#1  
قديم 23/03/2006, 01:14 AM
موقوف
تاريخ التسجيل: 22/10/2005
مشاركات: 193
Angry كندنيوووووووووووووووو ارررررررحل

السلام عليكم

اول شي احب ابارك لكم فوز الهلال اليوم الي بصراحه جى بدون فرحه لنا من المستوى الي قدمه الهلال خلال المباراة الى متى رايحين نصر على كندنيو هالمدرب هذا مكاو ويخبون عليه كيف واحنا كالهلال زعيم البطولات نخلي واحد مثل كندنيو يلعب فينا لعب على راحته ويضيع مستقبل الاعبين هالمدرب هذا اقسم بالله خلاص ماعاد يصلح يبقى مدرب تراه يا ناس خرف وكبر بالعمر وشلون بيكون قد الثقه انه يمسك نادي مثل نادي الهلال وهو الحين عنده بطوله كاس اسيا وعندنا بعد فتره بسيطه مباراة النهائي مع الاهلي والمربع الذهبي بالله وشلون بنثق احنا كجهاهير نحب النادي بهالمدرب ياناس كندنيو احس انه ناوينا بشر لان اصراره على دخول بعض الاعبين الي ما ادري من وين جو وبحددهم بعد سلطان البرقان ما ادري ليش دايم يصر عليه وعندنا كوكب من النجوم بالاحتياط كندنيو الضاهر ناسي ان النظام يسمح للفرق بتغيير ثلاث لاعبين بس بالله يطبب البرقان ويخلي عمر الغامدي ظهير ايمن ياترى نادي الهلال ما عنده يعني استطاعه يجيب ظهير ايمن بمستوى مرموق نقدر نجيبهم اجل ليش كل هالتاخير والله بصراحه نعتب على ابو سلطان لانه ما وقف بوجه كندنيو ابو سلطان كل الجماهير منقهره من كندنيو وبطريقه تدريبه للفريق اقسم بالله من يوم راح باكيتا الهلال ضاع كان الهلال بفتره مدرب الهلال القدير باكيتا باحسن حالاته ومن راح لتدريب المنتخب ضاع الهلال بقياده الدجه مو المدرب كندنيو لانه بصراحه والله ما يصلح يكون مدرب ابو سلطان الافضل تخسر مدرب ولا تخسر هالجماهير الي ما عمرها قصرت مع النادي بدعمها وحضورها بالملعب صدقوني لو الهلال دربه مدرب وطني بيكون افضل من كندنيو بدرجات لان المدرب السعودي يعرف الاعبين زين ويعرف قدرات الاعبين مو مثل كندنيو الي ماخذ كل الموضوع بعباطه بالله الاحتياط اليوم عندنا ياسر القحطاني واحمد الصويلح ومحمد الشلهوب وكامل الموسى وعبدالله الجمعان وجيوفاني وغير وغير ياترى بالله بندخل مين والا نخلي مين ؟؟؟ مالقى الا يلعب عمر ظهير ايمن وسلطان البرقان الي ما ادري من وين جايب هاللعب كله احنا الحين بزمن الاحتراف ما نبي نخربط المواضيع كلها وثاني شي اقسم بالله لو ياسر واحمد الصويلح والشلهوب كانو متواجدين من بدايه المباراه كان الوضع تغير كثير سامي جالس ولا سوى شي والعنبر كل الي سواه بصراحه انه جاب الهدف ياترى هالشي الى متى بيتم احنا محتاجين النقاط ومحتاجين زياده بالاهداف لان عندنا منافس قوي العين الاماراتي يعني لو تساوو بالنقاط بيكون بيننا الاهداف بالله وش بنسوي لو لاعبين المنتخب راحو وش بيكون موقفنا بوقتها ؟؟ كل الي اقوووووووووووووووووله حرام عليك يا كندنيو خذ كل الي تبيه بس اترك الهلال يمشي بمسيرته الي ما يقبلها اي هلالي الا ببطوله زي ما عودونا ياااااااااابووو سلطان نبي ظهير يمين يغطي الخانه ونبي كندنيو يررررررررررررررررررررررررررررررررررررررررحل مانبيه خلاص اقسم بالله لو ابو سلطان حط الخطه والتشكيله كان الهلال اليوم فاز خمسه اقل شي بس وش نقول مع كندنيو اقسم بالله احس ان ابو سلطان لو الغى عقد كندنيو بجلس ازغررررررررط من الفرحه وربي هالشي يبسطني اكثر من اي فوووز لاني ما قلت هالشي الا عارف ان كل هلالي منقهر من هالمدرب ومن طريقه خططه وتصرفاااته حتى جيوفاني وربي دفعو فيه فلوس واخر شي طول وقته احتياط وبعدين ؟؟ الفلوس تروح كذى بس المهم ما اطول عليكم اتمنى من الجماهير توقف وقفه وحده وتساند على الغاء عقد المدرب وان شاء الله نشوف الهلال للاحسن باذن الله بغير هالمدرب والف مبروك الفوز اليوم الي بصراحه ما خفف عننا الا دخول ياسر القحطاني ومن هجماته والهدف الي من جد يتعب ويهبل كل الي ابقوله ما شاء الله عليك يا يااااااااسر القحطاني والله يحفظك يارب .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:48 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube