نادي الهلال السعودي - شبكة الزعيم - الموقع الرسمي - بدون تشنج وانفعال تعالوا أبيكم شوي (الهلال- الاتحاد)

[mark=3300FF]مقدمة[/mark]
لايوجد مشكلة أن تخسر مباراة ولكن المشكلة أن لايكون الأداء مقنع ويكون الآداء المقنع بوجود عناصر مميزة فإذا كان لا يوجد عناصر فنية مميزة فلا يلام المسؤول، اما المشكلة الحقيقية أنه يوجد عناصر راااااااقية بالتميز لذا لا يمكن ان نقبل أنه ليس هناك مشكلة بالخسارة، لذا فالخسارة غير مبررة.
الغالي أبو سلطان: بعد التحية لك يجب أن يكون هناك وقفة فنية مع اللجنة الفنية الموجودة بقيادة عبدالعزيز الخالد (مادري هاللجنة موجودة وإلا ألغيتوها) ومناقشة المدرب ومحاسبته إذا كان هو السبب.

[mark=3300FF]وقفة[/mark]
لن أتحدث عن جميع اللاعبين اليوم ولكن سأتحدث عن من تسبب في الخسارة.

في رأيي الشخصي أن اللاعبين أسباب الخسارة (بغض النظر عن المدرب) هم:

فهد الشمري: مازلت عند رأيي فيك أنك حاااااارس عادي جداً ولاتفوق الماس والا المعيوف بأي شي، ولازم تعرف انك تلعب مع فريق مايرضي جمهوره اي خسارة ولا يقتنع بأي سبب. والهدف اللي شفناه اليوم أنت السبب الرئيسي فيه بغض النظر عن الأخطاء الدفاعية، يا فهد أنت دايم متقدم ونفس السيناريو حصل يوم مباراة الاتحاد الأولى واللي جاب الهدف السويد وحضرتك واقف على خط الستة، أتمنى أنك تقضب الجادة ولا تتقدم عن خط المرمى أكثر من نص متر إذا تفهم بفكر الحراسة وشف الدعيع نادراً ما يجي فيه هدف عشانه متقدم لأنه يعرف وين يوقف. على الله تتعلم.

المفرج: إلى هنا نقول لك كثر الله خيرك ويعطيك العافية وماقصرت والوجه من الوجه أبيض.

كاندينو: مازلت أقول انك مدرب كبير وانجازاتك تشهد بس الله يرضى عليك اترك العنترية عنك والله العظيم ما شفنا أي جملة تكتيكية تفتح النفس.وانت وتشكيلتك اللي زي وجهك.يا عااااااااااااااااالم أقرصوه شوي.

العنبر: اليوم مو يومك اساسا انت لاعب غير مهاري، بس انك تجيب اهداف اذا جتك قدام المرمى، عشان كذا انا رأيي فيك انك ما تلعب أساسي بوجود المهاجمين الباقين.

ياسر: لازلت لاعب غير مؤثر يعني ما تقلب النتيجة.

رأيي التشكيلة القادمة يجب أن تكون كالتالي (إذا انتهى أيقاف تفاريس)
الدعيع - الهليل-تفاريس-الخثران-الغامدي- عزيز-نواف-الشلهوب- جيوفاني-كماتشو- سامي.

أشوف هذي أنسب تشكيلة بحيث تصير حرية حركة للتمياط وممكن يسجل والشلهوب وكماتشو نفس الكلام ويتناوبون على المراكز ويصنعون لسامي وبنفس الوقت يسجلون.

تحياتي للجميع وأتمنى انه يتم تدارك الأمر قبل خراب مالطا،،،