إقتباس الرسالة الأصلية كتبت بواسطة عطــر الأمــاكن أولا سامي مو ناقص انتقاد.........اللي يجيه من النصراويين كافي تجون انتم تزيدزم عليه ثانيا من يقول ان الهلال اهم من سامي فهو لا يعلم بان سامي هو الهلال ثالثا سامي بالتاكيد نزل مستواه وهذا امر طبيعي لكنه يبقى مهم جدا رابعا من يعشق الهلال بحق وحقيقة فلت يستطيع انتقاد سامي لانه صنع انجازات وسطر اسمه من ذهب فلو ضيع بطولة باكملها فلن انتقده مهما كان بالعربي حلااااااااااااااااااله...هههههههههههه

هذا يا زعيم زعيم زعيم
هو من يشجع الهلال
لما يهتف 70 الف متفرج
سامي سامي سامي
هل كلهم جائو ليهتفو لسامي بعدين لاتنسى ان سامي له فضل كبير في اغلب انجازات الهلال
العنبر حسم بطولتين خليتوه نجم لا يشق له غبار
وسامي الاسطوره 20 سنه من الابداع جاي تقوله بكل بساطه اعتزل
واصل ياسامي رسم رحلة الابداع ولا عليك

إقتباس الرسالة الأصلية كتبت بواسطة زعيم زعيم زعيم ((لاكن بصراحه في لعيبه لازم ياخذون فرصتهم )) ياسلام عليك انا احتريك تقول هالكلمة ياصديقي. الحين من الأولى انه يخلي الآخرين ياخذون فرصتهم؟؟ سامي اللاعب الشاب الصغير اللي المستقبل قدامه؟؟ اللي مااستفدنا منه طول المباريات الماضية الا مباراة الوحدة؟ وكل المباريات يشل الهجوم شلل بسبب عدم قدرته على استلام الكره بشكل صحيح؟؟ الوسط يمول له كور لا يستطيع استلامها؟ أو ترجيعاته القاتلة للهجمه ... بعض الكرات شبه انفراد يرجعها لكماتشو والا نواف؟. أنا معك سامي تاريخ وعلى رؤوسنا ولا راح ننسى وفاءه للزعيم وحبه واخلاصه.. ولكن خلاص سامي بدينا نيأس منه مو سامي اول اللي تحس انه منسجم مع اللاعبين . الحين احس ان المباراة في وادي وسامي في وادي ثاني. والا العنبر؟؟ اللي لم يقدم شيء 3 مباريات .. مثل اللاعب تعالج مشكلته مع الجهاز الفني .. اما انه يتعدل او ينسق. عرفت الحين منهو اللي مفرض انه يعطي فرصة للآخرين؟ يعلم الله اني متحسر على سامي ولا ابي الناس تنظر له نظرة الحمل الوديع بعد تاريخه العظيم. لكن مااقول الا حسبي الله عليك ياكندينو لما لعبته وهو غير قادر على العطاء. بعدين وش هالتناقض ؟؟ لحد يسب سامي وسبوا العنبر؟؟ ليش اخوي انت تشجع سامي ؟ والا تشجع الهلال؟

نشجع الهلال ونشجع كل لعيبته
لاتلف وتدور
وتخليها مسالة تشجيع سامي ولا الهلال
سامي والعنبر نازل مستواهم
بس سامي افضل عطاء ولو تجيه فرص العنبر كان كلها بالباب
سامي يطلب منه اشياء في الملعب تكتيكيه لايفهمها
اي واحد;)
وبعدين سامي مو لازم كل مباراه يسجل
وترىى العنبر وسامي عينين في راس
وانا يمكن انفعلت على العنبر بس مستواااه طاايح وينرفز
فاذا زعل الواحد لايستطيع التفكير ويستعجل بالآراء
نعتذر للعنبر ونتمنى تطوير مستواه
ولا تنسون العنبر لسا مو نجم العنبر موهبه تحتاج لصقل

كلام متناقض تتهجم على لاعب مبدع كماتشو ولاعب ناشيء العنبرعلى حساب لاعب لا تفرق في اللاعبين مفروض هذا الموضوع يحذف وبسرررررررعه لأن لايوجد فيه من المنطق شيء!!!!!!!!!!!!!!!!!!!!!!

أبدا أنا ما أهاجم كماتشو
انا اقول كماتشو مالعب زين
ما هاجمتوه لاكن سامي لعب زين وهوجم
لماااذا
بس لازم نكون منصفين
وشكرا
وكلامي مافيه تناقض ابد اقروه صح وبتفهمونه

حرام عليكم الي تسونه في العنبر
سامي كذا مباراه ماقدم مستوى ولا في حد هاجمه ونص المنتدى محامين عنه واما المسكين العنبر مبارتين والهجوم كله ليه
وصدق يجب حذف المواضيغ الي تهاجم اللاعيبه واول موضوع يجب حذفه موضوعك هذا

هه
تقارن بين مستوى سامي والعنبر سامي وهو سيئ
امس كان احسن من العنبر ولو تجيه ربع فرصه كان جابها

إقتباس الرسالة الأصلية كتبت بواسطة القلم الذهبي هه تقارن بين مستوى سامي والعنبر سامي وهو سيئ امس كان احسن من العنبر ولو تجيه ربع فرصه كان جابها

اسمحلي اخوي انت قاعد تغالط نفسك .. وراجو من الإدارة حذف الموضوع ..

مو احنا اللي نقرر بقاء سامي والا العنبر .. وانتقاداتنا تأثر على اللاعبين تأثير سلبي اكثر من انها تنفعهم.