#1  
قديم 15/03/2006, 05:08 PM
زعيــم متألــق
تاريخ التسجيل: 24/05/2005
المكان: نادي الهلال- الرياض
مشاركات: 1,064
موقف لاينسا في رحلتي في كوريا

كنت ضمن من رشحو الي رحلة كوريا والتي نفذتها الرئاسه العامه لرعاية الشباب وقد رشحت من نادي الهلال
كان ضمن برنامج رحلتنا في كوريا برنامج الهوم ستي أي يوم مع عائلة كوريه وكان عددنا 8 والي جو من العوائل 7 كانوا طلاب في قسم اللغة العربية في كوريا ((فيه بعضهم في السنة الأخيرة وضعيف جدا في اللغة وأما القواعد فما عندك احد )) المهم فوزعونا كل واحد علي أسره وانأ واحد مع أسره المهم بعد مجلسنا تعارف معهم قالوا بياخذونا في جولة في العاصمة قبل وركبنا في المترو وتغدينا ((أنا إلي عزمناهم)) وعودنا إلي الفندق وصلينا العصر فيه وأخذنا عفشنا وطلعنا إلي بيتهم ((كان هو وأخوه)) وركبنا في القطار واستغرقت الرحلة من الفندق إلي بيتهم 1.30 ساعة و ونصف ووصلنا لبيتهم وقال بيتنا صغير بنروح لبيت ثاني وطلع أبوه وركبنا معه لبيتهم الثاني والذي كان لامهم (( الأب في بيت وألام في بيت ثاني )) دخلنا البيت واستقبلتانا العجوز وودونا للغرفة إلي بنوم فيها واثاريها غرفه للالعاب وادوات المسيقا واثريهم حاطين لنا مطرحه علي الارضيه ومخده وشرشف دخلنا وغيرنا ورحنا لهم في الصاله وجلسنا معهم شوي ورحنا بعدها لصلاة المغرب وطلعنا لهم وكنا جايبين بعض الهدايا لهم وبعد شوي جلسنا نسولف معهم وشوي ونروح نصلي العشاء ((أنا وخويي)) وطلعنا ولقيناهم مجهزين العشاء رز ((ابيض مسلوق علي ماء ))ولحم بقر مشوي وبعض الزلطات وانواع الكمشي
أنا أخذت من الرز وشوي زلطه وقطيعة لحم ويالله كلتها
, اكل الله لايوريكم يسد النفس مادري كيف ياكلونه واما خوي ماشاء الله عليه دق في الاكل وقمت من العشاء واحضرت انا وخويي الثوب السعودي والغتره والعقال ولبسناهم اياه وشوي وراح ابوهم لبيته وقعدنا معهم وقالو تبونا نشغل لكم افلام اكشن او اي شي , كان عندهم استديو منزلي وكل الافلم مسجله علي اقراص سيدي قعدو يدورون نص ساعه كل شوي يطلعون واحد ثم يتهامسون ويرونه المهم بعد حول نصف الساعه طلعوا واحد وقعدو يحاولون يشغلونه وهم يتهامسون شكلهم يقولون ذولي مايستاهلون شوي وطفوه وقالو عندنا لعبع قديمه فيها خشب وورقه شكلها حقت اطفال لعبونا شوي ثم شالوها وقعدو يسولفون مع بعضهم يعني افهموها مع العلم ان الساعه كانت 9.00 وقمنا بنروح ننوم ((في الفندق مانوم قبل 12.00 )) قال روحو مع العلم ان الغرفه مافيها مكيف ومقفله ومكتومه مره ((وماعندهم الا المروحه اقتصاد في الطاقه)) وقلت عطونا مروحه وتهامسو شوي وقال ماومشكله وشالها وجابها ووقتها بعه ساعه وقال علشان اذا نمتو تنطفي !!!!!!!!!!!!! وحاولت معه لين زادها الي ساعه ونصف ودخل خويي وطفو النور وقعدت اسولف انا وياه واما هم فنسمع ضحكهم وسوالفهم في الصاله وكانت معي كامرت فديو وجعلتها علي التسجيل الليلي وسجلنا لبعض وهذا الفلم عندي وانا وياه نقص لبعض هذي المعانه وهمومنا تصورو انا في كوريا ننوم الساعه 9.30 وقعدنا سواليف مع بعض وكلها مسجله وحاولنا النوم لكن الجو كان حار مره (( وهذ الليله كانت الليله الي لعب فيها الهلال مع الاتحاد في المباره قبل النهائيه علي كاس الملك فهد رحمه الله ويوم جت 11.00 بتوقيتهم 5.00 بتوقيت اللمملكة فارق التوقيت 6 ساعات وكنت علي شوق كبير لمعرفة نتيجة المباره واقولكم يوم جت الساعه 11.00 قلت لخويي وش ودك فيه قال لوح شوكلاته وعصير وقلت انا نفس الشي واتفقت اني انا وياه نطلع ويوم جينا نطلع عيو علينا وقالو مافيه وقلنا انا بنروح نكلم مكالمه ضروريه والعجوز تقول قفلو عليه المهم بعد محاولات ووريناهم عفشنا نه موجود سمحولنا يوم طلعنا ونلقا الجو الزين ورذاذ المطر الجميل ورحنا لبقاله وشرينا منها وتمشينا حول 20 دقيقه لانه قالو لاتتاخرون ومامعنا أي اثبات لان الجوازات حقتنا في الفندق ورجعنا وكان عندهم في البيت انتر نت ودخلت علي موقع الهلال نت مافتح ((الكيبورد لغه كوريه وانجليزي )) وحاولنا في اكثر من موقع عربي ونفس الشي ودخلت علي نسيج ودخل المهم المباره مابعد بدت ورت لنوم وشغلوها مره ثانية لساعه ونصف ونمنا وقمنا الفجر وصلنا ورجعنا لنوم الي الساعه 8.30 وقمنا للفطور وبعد الفطور دخلت علي نسيج واول مافتحت الشاشه يوم شفت الكتابه بالازرق درين ان الهلال فاز علي الاتحاد وكم كانت سعادي الي روحت هم اليله الماضيه رجعونا الي الفندق وفيه مواقف صارت ومقالب مشفره احتفظ بها وزميلي سر وهذا اكبر خازوق ومقلب اكلته

معليش اذا كان فيه اغلاط

اسف علي الاطاله
اضافة رد مع اقتباس
  #2  
قديم 17/03/2006, 12:29 PM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
ماشاء الله عليكم مغامرات

بس حلو الاكتشاف والاحلى منه الصبر والفايده من اي مكان واي حدث يصير

والحمد لله بعد انكم انبسطتوا بفوز الهلال

الله يعطيك العافيه يارب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:16 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube