عارفه ان موضوعي راح يحذف

لكن اتمنى انكم ماتحذفونه

وتقدرون حرية الرأي والرأي الأخر

لأن الوضع ماينطاق واحنا نشوف الوضع السيء في المنتدى

استحملوني حبتين وخذوني على قد عقلي ..إلى الأخير

::



الحقيقه أن مافي نادي الهلال اي نجم

ولافيه لاعب يلعب الكورهـ على اصولها


سامي / شايب ولافي راسه غير الدجه مدري وش تحبونه له

والدعيع / يمدحون كوره اليد يومكـ مسجل فيها وليتك جالس فيها بعد

وخليل / ماعندهـ غير المطامر

وتفاريس / مدري على آيش متعاقدين معه

والمفرج / يلعب وهو يردد الله بس يفرج

والخثران / هو وين والكوره وين

وعمر / افشل منه ماشفت

والتمياط / من اصابه لأصابه

والشلهوب / لاعبين عليه بكلمة موهوب

وعزيز والعنبر وباقي الفريق نفس حالة اللي فوووووووق

يختصار حقيقة نجومنا انهم منفوخين اعلامين وانهم مايستحقون يلعبون بفريق درجه اولى

عشان يلعبون في منتخب وطني ..


عندي مرجان لو يلعب كان الفريق في الصداره

ولا العين فاز علينا حتى وهو الحاله في القطارهـ

ولا اتي ولا نصراوي ولا حتى شبابي واهلاوي

يأخذون منا اي نقطه


::


بختصار لاتزعلون من كلامي اللي فوق

لأن هذا حال كتابات الأعضاء في المنتدى

الفريق في مراحل مهمه وكل عضو من اعضاء هالمنتدى

ماسكـ له موضوع يشرشح بلاعب معين هذا ماينفع وهذا شبيه الناقه

وهذا فيه اعاقه والاعب الفلاني فيه ومافيه


انا ما اشك ابد ان المندسين اسغلوا هالوقت

عشان يسببون زعزعه وتشتيت وتفرقه في الفريق وفي المنتدى


احنا مقبلين اهم المراحل نهائي كأس ومباريات مهمه اسيويا وآخر جولات كأس خادم الحرمين الشريفين

وايضا بعض الأعبين تنتهي عقودهم فإذا شافوا جماهير فريقهم

تتكلم عليهم بمثل هالكلام وهم اقراب الناس لهم (( فلا تستنكرون اي شيء منهم بعدين))

فالاعب في هالفريق لايعرف ولله الحمد التخاذل

فالحذر من المندسين اللي هذا وقتهم ((وهم متفرغين وماعندهم شيء))

والحسد مالي قلوبهم على هالزعيم اللي بإذن الله كان شامخ وراح يظل شامخ

بوقفة محبيه وجماهيره وتعاضدهم مع الإداره والأعبين ..



::

ياعالم قدروا انا في وضع نحسد عليه


الكل يتمنى اي لاعب هلالي حتى ولو هو بعكازته

الفريق ولله الحمد كله مميز ومو معنى ان الفريق هالأيام يمر بأزمه وبتأرجح في المستوى

لكنه الحمدلله بخير وكلنا نعرف سبب هالأزمه اللي في الفريق لكن عشانا نحب هالأزرق راح نصبر ونسكت

وراح نتعاون ونحط يدينا بأيد الأداره والاعبين .

فرجاء حار بعدوا عنكم هالمواضيع اللي مافيها فائده ابد غير الإساءه لنجومنا

اللي كلنا نعرف بأهميتهم وانهم على قد المسؤليه فا أغلب لاعبي فريقنا يتعرضون لأرهاق في المنتخب والنادي


وكثرة المشاركات والسفريات والإصابات زالتدريبات وتغير خطط المدربين مابين المنتخب والنادي

وكل هالشيء نعرف انه مرهق ويأثر على اي انسان

فرجاء حار كونوا عون وسند لهؤلاء النجوم اللي احنا محسودين عليهم

وإذا فيه زله منهم وجهوهم بشكل الآئق من غير تجريح ولا إساءه

فكل منا لايرضى الإساءه لنفسه .


::

مع اعتذراي الشديد لنجوم فريقنا اللي اسأت لهم في بداية موضوعي

بس عشان اوصل الفكرهـ ويمكن ماعرفت اصيغ عباراتي بشكل الأئق

بس والله هذا وضع المنتدى هاليومين من خسارتين انقلبوا على لاعبي الفريق

ونسوا كل شيء منهم ووجهوا لهم الإساءات


ياعااااااااااااااالم احمدوا ربكم فوالله اننا بخير وألف خير




وبالتوفيق لزعيمنا ((عشان خاطر أبو سلطان راح نشيل من بالنا تخبطاتك ياكندينوا ))