#1  
قديم 24/03/2006, 07:45 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
الراتب 2000

سلاااااااااااااا

اليوم غشيت لكم قصيدة إنما إيه وجيت داعس اسمعوا اسمعوا

مرت تجر العطر والثقل والزين
وانا مثل كل..الشباب .. وقفوا له


عطره يذر العطر على البساتين
ثقله يسولف عن نسب عن.. حموله


فستانها ذايب بخصره من اللين
وخصره من الفستان ياخذ عموله


ايوالله اني حاسدك .. يالفساتين
ياحظك بخصره بعرضه بطوله


بعيونها سيوف العرب يوم حطين
منها النفاذ ( بجلد قلبك) بطوله


اقفت وانا عيني..عليها لـهالحين
مالوم عيني ياخذ العقل زوله


وناديتها.. يامترفه ..وبطرف عين
قالت: انا..قلت:ايه...قالت:اموله


اموله ميّة مرحبا ... قالت: اهلين
اموله عندي بيت ممكن اقوله ؟


قالت لي:قوله قلت:الانسان من طين
اما انك انتي طين ماهي معقوله


انتي اظنك بالعطر.. تستحمين
واجزم بأنك بالجمال ..امْغسوله


شوفي شكل شفايفك قاهر التين
والجمر يكوي..والثمان امْعسوله


اموله ..انتي غير..كل المزايين
انتي مثل فصل .. الربيع وحلوله


قالت: منين؟ وقلت له: يعني.. منين
ماتعرفين اللي ذبل... من ذبوله


قالت وشسمك بس تمتمت ..ميمين
وآخر ثلاث حروف..دوح ..امْغيوله


قالت:معي للقاهره ؟ قلت له:وين
عادي تقول القاهره بكل سهوله


امل .. انا رجال بلشان.. بالدين
ويني ووين القاهره... يامْهبوله


اقساط.. وحسابات.. والراتب 2000
وحزمة مشاكل .. اتعبتني ..حلوله


اموله روحي لازم انتي تروحين
انتي المطار مصاحبك .. من طفوله


و تذكريني عند الاهرام .. تكفين
تذكري حال النحيل.. و.. نحوله
.

.

.

اقفت امل
.
وناديتها.. اموله قالت نعم
.
.
.




سلامتكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:58 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube