#1  
قديم 24/03/2006, 01:39 AM
زعيــم متألــق
تاريخ التسجيل: 27/07/2003
المكان: قلب حبيبتي ..!!
مشاركات: 1,231
أتيت إلى الملعب فكان هذا جزائي بعد المباراة

السلام عليكم ورحمة الله وبركاته

أولا وقبل كل شيء : مبروك هذا الفوز المستحق والمهم

ثانيا :

ليت أبو سلطان ماقال أن الدخول مجانا .... وليتني ماجيت للملعب انا وربعي اللي تاركين دواماتنا عشان الهلال.

تخيلوا بعد المباراة تعرضت سيارتي للكسر ... وتعرض الكثيرين لنفس الموقف ومن جماهير تدعي المثالية .

رجل أظنه دخل بالغلط إلى الشارع اللي بجانب الملعب ومعه أهله لكم ان تتخليوا ماتعرض له هذا الرجل .

إذا كانت جماهير الهلال بهذه الأشكال فاسمحوا لي بأن المقاهي والجلوس خلف الشاشات أفضل بكثير

دمتم بكل ماهو أزرق
اضافة رد مع اقتباس
  #2  
قديم 24/03/2006, 02:03 AM
زعيــم نشيــط
تاريخ التسجيل: 22/09/2005
مشاركات: 927
تضحك على مين يا مندس
اضافة رد مع اقتباس
  #3  
قديم 24/03/2006, 02:21 AM
زعيــم فعــال
تاريخ التسجيل: 17/10/2005
المكان: الرياض - القاهرة
مشاركات: 369
ههههههههه

اعجبني رد هلاليه مررره وربي ضحكت من قلب

الله يرجك هلاليه

والله انا ما ادري هل هو مندس ولا لا

والي يحدد الشي هذا الي حضروا الملعب لاني متلحط بالقاهرة

ابيهم يعلمونا هل حصل الي قال عليه الرجال ولا لا
اضافة رد مع اقتباس
  #4  
قديم 24/03/2006, 02:31 AM
زعيــم متواصــل
تاريخ التسجيل: 18/09/2005
مشاركات: 120
لاوالله هو صادق انا حضرت وشفت وكلها بسبة البدووووووووون هم حقين الحي اللي جنب الملعب
اضافة رد مع اقتباس
  #5  
قديم 24/03/2006, 02:33 AM
زعيــم مميــز
تاريخ التسجيل: 05/11/2005
المكان: قلب االزعيم
مشاركات: 1,860
الخير يخص والشر يعم
بس ما هو شرط يا اخي كم مرة حضرنا مباراة ابواكنا بالسيارة ما غير جوالاتنا و مفاتيحنا و خمسين ريال بالمخبا ولا حد حرك سيارتي
اضافة رد مع اقتباس
  #6  
قديم 24/03/2006, 02:42 AM
موقوف
تاريخ التسجيل: 29/08/2004
مشاركات: 42
غريبه امركم يقول الرجال تعرضت سيارته للسرقه

قلتو مندس والله الشك اعماء عيونكم

وش نسوي حال بعض الجماهير المحسوبه على الهلال

والله يعوضك اخوي
اضافة رد مع اقتباس
  #7  
قديم 24/03/2006, 02:42 AM
زعيــم فعــال
تاريخ التسجيل: 18/11/2004
المكان: مكان تواجد الزعيم
مشاركات: 448
انا حضرت الملعب وفعلاً كان هناك همجية من بعض الجماهير لكن أتحدى إن كانوا هلاليين تراهم من جماهير نادي الفقر اللي كانوا شايلين علم العراق والله من جد يضحّكون ومالها داعي يدخلون مجاناً

المفروض اللي يدخل في جمهور الفريق المنافس يدفع ولا يطرد من الملعب مايدرون إن الهلال فريق سعودي ويمثل الوطن وأتحدى في أي مباراة لفريق سعودي أن تجد مشجع هلالي يمكن يجرأ على حمل علم الهلال ويشجع الفريق المنافس والسبب وأضح رقي تفكير جماهير الهلال والمعدن الطيب لكافة جماهير الزعيم
اضافة رد مع اقتباس
  #8  
قديم 24/03/2006, 02:42 AM
زعيــم مميــز
تاريخ التسجيل: 25/10/2004
مشاركات: 1,953
الرجال صادق وانا الزيق الي على جنب انقشع

الحمد الله ان الصدام فايبر قلاص

علب الببسي تروح يمين ويسار واتوقع الي يبيع في السياره

قام يدعي عليهم لين قالو بس

انا شفت راعي كراون فكترويا لحق له واحد كان معه ثلاثه فرشوه فرش
اضافة رد مع اقتباس
  #9  
قديم 24/03/2006, 02:52 AM
زعيــم مميــز
تاريخ التسجيل: 15/07/2005
المكان: الرياض
مشاركات: 3,478
يارجاااال ترى فيه جماهير فقراويه حاظره المباراة .........................................
اضافة رد مع اقتباس
  #10  
قديم 24/03/2006, 03:01 AM
موقوف
تاريخ التسجيل: 26/09/2005
مشاركات: 852
روثنان مدري ورثان ::حبيبي لاتخص البدو وتتكلم على القبايل قل ناس همجيه ولا تقول بدوى لانا كلنا بدو وسكان

الجزيره العربيه اغلبهم بدو ولهم اصل مو مثل طروش البحر اللي لا اصل وفصل رجائآ لاتخص البدو ترى عيب عليك
اضافة رد مع اقتباس
  #11  
قديم 24/03/2006, 03:49 AM
الصورة الرمزية الخاصة بـ إحســـاس الألمــــاس
زعيــم فعــال
تاريخ التسجيل: 11/08/2001
المكان: ارض الله الواسعه
مشاركات: 424
الدخول المجاني ادى لحضور حثالة المجتمع .
وايضا هناك حثالة اخرا من ((بعض)) سكان الاحياء المجاوره ينتظرون بفارغ الصبر المباريات الجماهيريه للقيام باعمالهم المشينه من سرقه وتكسير سيارات وياقلب لاتحزن..
اضافة رد مع اقتباس
  #12  
قديم 24/03/2006, 03:59 AM
زعيــم فعــال
تاريخ التسجيل: 09/09/2005
مشاركات: 450
إقتباس
لاوالله هو صادق انا حضرت وشفت وكلها بسبة البدووووووووون هم حقين الحي اللي جنب الملعب



قسم بالله انك صادق

(( ايقونه معصبه ومنقهرة))
اضافة رد مع اقتباس
  #13  
قديم 24/03/2006, 04:01 AM
زعيــم مميــز
تاريخ التسجيل: 18/08/2003
المكان: makkah k.s.a
مشاركات: 1,909
ياحبيبي هي وحده من ثنتين ياإنهم من الجماهير اللي تجي للملعب للتخريب فقط يعني تكسير سيارات ، سرقة ، رمي الرابطة بعلب البيبسي ، التريقه على كل من مر من عندهم ..


أو إنهم من جماهير (بعض) الفرق اللي للأسف إنهم سعوديين هالجماهير .. وكاميرا القناة الرياضية كشفتهم بعد الشوط الأول شفنا أيضا ( بعض) من جماهير الإتحاد والنصر يشجعون الفريق العراقي ..


أنا قلت بعض لأنه فيه أشخاص من جماهير النصر والإتحاد مثاليين وتحطهم على عينك وعلى رأسك بس (البعض) منهم التعصب أعماه وأكبر دليل كاميرا القناة الرياضية فضحتهم بين الشوطين ..



عموما الله يعوضك خير ياأخوي ..


أخوك


راشد الراشد ..
اضافة رد مع اقتباس
  #14  
قديم 24/03/2006, 04:09 AM
موقوف
تاريخ التسجيل: 02/07/2005
المكان: في أحضان نجد
مشاركات: 2,193
لا تنس طريقة التفتيش من رجال الأمن وكأنهم يفتشون إرهابي ونظرات الحقد في عينيهم
أنا لا أذكر أن أحد رجال الأمن ابتسم لي أو قال تفضل
حقيقة من يرى ذلك يقول لن آتي مرة أخرى
اضافة رد مع اقتباس
  #15  
قديم 24/03/2006, 04:16 AM
موقوف
تاريخ التسجيل: 08/09/2005
المكان: •·. K.S.A .·•
مشاركات: 63
اول شي

السلام عليكم ورحمة الله وبركاته..

ثاني شي

مبروك للزعيم الفوز وعقبال المباراة الجاية ..

ثالث شي


الرجال صادق وانا كنت حاظر بالمباراة وشفت كل شي بعد المباراة بعيوني

في بوابة رقم "4" من حيث الاشخاص الي طلعو من الملعب وكسرو سياراة الي يترزق الله وسرقو كل شي ورموها ولا استفادو غير الذنوب حسبي الله ونعم الوكيل عليهم " ان الله يمهل ولا يهمل " الله ينتقم منهم ويعين صاحب السياراة

وثاني شي اكثر من واحد قدامي انسرق جواله وخويي بعد انسرق جواله

وثالث شي سرقة السيارات

انسرقت مايقارب الـ خمس سيارات من قبل هالاشخاص اللي ماتربو



ايه والله دام الحظور لمؤازره الزعيم يبي يسبب لي مشاكل اشوفها في البيت احسن لي واريح لي


الله يكون في عون الي انسرقت جوالاتهم وانسرقت مواترهم وتكسرت الدرايش


مااقول الا حسبي الله عليهم ونعم الوكيل

واتمنى ان بعد كل مباراة يكون عند كل بوابة دورتين علشان يراقبون الي يصير


وبالاخير

ابارك لجماهير الزعيم الفوز

والله يكون بعون الجميع

اخوكم

سحر الشوق
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:11 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube