اخر الاخبار من مقر سكن لاعبين الهلال قبل مواجهة الاتحاد الليلة - نادي الهلال السعودي - شبكة الزعيم

المشذاب · #1 17/03/2006, 01:09 PM

بسم الله الرحمن الرحيم

اليوم مبارتنا المنتظرة مع الاتحاد ولقد كنت متواجدا في تمرين الامس وبالفعل كانت الاجواء رائعه ..

اول من وصل للنادي كان فهد الشمري ..

كماتشو وصل باللومينا والرديف جيوفاني .. والله من الهجولة بالعريجا خخخخخخ

بدأ التمرين بكلمة لابو سلطان مع اللاعبين ثم تقسيمة في نص الملعب ..

وكان الجو أسري بمعنى الكلمة ... وكان ابو سلطان يذب على الدعيع وحاط حيله فيه ههههههههههه ..

والله خليت اهلي يروحون باللموزين كله علشان اشوف التمرين .. لاني وللاسف ماراح اقدر اشوف المبارة ..

لاني مضطر ارجع لعنيزة قبل صلاة العشاء ... والله قهر ..

وما انسى الحضور الجماهيري الجيد للتمرين ..
لكن لاحظت خروج سامي ونواف وكامل موسى قبل البدء بالتمرين وما ادري وش السبب الى الان ..

وعزيز ماحضر للتمرين ومايشوف شر ..

العنبر اكتفى بالجري حول الملعب هو وحسن العتيبي العائد بقوة ..

ياسر الياس ما انتبهت له بالتمرين .. لكن بعد صلاة الجمعه شفته مالبس زي اللاعبين طقم النادي ..
واكثر ظني ماراح يلعب ..

والحمدلله اشترينا بطاقة النادي الفضية .. والعتب على النادي بعدم تسويق البطاقة في القصيم ...

المهم ان المصادفه الاسعد في حياتي ..

انني و لاعبين الهلال في فندق واحد

ومادريت الا يوم طلعت اصلي الجمعه واشوف ابو بندر رايح للمسجد ومعه سجادته

وشاهدت اغلب اللاعبين بالمسجد .. وبعد ماطلعنا سلمت على بعضهم والحمدلله الاجواء تبشر بخير ..

وسامي ان شاء الله راح يبدع ..

لا وشفت الشاعر البرتغالي ابو شنب : جورج ارثر في بهو الفندق خخخخخخخخخخخ

الاجواء زرقاء هلالية بإذن الله ... بحضوركم .. بحضوركم ..

بالمناسبة تصريح ابو سلطان اليوم اعتقد انه اكبر محفز ..

يالله يا اهل الرياض ورونا همتكم .. خلونا نرد على ابو سلطان بالملعب .. ونساند الهلال ومانخذله ..

بالتوفيق للهلال ...

وان شاء الله من اليوم ورايح ماراح اخلي مبارة الا احضرها ...

اعذرونا ياجماعه على القصور لاني مستعجل وكتبت الموضوع بأحد المقاهي
ولاتشرهون علي تقولون وش هالمشفوح اول مرة يشوف لاعبين الهلال .. لكن والله انكم محسودين بالهلال .. لو اني منكم كان 24 ساعه بالنادي

الزع9يم · #2 17/03/2006, 01:23 PM

يسلموا وياليت تمدنا بمثل هذه التقارير دئما

ولا تكون مراسل شبكة الزعيم بعنيزة

تقريرك بصراحه روعه

صدقني لك مستقبل بالكتابه

وشكرا

غرشوب العود · #3 17/03/2006, 01:30 PM

لالا معذور يالزعيم الوفي لكن القهر من جماهير الهلال اللي فالرياض يكتبون مواضيع للمشاركه فالملعب وهم قاعدين
فبيوتهم

سام6_الذئب · #4 17/03/2006, 01:34 PM

مشكوووور على هذا التقرير الرااااااااااااااائع جدا جدا
بالفعل كلام رااائع جدا وتغطية جميلة وكاتب اكثر من رائع

ومشكووور مرة اخرى

وترجع بالسلامة لعنيزة

تلومني فيك · #5 17/03/2006, 01:39 PM

ما قصرت والله كفيت ووفيت

هلالي جدا · #6 17/03/2006, 01:47 PM

هلا والله ابو منص ;)

ياحظك والله رايح للنادي وحنا نتبطح بعنيزة

والله محسودين جمهور العاصمة ..

إن شاء الله جمهور الأزرق في الرياض مايقصرون .. ونبي تاريخية بإذن الله

بالتوفيق للزعيم

المبدع الهلالي · #7 17/03/2006, 01:48 PM

الحمدلله على كل حال ...

بأذن الله نرى مبارة ممتازه للأزرق اليوم ...

والله يوفقنا وياهم يارب ...

مشكور يا راعي عنيزه ... ويعطيك العافيه ...

فمان الله ,,,

Z I D A N E · #8 17/03/2006, 02:14 PM

الله يستر عليك ...!

أخوي ...!

وان شاء الله توصل بالسلامة ...!

لك تحيتي ..!

أديب الهلال...!

Z I D A N E · #9 17/03/2006, 02:28 PM

الله يستر عليك ...!

أخوي ...!

وان شاء الله توصل بالسلامة ...!

لك تحيتي ..!

أديب الهلال...!

الألـمـعـي · #10 17/03/2006, 03:35 PM

بالتوفيق للزعيم

والله يوصلك بالسلامة

واهل الرياض والله اني احسدهم انهم ما يروحون للنادي ....

الألـمـعـي · #11 17/03/2006, 03:42 PM

بالتوفيق للزعيم

والله يوصلك بالسلامة

واهل الرياض والله اني احسدهم انهم ما يروحون للنادي ....

الهلال&برشلونه · #12 17/03/2006, 04:40 PM

مراسل مشاء الله ههههههههههههه

عوض الجابري · #13 17/03/2006, 04:51 PM

يسلمو والله يعطيك العافيه.

عاشت الأسامي يا سامي · #14 17/03/2006, 04:54 PM

يعطيك الف عافية اخوي على التغطية المتميزة وبالتوفيق للزعيم ونبي 30 الف بس زي ما قال ابو سلطان

سامي جده · #15 17/03/2006, 04:56 PM

الله يرجعك لعنيزه بالسلامه

وصدقت بقولتك ان اهل الرياض محسودين بالنادي

تكفووووووووووووووووووون ياجمهور الزعيم الزعيم ينتضركم بالملعب اليوم هو والدوكي