|
صراحه ودية الامارات تخوف...خذوها من فم واحد كان موجود في الم صرحه كانت مباراة منتخبنب اما المنتخب الاماراتي مباراة اعصاب يعني ماشفنا منتخبنب يلعب كوره صح وكل الهجمات ضايعه والفضل يعود لوجود مرزوق العتيبي الي جلس يضيع الهجمات وحده وحده وهو ولا على باله هالجمهور الغفير الي اصطكت منه جنبات الملعب وصراحه الواحد ينقهر اذا شاف واحد زي مرزوق يضيع ولا هامه احد ومحمد نور حدث ولا حرج انواع البرود وكانه يلعب حواري بصراحه. بس اقول مبروك للكره السعوديه النجم القادم بقوه سعودكريري صراحه 10 من 10 يا سعود ثقه وصلابه في اللعب وانشالله يثبت كاساسي ويذكرنا بايام خميس العويران. بعد المباراه قام الجمهور السعودي بصيحات استهجانيه صوب لاعبي منتخبنا والمدرب في حين حيوا المنتتخب الاماراتي وكذلك قاموا بتانيب الاعبين بعد المباراه خارج اسوار الملعب وهم متوجهين نحو الباص. |
الاخ ماجد تحية طيبه كم فرصة حقيقة اضاعها مرزوق.؟ وماذا عن بقية الاعبين ؟ |
مرحبا اخوي ماجد .. اعتقد صعب الحكم على اللاعبين من خلال مباراة ودية مالها اي معنى .. وبمعنى ثاني .. صعب نطالب اللاعبين بالحماس والجدية في مباراة ودية لعبوها خلال التصفيات .. والكل عارف الحالة النفسية اللي عاشوها اللاعبين وعشناها احنا في هالتصفيات والاحداث الكثيرة اللي صارت من ظلم تحكيمي في اهم مباراة ومن تغيير الجهاز التدريبي .. المهم ترتفع الروح في المباراة الجايه .. تحياتي .. |
أخوي الغالي/ماجد 2002 مشكور علىهذه المعلومات الجديده0 لكن نريد منك على الأقل التشكيلة التي لعب بها الجوهر 0 تحياتي لك0 |
السلام عليكم اخوي ماجد انا كنت بالملعب (جنب الرابطة) وشفت المباراة صراحة المستوى يخوف جدا وابغى اقول كلمة الاعب الذي يدعى مرزوق رفع ضغط جميع الجماهير والله ما يستاهل المنتخب وابغاكم تشوفوا المباراة الساعه 11 اليوم وتشوفون فرص قدام القول يضيعها واتمنى طردة واعطاء الفرصه للجمعان او يزيد اما بالنسبه للتشكيل الدعيع باسم اليامي الخليوي الصقري شليه كريري مناف الغامدي السويد العتيبي اليامي خرج الصقري ودخل عبدالغني خرج مناف دخل الشلهوب المبدع اليوم خرج السويد ودخل سامي خرج العتيبي دخل الشيحان خرج اليامي دخل عبيد خرج الدعيع ودخل النتيف خرج الغامدي ودخل ماطر بس المستوى ما يبشر بالخير ابدا لكن التشجيع والجمهور هم افضل من في المباراة وشكرا |
أخوي الغالي/الفتى الذهبي2002 وعليكم السلام وشكر على تجاوبكم السريع معنا ، وذكرتني بالمباراة الله يعينا نشوف الهزيمة والمستوى الهزيل0 تحياتي لك |
المباراة كانت منقولة على قناة الامارات مستوى المنتخب غير مطمئن على الاطلاق الجوهر لعب المباراة بالصف الثاني ثم ادخل بعض اللاعبين الأساسيين على فترات اذا استمر المنتخب على هالحال فالتأهل بعيد المنال البدلاء لم يكونو في المستوى المأمول في جميع الخطوط والدعيع صداكثر من هدف محقق ولكنه يتحمل مسئولية الهدف الأول وبالطبع الدفاع سيءجدا ويتحمل مسئولية الهدفين وهما صورة كربونيه دفالع المنتخب سهل اختراقه من جهة حسين عبدالغني فالثغرة موجوده التي كاد ان يستغلها العراقيون في المباراة السابقه اللياقة ضعيفة جدا والفريق بحتاجة الى رفع مستوى اللياقه التأهل يحتاج الى معجزه الآن خصوصا بعد فوز ايران على العراق في بغداد واعتقد ان الاتحاد العراقي قد اهدى الفوز لإيران على طبق من ذهب بتغييره لأكثر من نصف الفريق الله يستر ويجيب العواقب سليمه وانا بصراحه متخوف من منتخب تايلند خصوصا بعد الذي رأيناه اليوم 0 |
ياجماعة انا شفتها على قناة انترتينمنت بابو ظبي منقولة على الهواء مباشرة وبصوت معلقنا الرائع محمد البكر . فعلا زي ماقال اخوي ماجد المستوى يخوف وممكن ايجازها في التالي . الدفاع بعد نزول حسين صارت الجهة اليسرى ثغرة وتسجل منها وعن طريقها هدفين . الوسط ضائع وتائه بما تحتوي الكلمتين من معنى . فلا الغامدي افاد ولا نور لعب وانما ذبحنا ببروده اللامتناهي فابعدوهم عن المنتخب ارجوكم يامسؤولي المنتخب . والكارثة بعد نزول ماطر صار الوسط اسوأ . الوسط مفكك كل لاعب يلعب لوحده ولا يوجد تجانس اطلاقا . كان مرزوق يضيع فرص ولكنه اشغل الدفاع ومن بعده اليامي ولكن الشيحان لم اشااهد منه مايفيد الفريق . تحرك سامي وحسين لمدة ربع ساعة ومن ثم اصابهما ما اصاب الاخرين فالفريق باجمعه تائه . اللياقة صفر او شبه معدومه وخصوا اواخر الشوط الثاني . هذه هي مختصر ماحل بمنتخبنا والفترة وجيزة والمنتخب الخصم واعني به منتخب تايلند فريق منظم ويعرف لاعبوه ماذا يريدون واعتقد اننا اذا رجعنا بنقطة فنحن محظوظين وشكرا . محبكم ومحب الهلال عبود2 abudd2 :( |
هذه ياأخوان ليست مباراة رسمية واللاعبون أي لاعب لايمكن أن يقدم في مباراة ودية مايقدمه في مباراة رسميه وبعدين لاتنسون الضغط الجماهيري والاعلامي على الاعبين وترى اللاعب بشر يتعرض لضغوطات وحنا نلوم ونقول ياليت وياليت ترى أي واحد منا لو نزل وصار بدال لاعب من لاعبي المنتخب ما أظنه بيلعب أحسن من اللي شفناه لكن عموما انشاء الله يتم تدارك الأخطاء في المباريات القادمة وانشاء الله التأهل ألى كأس العالم وتقبل تحياتي ،،،،،،، |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd