#1  
قديم 20/03/2006, 03:01 PM
زعيــم جديــد
تاريخ التسجيل: 25/04/2003
المكان: الرياض
مشاركات: 13
وجهه نظري لمباراه الهلال والاتحاد

المباره كانت من اغرب مباريات الفلته (( كاندينو )) بدايه من التشكليه والتغيرات الغريبه اللى صرح وقال ان التغيرات اللى اجراها كانت موفقه شىء غريب والله ...... طيب ما اطول بكلامي وابي راي اي شخص يقراء الموضوع
اولا الشوط الاول كان الاداء من الفريق الهلالي جيد نوعا ما لاحظ ان اخمد خليل والعنبر اساسيا من بدايه المباراه البدليل للفتى المتهور احمد خليل ؛؛؛ عبدالعزيز الهليل من بدايه المباره او من يوم استقبلت رساله من جوال الهلال بتشكيله الهلال وانا غاسل يدي منها احمد خليل لاعب كبير وعلى عيني وعلى راسي بس العمر يلعب دور وهو قام يفوت قدام باب الهلال تظن انه مهاجم من فريق الخصم وقدام باب الخصم يلعب مدافع لهم والكل يذكر الفرصه في مباراه الهلال والعين اكثر من مره كان بجيب العيد فينا
ثانيا العنبر اذا لعب تقول انه يلعب لحاله يعني ساعه مايستلم الكوره انسى الموضوع يناول ليش ما ادري ومستواه ضعيف جدا الكان البديل له احمد الصويلح بس المدرب قاعد يخبط وخبطنا معه الله يستر في مباراه الميناء العراقي لا يفشلونا
ثالثا سامي الجابر مصدر ثقه مو شرط يقدم مستوى اذا الفريق ناقصهم الثقه في انفسهم او الارتباك من الفريق الخصم
رابعا نواف التمياط لاعب بما تعنيه كلمه لاعب فتواجده كان مصدر قوه لخط الوسط
خامسا عمر الغامدي مدري في المباره خانته هو ظهير والا وسط والا هجوم ما ادري وش السالفه اللى الان يا ليت احد يفهمني
سادسا ياسر القحطاني قاعد احتياط ليه شارينه نتفرج فيه والا نرز فيه
سابعا المدرب عنده خيارات كثيره في التغير والتغيرات اللى اجراها جاب العيد اللى متى التخبيس هذا يابو

الامير الخلوق ابو فيصل تكفى ترى تكفى تهز الرجاجيل غير المدرب لا عدمناك ولا تقول بستقيل من ادراه الهلال لانه في حاله استقالتك ماراح نحس بمتعه الحظور في الملعلب يكفى وجودك

ثامنا ابي احط تشكيله للهلال لمباراه مع الميناء العراقي لو يمشون عليها اقلها نطلع بفوز كبير باذن الله


الحارس محمد الدعيع
الدفاع تفاريس ؛؛؛؛ المفرج ،،،، كامل الموسى (ايسر) ؛؛؛؛ الصويلح (ايمن)
الوسط الغامدي ؛؛؛ كماتشو ؛؛؛؛ التمياط ؛؛؛ سامي كصانع لعب

الهجوم ياسر والصويلح


الله كريم هو عالم بالحال ولا يمكن يضيم والله اني لي شهر الان وانا اتهزاء من اللى يسوى واللى مايسوى يازعيم تكسر جناحي تبيني لك اطير
اضافة رد مع اقتباس
  #2  
قديم 20/03/2006, 04:49 PM
زعيــم متواصــل
تاريخ التسجيل: 28/08/2005
مشاركات: 83
ترى اللاعبين والمدرب مالهم دخل يااخوي الحكم له دور كبير في تخريب المبارة عموما مشكور
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:13 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube