عذراً أحبتي ماسبق ليس حلماً ... ولكنه هاجس داهمني الآن وانا أقرأ الأخبار المتفرقة عن شراء نواف

التمياط .... ! وضمنته محاور مشهوده على أرض الواقع ... آمل أن يحوز على قبولكم .....
اضافة رد مع اقتباس
  #2  
قديم 27/03/2006, 12:02 AM
زعيــم متواصــل
تاريخ التسجيل: 22/11/2005
المكان: ( المدينة المنورهـ )
مشاركات: 172
الله دركت يا شيخه ..

والله موضوع جميل ..

لي عودهـ ..

حجز مساحة ...

تحيتي ..
اضافة رد مع اقتباس
  #3  
قديم 27/03/2006, 12:10 AM
زعيــم متواصــل
تاريخ التسجيل: 04/03/2003
المكان: الرياض
مشاركات: 76
لله درك
موضوع جميل
ونواف هلااااااااااااااااااااااااااااااااااالي يحلم يطوله
اضافة رد مع اقتباس
  #4  
قديم 27/03/2006, 12:16 AM
زعيــم فعــال
تاريخ التسجيل: 03/02/2006
مشاركات: 429
والمطلوب ؟؟؟؟؟؟
وبعدين منصور الشادي مو الشاري
اضافة رد مع اقتباس
  #5  
قديم 27/03/2006, 12:33 AM
زعيــم فعــال
تاريخ التسجيل: 05/07/2005
مشاركات: 410
أبداع مابعده أبداع......

قال شيك قال......هوشيك ولا شيخ....هههههههه
اضافة رد مع اقتباس
  #6  
قديم 27/03/2006, 12:41 AM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
ابددداع يعطيك الف عافيه
ونواف باذن الله هلالي غصب عن البرميل واعوانه
اضافة رد مع اقتباس
  #7  
قديم 27/03/2006, 12:43 AM
زعيــم متألــق
تاريخ التسجيل: 15/05/2005
مشاركات: 1,298
يعطيك العافيه
فعلا موضوع مميز يستحق التثبيت
اضافة رد مع اقتباس
  #8  
قديم 27/03/2006, 12:49 AM
زعيــم متألــق
تاريخ التسجيل: 18/10/2005
المكان: Riyadh
مشاركات: 1,294
كعادتك أختي المملكه .. تبدعين بكل كلمه تقولينها .. تسلم يمينك اختي على الموضوع وبإذن واحد أحد نواف هلالي ..

وياشيك منصور .. خل شيكك لك .. نواف لنا وشيكك لكـ .. ومالها داعي تقط وجهك. لأنه كالعاده بتنزل رأسك بالأرض

وتمشي ولاتقارن نفسك بالهلاليين .. والله خـلـق وفـرق ..


مــن جــد حــلـوهـ شــيـكـ
اضافة رد مع اقتباس
  #9  
قديم 27/03/2006, 01:05 AM
عرّاب التنس
تاريخ التسجيل: 11/07/2005
المكان: الدمام
مشاركات: 5,949
يعطيك العافية موضوع جميل

والعتب على أعضاء الشبكة الذين وقعوا في الفخ

وأخذوا يكتبون بل ويؤكدون أن ( نواف ) وقع للإتحاد

هذه مكيدة مدبره لزعزعة الزعيم قبل النهائي

وللأسف نجحت المكيدة
اضافة رد مع اقتباس
  #10  
قديم 27/03/2006, 01:07 AM
زعيــم مميــز
تاريخ التسجيل: 03/04/2005
مشاركات: 1,908
مشكووووره ودام عزك
اضافة رد مع اقتباس
  #11  
قديم 27/03/2006, 01:15 AM
الصورة الرمزية الخاصة بـ زيزووو
زعيــم متألــق
تاريخ التسجيل: 28/09/2004
المكان: الريــــــــاض
مشاركات: 1,443
يعطيك الف عافيه
اضافة رد مع اقتباس
  #12  
قديم 27/03/2006, 01:21 AM
مشرف سابق في منتدى الرياضة العالميه
تاريخ التسجيل: 03/06/2002
المكان: U.S
مشاركات: 10,242
ابداع يالمملكة ابداع


لاتحرمينا من جديدك
اضافة رد مع اقتباس
  #13  
قديم 27/03/2006, 01:35 AM
زعيــم متواصــل
تاريخ التسجيل: 09/10/2002
المكان: رياضنطوون
مشاركات: 70
الله الله علييييييك اختي المملكة

وكعاادتك في طوول مبنى المملكة وسموووهااا وهيبتها

<== وش يبي ذا خخخخ


يعطيك الف عافيية يالغالية

اخوك


غريق الزعيم
اضافة رد مع اقتباس
  #14  
قديم 27/03/2006, 02:05 AM
زعيــم مميــز
تاريخ التسجيل: 07/11/2004
المكان: تبوك الورد
مشاركات: 3,664
الله الله علييييييك اختي المملكة من إبداع إلى إبداع والتوفيق للنجم نوااف التمياط بالهلاااااال
نجمي المفضل بعد الثنيااااان
اضافة رد مع اقتباس
  #15  
قديم 27/03/2006, 02:22 AM
زعيــم متألــق
تاريخ التسجيل: 01/06/2005
المكان: بيت ابوي
مشاركات: 1,126
يبطي الدب القطبي وبعيد عن شنبه نوااف التمياااط .............
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:26 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube