#1  
قديم 21/03/2006, 11:28 AM
زعيــم متواصــل
تاريخ التسجيل: 03/06/2003
المكان: الريـــــــــــــــاض
مشاركات: 105
معليش يا عضو الشرف .. مهوب وقته

صبحكم بالخير

طالعتنا جريدة الجزيرة (الموقره ) بتصريح يمكن كثير منكم قراه بأخبار الزعيم وكان لعضو شرف (فعال ) اسمه محمد العقيلي (انا بالنسبة لي توني أدري انه عضو شرف ) ، التصريح او خلونا نقول الرأي لهالعضو اللي بدأه بمدح لرئيس الهلال وأنا اقول انه مدح مستحق نظير ما قدمه ابو سلطان للهلال خلال الموسم الماضي والحالي ، و (كال) خلال التصريح انواع التهم لإداري المنتخب فهد المصيبيح بأنه (كذاب ) و (مخادع ) وانه كلف الهلال مئات الألوف بالاضافة الى انه ساهم في خروج الجمعان من المعسكر قبل مباراة السوبر (هذي قوووويه) واتهامات كثيرة وغريبة صدرت من شخص يمكن الجماهير الهلالية ما تعرفه (عموماً هو كان عضو مجلس إدارة في أحد الإدارات السابقه ) ، والمشكلة والأدهى من ذلك أن العقيلي تمادى وذكر بأنه السبب وراء إبعاد المصيبيح من النادي (منتب عاقل يا عضو الشرف الداعم ) .

اطرح تساؤل بالنسبة لتصريح العقيلي ، وبغض النظر ان كان المصيبيح مصيب او مخطئ و هو اننا كهلاليين الآن وش بنستفيد من هالتصريح؟ هل جاء استمرار للحملة (الشرسة) اللي تقودها الجزيرة ضد المصيبيح منذ ان كان إداري في الفريق ؟ ، يعني الدعوه كلها تصفية حسابات ، وهذا اللي واضح للعيان .

يعني للأسف الهلاليين بدال ما يوقفون مع فريقهم صاروا ينشغلون بأمور غيرهم ، واحد ينتقد الإدارة الفلانية و واحد ينتقد إداري المنتخب والتحكيم وغيرها من الأمور اللي ما تنفع الهلال .

الهلال الان يا اخوان بأمس الحاجة لوقفتنا جميعاً وقفة رجل واحد مثل ما قال ابو سلطان في موضوعه اللي وجهه للجمهور عبر شبكتنا الغالية ، وهالشي يعني اننا نركز على الهلال وبس ، ونترك المهاترات اللي ما تفيد ولا تغني من جوع ، خصوصاً وان الهلال يدخل مرحلة حسم يعني اي خسارة في هالمرحلة قد تكلف الهلال الكثير وهذا اللي ما نبيه ولا نبي نخسره .

الهلال ينتظره لقاء مهم يوم الاربعاء امام الميناء العراقي ، والخسارة لا سمح الله في هاللقاء تعجل بخروج الهلال من البطولة اللي انتظرناها سنين ، وايضاً خسارته لنهائي كأس ولي العهد لا قدر الله بتخلينا نخسر التميز وهو تحقيق 6 بطولات متتالية في إنجاز إعجازي .

يعني المختصر المفيد يا صحافة ويا جماهير الهلال خلونا نركز بهلالنا ونترك اي شي ثاني على جنب على الأقل إلى نهاية الموسم وبعدها أفتحوا اي موضوع تبون .

تعليق بســـــــــــــــــــــــــيط

بالنسبة لسالفة الدعيع وان المصيبيح منع الدعيع من المشاركة قدام الاتحاد ، يعني بالله عليكم هل كان الدعيع هو سبب خسارة الفريق قدام الاتحاد؟ خصوصاً واني اشوف ان الشمري حارس متمكن ماشاء الله عليه واستطاع بشهادة رئيس الهلال انه يخطف النجومية ، يعني مشاركة الدعيع او عدمها قدام الاتحاد ما كانت راح تقدم ولا تأخر ، المهاجمين هم اللي ضيعوا الفوز بعد اضاعتهم ل3 اهداف محققه ، بالعربي ما كان فيه داعي تطلع تصريحات تتكلم بان المصيبيح سبب في منع الدعيع من المشاركة ، خصوصاً وان هالتصريحات نالت استياء الكثير من الجماهير الهلالية والسعودية اللي كانت تنظر لابو سلطان بأنه الرجل المثالي .


الزبــــــــــــــــــــــــــده


• ما راح اتكلم وامدح المصيبيح لانه فيه من هم أكبر مني اشادوا بفهد ، ومنهم اعضاء شرف داعمين نفتخر بهلاليتهم .
• خدمة جوال الهلال خدمة متميزة بس شكلها بتصير خدمة جوال الجزيرة على كثرة الإعلانات لجريدة الجزيرة ، يعني بالعربي صجونا (ترقبوا غداً في جريدة الجزيرة ) .
• نواف التمياط بغى يروح فيها والسبب إنبراشات منتشري والمولد ، ولجنة الحكام تتفرج ، الظاهر الدعوه ما حولك احد .
• استمرار ابو سلطان في الرئاسة مكسب كبير وبطولة جديدة للهلال .
• الهلال ينتظركم يوم الاربعاء ، يعني بالعربي نبي نشوف الاستاد مليان ، وانتم قدها يا الهلاليين .
اضافة رد مع اقتباس
  #2  
قديم 21/03/2006, 11:39 AM
زعيــم نشيــط
تاريخ التسجيل: 17/01/2004
المكان: الرياض
مشاركات: 516
أؤيد كلامك أخي الكريم...
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:18 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube