#91  
قديم 19/03/2006, 02:54 AM
موقوف
تاريخ التسجيل: 17/08/2005
المكان: في قلب حبيبي
مشاركات: 1,052
ماذا أقول بعدما قلت هاذا
اضافة رد مع اقتباس
  #92  
قديم 19/03/2006, 03:00 AM
زعيــم متواصــل
تاريخ التسجيل: 12/07/2005
مشاركات: 83
لاا لكاندينو والله هذا الي بيضييع الهلال لازم يجيبوون مدرب قبل مبارتنا مع العين والله لو يفوزون علينا في ارضنا مهزله
اضافة رد مع اقتباس
  #93  
قديم 19/03/2006, 04:56 AM
زعيــم مميــز
تاريخ التسجيل: 23/10/2003
مشاركات: 1,612
مواضعي من تالي صايره كأنها في اصنصير ,,

فجأة مثبته فوق ,, وفجأة طايحة تحت ,,

يا الربع ارسوا لكم على بر ترى موضوعي دااخ
اضافة رد مع اقتباس
  #94  
قديم 19/03/2006, 05:26 AM
زعيــم نشيــط
تاريخ التسجيل: 31/01/2005
المكان: الرياض ..
مشاركات: 700
:
:
:
:


آآآه يابـو سارهـ ..

ما أقدر أقولـ الا أنها :
(( قدهـا وزتـ )) ..

الحالـ مايسر لا قريب ولا عدو بتقولـ العدو بـ يستانس بقولكـ أسمحلي ها المره مالكـ لوى ..
يمكن الأغلبيه لاكن تأكد أن فيه الكثير غير مقتنع وزعلانـ أن جينا للحق بـ اللي يصير ..

أخوي نصراوي وصميم لاكن مــا سرهـ الحالـ ..
يقولـي وهو مقتنع بـ ها الكلامـ اللي يقوله ..

أحبـ أنـ يكونـ التنافس أو الديربي أو القمه ::
هلالي نصراوي ..هلالي شبابي .. شبابي نصراوي .. ماتفرقـ معي ::
أهــم شي عنديـ التنافس يكونـ بين أندية الريااض والسعوديين الأصلـ اللي مانشكـ بجنسياتهمـ وأصولهمـ ..
انا ما أدريـ اخوي وش يقصد بـ كلامه توقعت وتوقعت وتوقعت لاكنـ ما جازلي ولا شي من اللي انا توقعته .
طبعا أخويـ كبير بـ السن شوي .. وأعتقد أنه كانـ يرمي لـ شي انا مافهمته .. وبيني وبينكـ أستحيت أسأله ..
يمكنـ أخويـ غلطانـ ويمكنـ صادقـ لاكـن في نهاية الامر هـو مقتنع بـها الكلامـ ..


عموماا :
الهلال في حاله حرجه وفي وقتـ صعب أنكـ تغير المدربـ فيه ماندري لونجيب غير (( كنو )) الدلخ ..
يزيد الوضع سوء .. أو يتحسن هذا يعتمد على التوفيق نسأل الله انـ يحالفنا في هذا الوقت الصعيب ..

وانا اخوكـ عندنـا أعضاء مع احترامي لهمـ ماهمـ بيمـ الجاده ..
اليومـ يطالبونـ بـ كاندينيو وبكرهـ يطالبونـ بـ أبعااادهـ ..
هذا غير التريييش والتطيير لـ بعض الاعبين اللي أقلـ مايقالـ عنهم (( عاديين )) .. وهذا أعتقد انه هو السبب الحقيقي ..
الى أن يصلـ الاعبـ لمرحله يتوقع انه غطى على أبو يعقوبـ ..

ما ضيعنا الا أن الهلال فريق لا يقهر .. الهلال فريق النجومـ .. الهلال زعيمـ نصف الأرض ..
وانا أخوكـ شف ريالـ مدريد وش به الحين .. مع ان المقارنه أن جينا للحق ضالمه بين لاعبين الهلال وريالـ مدريد ..



لاكــن يابو سارهـ أنا اللي عرفته وتاكدتـ منه مع أحترامي للي يقولـ أن أصواتنا تصلـ للـ أدارهـ ..
الأدارهـ .. بوادي وحنا بوادي .. أن جينا للحق يمكنـ في بعض الأيامـ تصدف وأن تصلـ أصواتنا ..
لاكن حتى لو وصلت أعتقد انها وصلت بطريقه مدري وش أقولـ عنها ..

يعني مثـال لفكرتكـ اللي طرحتها أنت . وبحسب شهرتكـ هنا وأكيد ان صوتكـ واصلـ عندهمـ :
خلنا نقولـ ماجازتلهم الفكره .. أو خلنا نقولـ قالو لـ تفاريس وتفاريس رفض الفكرهـ مع أنها أنسب فكرهـ ..

لاكـن هنا أعضاء كثر تكلموا عن الجهه اليمنى وتكلمو عن عدد من الاعبين اللي من المتوقع ان الهلال يستفيد
منهم في ذي الجهه .. هاذا غير الأفكار الجميله اللي كلـ يومـ واحد طالعلنا فيها ..
لاكن ما اااش احس أن أصواااتنا ما تصلـ ولاأحد درى عنها ..

أنـا أقولـ ها الكلامـ ويشهد الله اني كنتـ ولا زلتـ أحس بعكس ذالكـ ..
لاكن مدري هلـ الخسارهـ له تأثير في اللي يصير .. مدري والله يمكن ..



انـا يمكن طلعت عن موضوعكـ أو أني تكلمت بشي ماله دخل بـ الموضوع لاكـن تأكد ان هذا اللي بقلبي ..
ولو جاني أي واحد وقالي وش المشكله قلتله ها الكلامـ اللي فوق ..

تبي الجد عاااد أنا مدري أحس أني قمت أخربطـ ..
بغيت الغي الرد أو أني أمسح اللي كتبته بس قلت خلها يمكن يفهمني أبو ساره ويحس اللي انا احس فيه ..
يالله فمانـ الله .. والله لا يجمعنا ألا بفرحة فوز او بطوله .. قلـ آآمين .




:
:
:
:
:
اضافة رد مع اقتباس
  #95  
قديم 19/03/2006, 05:26 AM
زعيــم متألــق
تاريخ التسجيل: 07/12/2004
المكان: جـــــــدة
مشاركات: 1,387
والله يابو سارة انت من افضل الكتاب عندي في هذا المنتدى

وانتظرك دائما
بس ابغاك تكتب بعد المبارة بيوم ؟
اضافة رد مع اقتباس
  #96  
قديم 19/03/2006, 06:16 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
أبو سارة يابعد قلبي أنت ..

أبو سارة والله كنت متوقع هالشيء ..

وتكررت حادثة الشارقة والأهلي .. مع العين والاتحاد ...


أبو سارة بالموضوع اللي راح طالبت بالجمعان ...

وللآن الجمعان ماشفناه ولا احتياط ...

قوة هجومية ضاربة نخسرها بسبب قناعات شخصية تضرب بمصلحة الزعيم العامة بأكبر جدار ...

الخراشي لعب مباراة قدم فيها مستوى جميل جدا ...

ولكن ماشفناه في مباراة بعد ذيك المباراة ..


أبو سارة أنا مادور الأعذار وربي ......

لكن الخراشي والجمعان والصويلح .... هذولا اللي يلعبون أساسيين ...


ياسر موب ياسر القادسية ... يلعب كنه مستحي .. يركض ويركض .. لكن بدون فايدة

بغض النظر عن أهداف ياسر من ركلات الجزاء ... ياسر يجب أن يقف وقفة مع نفسه ويشوف إن مستواه نازل ...


سامي ... مكانه خلف المهاجمين ... لأن فكر سامي العالي وتمريراته الذكية هي مفتاح الأهداف ...

وشفناه في مباراة الاهلي ...


الصويلح .. صدقني يابو سارة ... هالمهاجم ظلمته كراسي الاحتياط ...

لو يلعب أساسي كان رجع لنا أحمد اللي نعرفه ...



أشياء كثيرة أبو سارة وامكانيات في الزعيم ......... لكن لم يجد من يوظفها ....


كندينيو للأسف مفلس ... وماقدم للهلال أي إضافة بالعكس .. كان الهلال مستواه ممتاز ... وتدريجيا صار يهبط ...


المعروف ... إن النقص في أحد المراكز تدعمه بلاعب شاب ...

وشباب الهلال فيهم أظهرة على ما أعتقد ... لكن كندينيو رجع لنا الصويلح ... وأتوقع يرجع الحبشي وسعد مبارك ...

ظهير شاب من النادي يقدر يسد النقص إذا ما اعطي فرصته كاملة ...

أما كل يوم يجي لاعب يمسك الظهير ..... صارت خفارة موب مركز ...



مع باكيتا الهلال يلعب بلاعب مهاجم واحد .... وكان مستوى الهلال متوازن دفاعيا وهجوميا ...

الآن ... مهاجمين ... والدفاع سرح بقر ...




أبو سارة ... ماقول الا كثر الله من أمثالك في شكبتنا .....

وللأمانة أبو سارة ... ماراح أقول أنت الوحيد .. لكن خلني أقول شي أعجبني فيك ....

إنك تضرب قلب المشكلة ومايهمك أحد ... يعني لاتطبيل ولا أعذار .....

ياحبي لك أبوسارة ... خلك على هالوزنة قسم مايبرد قلبي الا كتاباتك .....


تحياتي لك ...

أخوك المرسل .... س . ط من السعودية
اضافة رد مع اقتباس
  #97  
قديم 19/03/2006, 11:56 AM
زعيــم مميــز
تاريخ التسجيل: 23/10/2003
مشاركات: 1,612
أخوي جلال ( jalardo ) هذي عودتي لك كما وعدت :



إقتباس
ابو ساره العزيز جدا ارجوا .. اسعد الله مساءك اولا .. وفقط اتمنى منك الوقوف كثيرا لما اكتب .. ليس لانك من الكتاب المفضلين جدا لدي .. وليس لانك تملك صوت قوي في الهلال .. ولكن لان القله من اصواتنا لن تخرج الا عن طريقك .. وهناك الكثير بس الالاف من ينتظرون فقط كلامك .. كنت بصدد كتابه موضوع كامل ولكن صدقني صدقني لن ينفع الموضوع ولن يضر .. لان الموضوع ليس صادر من شخص يمتثل الكل لامواره ... فأليك الامور .. اولا ؛ ماكان يقوله الكابتن فيصل ابو اثنين بعد المباراه هو عين العقل ... واحببت ان ابتدي كلامي لاني اعشق كلام هذا الانسان من زمان .. هو تكلم عن مستوى الهلال .. وتكلم ان كل مافعله الهلال وكل الفرص المواتيه كانت اجتهادات فرديه ... وقد احق بكلامه كثيرا ... بخصوص مستوى الهلال ... لن اتحدث عن الجروان ... اعلم الجروان سيء جدا ... ولكن حتى لو كان الحكم بابريستا .. او كولينا ان عاد الهلال مستواه في الحضيض واسف جدا جدا ... اعلم ان البعض سيقول الحظ كان ضدنا .. واعلن ان البعض بيقول بالعكس الهلال كان جيد .. وانا اقول ان مستوى الهلال مو ربع مستوى الهلال في الموسم الماضي او مستوى الهلال عموما ..وارجوا منكم وانت بالذات ابو ساره ان لا تعلق شماعه التحكيم لهزيمتنا هذه الليلة .. اعلم تمام العلم ان الجروان يمثل مع المطلق والمرداس حكام حواري ومثلث برمودا العجيب في التحكيم السعودي ومن قبلهم العمر طبعا .. والدليل لقطه سامي فيها يوضح فيها كيفيه الاخطاء للحكم المبجل (( الجرو ..ان )) !! التحكيم على جنب ... اتفقنا على هذا الشي !! .. والان .. هل هذا هو مستوى الهلال ... لا والف لا ... انا معك الهلال ايام باكيتا كانا اللعب بمهاجم واحد بس كان الكل يحرث الملعب طوله وعرضه .. فين الشلهوب اليوم ... فين الجمعان اليوم ... اوكي بلاش كأسماء ... (( وين الخطوره اليوم .. وين الاظهره اليوم .. وين دور المحاور .. وان كنت استثني الغنام لانه كان رائع بصراحه .. وين فرض الخطه اللي تعودنا عليها .. ياخي الهلال تعود على فرض خطته .. اليوم لاول مره اشوف الهلال تنفرض عليه خطه .. سبحان الله ... ادري فرصنا اخطر منهم .. وادري ان الهلال لو بنص مستواه المعهود ياخذ ال3 نقاط بالراحه .. لكن مالنفع بخطه قديمه جدا جدا جدا ... وطريقه لعب ميته ... مالضرر من وضع الصويلح .. (( تركي )) او من وضع الياس .. مابه اليأس على غلطه وحيده في مباراه الاتحاد بجده نعاتبه .. وهو الذي كان رجل المباراه الاول في نهائي العام الماضي .... ياخي نحن نادي تحكمنا المجاملات ... الامير محمد يتعب ويقدم ويتحتج ويدفع .. ويجي انسان مثل كندينو ويخرب كل شي ... اخي العزيز الهلال يمتلك اقوى خط نص في الوطن العربي وليست مبالغه لو قلت في آسيا ... يجي كندنيو .. ويلعب بس بكماتشو .. ونواف .. ياخي الشلهوب نجم المنتخب الاول .. وكماتشو ما ينفع يمين ... ونواف يحب يلعب حر ... خلف المهاجمين او في اليمين .. .. والعنبر .. العنبر ورقه رابحه ليس لاعب بدايه مباراه .. ادري سنه صغير وبنيته جيده ... بس ضعيف تحت الضغط .. وتحت المراقبه .. العنبر تدخله وقت الفريق مايكون ضاغط مثل نهائي ولي العهد مع القادسيه .. لان المرتدات والمساحات الضيقه مو مكانه هنا العنبر ... يعني بالله نجي نحن نعلم كاندينو هالكلام .. !! العب بمهاجم واحد مثل ياسر .. والعب بنواف والشلهوب و كماتشو وعزيز والغامدي او الغنام او سامي كلاعب وسط .. وشوف الزعيم ... شوف اللعب .. وين مازن الفرج .. رعب روعه .. وين فهد سرور .. وين الناس اللي تحب النادي .. حتى مشعل الموري .. وينهم هاذول ... يا ابو ساره وقسم بالله زمن الكوره تغير .. خطة كاندينو هذه تنفع مع التخيفي ومع البيشي .. مع الرشيد والدوخي والتيماوي والعويران والفيلسوف و الغشيان .. وليس تنقيصا فيهم بالعكس قد يكونون هم جيل الهلال الذهبي بنظري المتواضع .. ولكن الفرق المنافسه تغيرت عقلياتهم .. اكثر ما قهرني ان الاتحاد امس لعبت بخطة الهلال .. والله لعب بخطه الهلال .. واستفاد .. وكثير بعد .. والله قمة القهر يا ابو ساره !! ومو بس كذا يا اخي فيه شي اسمه خطه وهي طريقه اللعب اللي هي 4-4-2 او 4-5-1 او او او .. وفيه شي اسمه تشكيل .. وهو تشكيل كل خط على حده ... يعني في الوسط كم محور وكم يمين وكم يسار وكم واحد وراء المهاجمين وكم لاعب حر .. وهنا يبان دهاء المدرب مو في الخطه .. ومن ثم تأتي التشكيله وهي الاسماء .. هنا نجد ان باكيتا كان بارع في الثلاثه .. الخطه والتشكيل والتشكيله .. اما كاندينو فخطته من العهد الجاروسي .. وتشكيله بدائيه جدا جدا .. وتشكيله (( اسماء )) لسنا براضيين ابدأ عن توظيفهم .. ابدا ابدا .. نفسي اعرف نفسي اعرف واموت بعد !! ايش فايده اللعب بمحورين اذا الاظهره ما يتقدموا .. ياخي نحن نفهم كوره .. والله نفهم ... نتابع كؤوس عالم وتشامبينز ودواري اروربيه ... صرنا نغلط مدربين كبار ونطلع صح .. يجي واحد مثل كندينيو ويخرب كل شي .. او يحرق كل شي ... كابيلو .. ومورينهو .. ومانشيني .. وانشلوتي .. وغيرهم كثير نغلطهم احيانا ونكسب رهان توقعاتنا .. ويجي مثل كاندينو .. اذا الدنيا بالتاريخ جيبو (( تيلي سانتانا )) ----- مو كأنه مصارع !! او هانجيم او بلاتشي او او او ... اقتراح اقتراح اقتراح .. كامل بالظهير الايمن لانه لاعب بدأ كلاعب ايمن انا من مكه واعرفه حق المعرفه ... والخثران يسار .. وتفاريس والمفرج .. وبس ... او كامل قلب دفاع والموري يمين او الصويلح .. او الياس ... غير كذا والله هذه (( قلة ادب )) واسف لاني متنرفز جدا جدا ... يا ابو ساره بس ابغاك تقرأ كلامي .. وانا راح انشر الموضوع هذا في موضوع خاص .. يمكن البعض يدخل ويقرأ .. مالنا دخل بالجروان ... ولا لنا دخل بأدارة المنتخب لانصير زي باقي الفرق بس شماعاتهم جاهزه ... نحن كنا سيئين ... وكندينو لازم يتغير ... ونجيب مدرب يهتم كثير بخط المنتصف .. وللاسف مدرب الاتحاد امس استخدم خطتنا ولعب بمهاجم واحد وكثف الوسط واستغل الملعب .. ونحن ملوك الوسط !! ارجوكم ارجوكم ارجوكم فهذا هو الوقت المناسب لاقاله المدرب فلا تضيعوا الفرصه اني ارى تدهور عجيب في سلوك الزعيم !! واني ارى من المناسب والمناسب جدا احضار مدرب يلعب ب 5 لاعبين في الوسط ... وذو تكتيك عالي .. وان كنت ارى ان بلاتشي يمثل ثقل رائع ... وان كان البعض سيعارضني وقد تكون انت يا اخي العزيز ابو ساره ... عموما اي مدرب ذو تكتيك جديد جدا ومدرب يكون تحت ال 46 عام ... يكون ماله في التدريب كثير حتى يقدر تصنع ويلعب ويسوي اللي يبي ... ولك حادث حديث ... وانا اقولها واقولها اذا كاندينو ماراح راح نحقق بطوله واحد بس من 3 وهي نسبه ضعيفه جدا .. وراح تتحقق بس بالصدفه و بأسم الهلال المتعود على البطولات .. والله العظيم ... ارجوكم وارجوك يا ابو ساره اوصل فقط هذا الكلام ... واسمعه للكل ....واتمنى ان نتحادث عبر هذا الموضوع ... او بموضوع اخر مستقل للعقليات الكبرى فقط فقط فقط .. ولكم الشكر .. جلال


شاكر لك ثقتك اولاَ وأبدأ بالاتفاق معك في :-

إقتباس
لن اتحدث عن الجروان ... اعلم الجروان سيء جدا ... ولكن حتى لو كان الحكم بابريستا .. او كولينا ان عاد الهلال مستواه في الحضيض واسف جدا جدا ... اعلم ان البعض سيقول الحظ كان ضدنا ..


أما قولك :

إقتباس
وارجوا منكم وانت بالذات ابو ساره ان لا تعلق شماعه التحكيم لهزيمتنا هذه الليلة

فأنا في مقالي ذكرت :-

إقتباس
منذ متى والهلال يتوقف ويهمزه حكم حتى وإن كان أهوج ؟

لاحظ اتفاقنا ولاحظ أني لم أندفع خلف التحكيم وأحمله مسؤؤلية تدهورنا , فقط في نقطه او نقطتين نقدت الحكم لأنه سيء لكن 80% من مقالي يناقش الهلال ومدربه ووضعه الفني .


تقول أخي جلال :-

إقتباس
انا معك الهلال ايام باكيتا كانا اللعب بمهاجم واحد بس كان الكل يحرث الملعب طوله وعرضه .. فين الشلهوب اليوم ... فين الجمعان اليوم ... اوكي بلاش كأسماء ... (( وين الخطوره اليوم .. وين الاظهره اليوم .. وين دور المحاور .. وان كنت استثني الغنام لانه كان رائع بصراحه .. وين فرض الخطه اللي تعودنا عليها .. ياخي الهلال تعود على فرض خطته .. اليوم لاول مره اشوف الهلال تنفرض عليه خطه

ويعلم الله اني أتفق معك ها هنا حرفياَ وكلمة كلمة , نعم ليس الهلال من تُفرض عليه خطة الفريق المنافس وأين ؟ في الرياض !!

الهلال لم يكن واضحاَ له أي تكتكيك ولا توجد له بصمة على الاداء حتى أن الخطورة الي أتت والفرص التي لاحت لنا كانت اجتهادات بحته بحته جداَ من اللاعبين أنفسهم , تسديدة أو مراوغه لكن جمل تكتيكيه ,, لم أرى !

للمعلوميه أخي جلال : فاز الاتحاد بطريقة باكيتا, تكثيف خط النصف والمهاجم الواحد مع الظغط القوي جداَ على حامل الكرة الهلالي ,,


إقتباس
اما كاندينو فخطته من العهد الجاروسي .. وتشكيله بدائيه جدا جدا .. وتشكيله (( اسماء )) لسنا براضيين ابدأ عن توظيفهم .. ابدا ابدا .. نفسي اعرف نفسي اعرف واموت بعد !! ايش فايده اللعب بمحورين اذا الاظهره ما يتقدموا .. ياخي نحن نفهم كوره .. والله نفهم ... نتابع كؤوس عالم وتشامبينز ودواري اروربيه


طريقة كاندينو هي نفسها طريقة البرازيل التي أضاعت عليهم لقب كأس العالم 1982 ,,

أربعة دفاع وأربعة وسط ومهاجمين ,, ولكن بدون تكتيك واضح أو جمل متفاهم عليها بين اللاعبين !


تحس أنه يقول لسامي والعنبر خلوكم عند الباب والكورة راح توصلكم إن شاء الله لكن متى ؟ الفرج قريب راح توصلكم وسجلوها !!

والله ان طريقة كاندينو أستخدمها انا شخصياَ في البلايستيشن فقط , لكن في الكرة الحقيقيه خطة كاندينو الحاليه أكل الدهر عليها وشرب !


إقتباس
اقتراح اقتراح اقتراح .. كامل بالظهير الايمن لانه لاعب بدأ كلاعب ايمن انا من مكه واعرفه حق المعرفه ... والخثران يسار .. وتفاريس والمفرج .. وبس ... او كامل قلب دفاع والموري يمين او الصويلح .. او الياس ... غير كذا والله هذه (( قلة ادب )) واسف لاني متنرفز جدا جدا


أؤيدك 100% ,, كامل أيمن ., لكن أن نقول الموري فـ كارثه !!

هل تعتقد أن الموري الذي يطالب به البعض كظهير قادر على مهام دفاعية توكل إليه ؟ لا أظن أبداَ حاله كحال مضواح يا عزيزي !

للمعلومية كامل الموسى لعب أمامنا مرة وهو ظهير أيمن وأبدع جداَ .

على فكرة اتفق معك أنها قلة أدب وأزيد عليها بـ سوء سلوك بعد


إقتباس
ارجوكم ارجوكم ارجوكم فهذا هو الوقت المناسب لاقاله المدرب فلا تضيعوا الفرصه اني ارى تدهور عجيب في سلوك الزعيم !! واني ارى من المناسب والمناسب جدا احضار مدرب يلعب ب 5 لاعبين في الوسط ... وذو تكتيك عالي .. وان كنت ارى ان بلاتشي يمثل ثقل رائع


هذا هو التوقيت الأنسب للاقالة ولكن للأسف : الادارة وضعت كامل ثقتها في المدرب وأعلنت ذلك بالأمس !!

على فكرة اخوي جلال ترى بلاتشي متهور وهجومي بحت ولا عنده شيء اسمه تكثيف الوسط أبداَ لكن يبقى مدرب صاحب بصمة وأفضل من اللي في بالي !


حذرت من كاندينو قبل أن يأتي والسبب :-

1- كبر سنه وتشبعه !

2- طريقته التي عفى عليها الزمن

3- أمجاده مع الهلال كانت في زمن كنا نعتمد فيه على مبدأ : طقها والحقها والوعد الباب !

4- عنجهيته المركزة !

بإختصار : ابحثوا عن أي مدرب تتنافى فيه هذه الصفات الأربع وأبشروا بالانجازات .

كالديرون لا أدري لماذا أشعر أني مهووس بهذا المدرب الذي جعل للمنتخب بصمة في الأداء واللعب القوي الحماسي والانسجام الواضح ,,

عموماَ أخي جلال أشكر لك ثقتك في شخصي الكريم ولكن صدقني أني مثلك وحالي من حالك سوا ,,

لا صوت في الإدارة ولا يحزنون ,, بالأمس في النادي اجتمعنا حول التويجري والقحطاني أعضاء ادارة الهلال وصدمونا بأن قالوا :

المدرب باقي وعليكم دعمه !

حسناَ سندعم هلالنا حتى وإن دربه الهلالي أبو سارة ولكن ما هو الحل مع الثقه التي نفتقدها نحن كجماهير ولاعبين في هذا المدرب؟ لا أدري


أخوي جلال تحياتي لك ولقلمك الرصين وثقافتك الرائعه ,, أنتظر منك تواصلاَ لا ينقطع ومشاركات لا تتوقف ,,

بالإنتظار لك دوماَ .


شكرا لك
اضافة رد مع اقتباس
  #98  
قديم 19/03/2006, 12:32 PM
الصورة الرمزية الخاصة بـ هلالي توب
مشرف منتدى الجمهور الهلالي
تاريخ التسجيل: 03/05/2005
المكان: Cـنيـزَة ً
مشاركات: 14,626
اخي ابو سارة ألف شكر لموضوعك الرائع ..

وهي عادتك الابداع والابداع دائما ..

انا متأكد بان أبو سلطان لم يغفل آلاف الجماهير وهم يغادرن الاستاد بكل حزن

رغم اعلان استمرارية المدرب كلي ثقه ان شاء الله نسمع خبر اقالة المدرب بعد مباراة الميناء العراقي

وتذكر كلامي يا ابو سارة
اضافة رد مع اقتباس
  #99  
قديم 19/03/2006, 02:03 PM
الصورة الرمزية الخاصة بـ ســــ 9 ـــــام
زعيــم مميــز
تاريخ التسجيل: 05/12/2005
مشاركات: 2,177
صدقت بو ساره
اضافة رد مع اقتباس
  #100  
قديم 19/03/2006, 04:05 PM
زعيــم متألــق
تاريخ التسجيل: 04/12/2001
مشاركات: 1,322
وكعادته ابوساره يتعملق شكرا ابوساره على الموضوع


الحل الحل يا ابوساره وش الحل انك تنقز للنادي وانت تقنع ابوسلطان ولا ابوسلطان يقنعك


الحل هو من وجهة نظري ونظرك الكسندر


تكفى تكفى يا ابوساره رح للنادي وناقشه باعصاب هاديه وعلمه اننا مع الهلال لو دربه مرجان بس كندينيو ما يصلح مدرب لنادي بحجم الهلال يصلح حارس مرزعه على خط القصيم ( من متى والهلال ياخذ مدرب خذه غيره ولك بتجربة ارثر مثال كبير ) ما نبي بقايا الاندية ارثر النصر ثم كندينيو الاتحاد

انا في وقت سابق رشحتك تصير مستشار لابوسلطان بس الحين لو رشحت نفسك لرئاسة النادي بدفع العضوية الشرفيه عشان ارشحك تشيل كندينيو وتحط الكسندر وتجيب كارلوس بيانكي السنه الجايه
اضافة رد مع اقتباس
  #101  
قديم 19/03/2006, 04:15 PM
زعيــم متألــق
تاريخ التسجيل: 04/12/2001
مشاركات: 1,322
إقتباس
حسناَ سندعم هلالنا حتى وإن دربه الهلالي أبو سارة ولكن ما هو الحل مع الثقه التي نفتقدها نحن كجماهير ولاعبين في هذا المدرب؟ لا أدري

الله يستر يا ابوساره هاذي مشكلتنا ندعم على عماها وش قالوا له ناقشوه في اخطائه الغبيه


عموما الشكوى لغير الله مذله بندعم ابوسلطان والمدرب اللي تناقش معه امس العصر ونشوف وش اخرتها << ما ابي اكتب اسمه الهاء تعود للي درب الهلال ضد الاتحاد
اضافة رد مع اقتباس
  #102  
قديم 19/03/2006, 06:09 PM
زعيــم نشيــط
تاريخ التسجيل: 13/05/2004
المكان: ايداهو, امريكا
مشاركات: 780
قولوا لكندينو يشوف له شغلة غير الكورة اصرف له

مبدع كالعادة يابو سارة
اضافة رد مع اقتباس
  #103  
قديم 19/03/2006, 06:12 PM
زعيــم متواصــل
تاريخ التسجيل: 30/06/2005
مشاركات: 105
كلام جميل من فكر يسوى ذهب
اضافة رد مع اقتباس
  #104  
قديم 19/03/2006, 06:42 PM
زعيــم مميــز
تاريخ التسجيل: 22/09/2005
المكان: الرياض
مشاركات: 7,852
يعطيك 1000 عافيه أبو ساره

لكن أول مره أختلف معك الهلال كمستوى وتنظيم لعب أفضل من الاتحاد ولكن لا يمنع أن كندنيو (صندوق)


أبوساره تحياتي ...
اضافة رد مع اقتباس
  #105  
قديم 19/03/2006, 07:03 PM
زعيــم مميــز
تاريخ التسجيل: 18/06/2004
مشاركات: 2,518
انا من اول ما شفت وجه وانا عاسل ايدي

كندينيو راااااح وراااحت ايامه خلاص مافي براسه تدرررريب


لكن ياليت ابو سلطان يشيله ويحط بداله الكسندر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube