|
المعلق في القناة الرياضية .. والفشل الذريع .. السلام عليكم ورحمة الله وفشل اخر وذريع للقناة الرياضية .. المعلق في وادي والمباراة في وادي .. الناس جابت اهداف وهجمات خطيرة والاخ هذا جالس ينتقد وجالس يصحح لكاندينيو .. وان مستوى الهلال باهت .. :mad: اذا فريق الشباب انتقدك في مهاجمة لاعبية .. احنا بنتقدك ونقول ارتاح الهلال يبقى الزعيم .. ولا زعيم الا الزعيم .. ورحم الله ايامكم يا .. ناصر الأحمد محمد البكر ابراهيم الجابر غازي صدقة اما هذا والله اشك انه معلق كورة مع احترامي له والله ما فكرت بعد اعرف اسمة ..!!؟؟ ياليت القناة الرياضية تشوف لها محللين زي الناس ومعلقين وناس في الملعب تسوي لقاءات مع الاعبين .. ماهي تسألهم اسألة بعيدة عن المبارايات والله ماباقي غير تقول .. له وش بتتعشون الليله .. :upset: وحسبنا الله على الجعبة حقتهم .. والمايك .. هذي وين نصرفها .. :D الاخ شكله راعي دردشة .. بس مشكلتنا في السعودية ذبحتنا الوسايط .. :confused: اعتذر ولأول مره اخرج لكم بمثل هذا الموضوع ولكن من جد اذا ما عندك قنوات مثل اوربت ولا art ولا جزيرة رياضية ولا صدقني راح تكره الرياضه بالتلفزيون السعودي .. تحياتي لكم الوافي |
وعندي نقطة بعد اضيفها اعتقد ان المعلق مشترك في هالمنتدى لان نصف تعليقاته اظن انه لاقطها من المنتدى |
والله يالغالي .. مدري عنه ياشيخ وربي سوى نفسه أمين وقام يرفع ضغطنا على الفاضي هل هذا هو المثال الأعلى للمعلق الرياضي السعودي .. انا اقول له والله يرتاح .. والزعيم زعيم .. والله يرحم ايام زمان والحب الرياضي وعدم الميول العاطفي لأحدى الفرق عن الاخرى ... ماهو يجي يفرح للميناء العراقي يوم سجلوا وهدفنا الاول والله شكله ماعرف الا من بعد ماشافها في الشاشة .. صدق والله شيء مؤسف ان نرى مثل هذي التصرفات من المعلقيين السعوديين دمت بخير |
قسم بالله كأني اطالع في عزاء ماهي كورررررررررة صحيح ان الهلال ما كان متوهج في هالمباراة بس هذا ما يمنع انه يكرهنا فيها تحياتي |
إقتباس:
من زين الجــابر ..!! وأبقولك سـر ( العدوان هلالي ) |
وربي هالمعلق ماعمري شفت اسخف منه لكن وش حدك على المر نصب نفسه ناقد عالمي للهلال نسى هو مين والزعيم مين والهلال برجاله قادر باذن واحد احد على تصحيح الاوضاع مابقى الا هالنوعيه تنتقد الهلال وسلامتكم |
نعم قال الحقيقه مدرب فاشل لماذا نعم الهلال في وادي وكندينيو في وادي لماذا الزعل ياناس |
وعندي نقطة بعد اضيفها اعتقد ان المعلق مشترك في هالمنتدى لان نصف تعليقاته اظن انه لاقطها من المنتدى |
المعلق ما قال شي غلط كل كلامه صح والا نتم عاجبكم كندينيو ؟؟؟ |
ياخي معلق ناييييييم شكله نصراوي بغيت أنام ياشيخ ياخي صوته مو طالع انا تابعت المباراة على دبي الرياضية رغم ان المعلق اماراتي بس قاعد يصيح كل مادخل هدف هلالي مو مثل الغبي ذا هاذي ثاني مباراة للهلال ما أتابعها على الرياضية السعودية حقت العين وهاذي المباراة |
mjno0onha هلا بك .. اخوي الغالي .. ايو والله المباراة كانت فيها اخطاء وفيها مشاكل بس زاد انفقعت قلوبنا من كثر ما الاخ طنش المباراة وجالس يسولف .. والف شكر لك على الرد .. ""(( الزعيم ))"" اخوي الغالي .. ماهي مئلة اني احب فلان ولا فلتان والجابر يمكن انا بعد ما قتنع فيه بس فيه ناس تحييك وتحيي المباراة وتعرف تعلق زين ماهي تجلس تسولف مابقى الا نجيب لهم شاهي ويفصفصون وانواع الكلام اللي نصه غث .. وبالنسبة للسر .. والله بنعطيه بعد عضوية شرفية بالهلال بس يفكنا شره ولا يعلق ويجلس يتفرج لها بالبيت .. ولا هنت يابعدي على الرد سام97 اخوي العزيز .. قسم بالله اذا القناة الرياضية ما تشوف حل مع المعلقين وتهجماتهم واستخفافهم بالمشاهد و الفريق والاعبين .. انها راح تنفر اكبر عدد من المشاهدين السعوديين .. وراح نفقد الروح الرياضية بين اكبر تجمعات عربية .. حتى القناة العراقية الرياضية .. شكلها بتغطي على قناتنا المصونة .. ولكن والله زي ما قلت يا قلب لا تحزن ما عندك أحد والواسطة فوق القانون .. تحياتي لك |
العدوان فااااشل بس هو صااااااادق كندينو سيء جداً |
حلوة الحركة إقتباس:
معليش اعتبرها حشريه |
والله مالومه لان المستوى من جد مايبيض الوجه وربي مافرحت لاي قول ماعدا هدف ياسر لان هالقول مثل الطراق على وجه كندينيو !! والمشكله مافيه مجال نغير المدرب لان الوقت حساس جدا الله يعينك يازعيمنا |
قسم بالله يالذيب انك سبقتنى كنت بكتب عن هالفاشل هذة اخر شى شفتها على قنادة دبي |
| الوقت المعتمد في المنتدى بتوقيت جرينتش +3.
الوقت الان » 02:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd