سالفتي مع راعي الأكورد
 

السلام عليكم ورحمة الله وبركاته


مساكم وصبحكم الله بالخير اعضاء شبكة الزعيم

بدخلكم في السالفه على طووول اسمحولي تراني مو من هواة المقدمات والمقبلات :

بداية السالفه كانت بعد عيد الاضحى يعني قبل تقريبا 3 شهور ..

كنت طالع الظهر ورايح مشوار مرسلني الوالد الله يحفظه ,,,

المهم كنت مسرع بالسيارة وصادفتني اشارة وكانت خضراء ومن زود عجلتي زدت دعستي للبنزين ,,

كان فيه راعي اكورد في الاشارة المقابلة وناوي يقطعها ,,

قدر الله وقطع الاشرة وخش علي وبغيت اصدمه لولا الله ثم تحكمي بالسيارة كان رحنا عجينه انا وياه ,,

وانا كنت وقتها معصب ولحقته ووقفت بجنبه وتهاوشنا انا وياه لدرجة انه سبني وسبيته ,,

الرجال ما تحمل ونزل من سيارته واخذ بلكة ورماها على سيارتي وسبب اضرار في الباب الجانبي ,,

انا ماقدرت ألحقه بس ابشركم اخذت لوحته وبلغت عليه بس مثل مانتم عارفين انفخ في قربه مشقوقه ..

من زود القهر اللي فيني دعيت عليه دعوة ان الله لا يوفق له في سيارته وفي مستقبله ,,

الحين انتهت سالفتي معه بس قبل ايام جاني خبر ان راعي الاكورد صدم بسيارته وانعدمت فيها بالكامل ,,

اللي خلاني اتأكد اني رحت مع اللي عطاني الخبر لطريق خريص ولقيت السيارة ونفس اللوحة ,,

الحين ابي منكم تنصحوني وش اسوي هل انا مذنب وهل حادثه هو سبب دعوتي عليه ؟؟

دمتم سالمين

قال الرسول صلى الله عليه وسلم (( ليس الشديد بالصرعه انما الشديد اللذى يملك نفسه عند الغضب )) وانا انصحك بان


تسئل المشائخ مثل الشيخ سلمان العودة


ومو شرط ان يكون بدعوتك الحادث

:
:


أهمـ شي الحمدلله على السلامه ..
ومثل ماقال أخوي أبو نوف أسئل أحد المشاايخ ..
حنااا لاتاخذ منا علمـ في الأمور هااذي ..


:
:
: