محتااااااااااار

اكيد محتاااااار


اقول الله يعينك بس ترى فيه فرق إذا كنت بتستعمل وإلا انت رجال كل يوم يطري لك طاري ؟؟؟ يعني يمكن تصنف معاك وتبيع

فيه سيارة حلوة ومع خويي توه مشتريها وألمانية 100% وش زينها

هي فولكس ويجن ( باسات ) PASAT إظنها كذا تنكتب

والله من جد فيها مواصفات ما هيب صاحية منها

# المقاعد الخلفية تتصفط وتصير مقاعد أطفال
# نظام تدفئة للمقاعد .
# نفس المقاعد جلد وفي الوسط ( يعني اللي تجلس فيه ) مخمل فااااااخر
# قير اوتماتيك
# فتحة
# ريموت كنترول
# مفتاحها مثل مفتا الفياجرا يعني المفتاح ينصفط بوسط الميدالية ( الريموت )
احسن من مفتاح الاعصار
ومميزات عديدة مثل حساب المتبقي من البنزين ودرجة الحرارة الخارجية وكمية استهلاك الوقود .... و.....و ...... وغيرها
# اظنها دفع خلفي ( ماهو اكيد )


روح لوكالتها وشفها أحسن


ترا سعرها بحدود 76 ألف او 75 والله ما ادري بالضبط


وبالتوفيق إن شاء الله ،،،

اخوك / البـــ2000ــــارق;)

شفني واسمعني زييييييين اترك عنك خرابيبط الياباني ورح لم اللاوربي ترى ما فيه مثل فولكس ويجن باسات او بورا وادع لي وتراهن راخاص بس السيارحيات بس بيني وبينك تراهن سياراااات

وخذ هذا موقع فيها مستعملات وجدد

هذولي ثنتين مستعملات بور شف شكلها وشرايك؟؟؟؟

BORA

اخوي عبودي
لالالالالالالالالالالالالالالالاتتردد
ترا الكامري موتر ماينتفوت يكفي انه ياباني وبعدين قطع الخيار رخيص ومتوفر ((يعني تلقاه في البقالة ))


اشوف الشباب متحاملين على حبيينا الاطخم


تراااااااااااااااااه طاغية


تحياتي اخوك
اسرار الهلال

صدق أن بهالمنتدى أكبر نصابين والله يبيعونك الفيصلية و عمارة المملكة و انت

تضحك معهم وتقول لعبت عليهم ................. ياخوي والله هالأطخم أسأل عنه وشف

اكبر ضحايا النصب و الأحتيال من عنده و الأعصااااار ما غير يفقش من ها الخرابيط

قال وشو كابرس أقوووووووووول لو يخيروني بين كابرس 2002 و كورلا 2001

والله لا أخذ الكورلا يا بوي بكرة تفلس من هالكابرس و تقول يا ليني سمعت كلام منصف

أقول زهب قرووووووشك و أبشر بالسيارة تاقف عند باب بيتكم بلا فولكس واجن بلا

خرابيط ، كامري 2001 أو 2002 أذا بتنتظر و غيرها لاتدور أجزم بس على الوالد

قبل لا ينصبون عليك هالشريطية ألي بالمنتدى

مالك الا الكامري تراها زينة وتطول مع الواحد وتراها نصيحة أخ لأخوانه وكيفك

أخوي جاء دوري أنا
أو
والسلام عليكم

شف ياأخوي أبو عابد ... السيارات أنواع الي تبيها في حدود السعر الي أنت قلت عليه .
ولكن على حسب المواصفات الي أنت تبي ... فخذ مثلاً :

الكامري : سيارة للكرف والكد والمشاوير وقليلة الاستهلاك في البنزين (خاصة أن البنزين هذي الايام غالـ ... والا بلاش نتكلم في السياسة) وقطق غيار رخيصة وتجد قطع غيارها في كل مكان حتى البقالات والمخابز .
ولكن يعيبها كثرت سرقت السيارات وبالذات سيارات الكامري وكذالك كثرتها في البلد ومن كثرتها موزعينها على الليموزينات .

ماكسيما : اسئلني عنها أنا مع ماكسيما 2001 GV2 بصراحة سيارة عزمها قوي وسرعتها الله يكفينا شرها واستهلاكها للبنزين يؤجع الرأس (تخيل أعبي التانكي فل بـ50 ريال ولا تكفي 400كلم بس) طبعاً الي معي 6 سلندر، واسعار القطع بصراحه مدري عنها لاني الى الآن ولله الحمد ما احتجت شيء، وأسعارها ممتازة فالماكسيما المواصفات الكاملة ولكن بدون مثبت سرعة وبدون جلد سعرها في السوق 72000 ريال تقريباً.

هوندا أكورد : بصراحة سيارة رفاهية للشباب واقتصادية في الوقود ولكن قطع غيارها نار نار

اوبل اوميغا : سيارة المانية فخمة ومركبها مريح وتجهيزاتها الداخلية جداً رائعه واقتصادية ووكيلها عسل وفي النهاية سعرها ممتز جداً (فقبل ستة أشهر اشترى زميلي اوبل اوميغا 2001 مواصفات كاملة بسعر 83000 ريال ، والآن وبعد تخفيض الجمرك أتوقع سعرها 72000 ريال تقريباً .

فلكس واجن باسات : سيارة المانية مريحة واقتصادية جداً وشكلها جذاب جداً خاصة موديل 2002 فقد شاهتها في الامارات منذ فترة .



وقريباً : سوف انشر بعض مواقع شركات السيارات لتستفيد منها ياعبودي ويستفيد منها باقي الاعضاء

وشــــــكـــــــراً ،،،

مشكوريييييييييييييين جميعا على مشاركتكم

اسف لاني طولت عليكم في الرد لكن لظروف الدراسة

و طبعا الحمد لله بعد ما شفت كلام الشباب عن الكامري قررت...و على الله الاتكال

اما حكاية هات القروش واجيب لك السيارة...
هذي كثر منها مع الكاتشب والمايونيز


ليه شايفيني غبي
طيب افرضوا عطيتكم الدراهم ...من بيضمن لي بعدين ان اللون حق السيارة
ما ينمسح مع اول غسلة؟؟؟؟

و كيف ارجعها لراعيها

و الله انكم من جد مفكريني غبي
____________________
شكرا شكرا شكرا
لكل من تعامل مع الموضوع بشكل ساخر((احب هالحركات))

و شكرا شكرا شكرا شكرا الف شكر
لكل من نصحني
مقدر لكم تعبكم الله لا يهينكم
_______________
ودمتـــــــــــــــــــــــــــــــــــــــــــــــــــــــــــــــــــم,,

ليه يالحبيب تراني أنا ورامبو ...... قاصدين كل خير لك ( توه متفق مع الأطخم على الشرط أربعون )

أخوي حطها عندي وديعة لين الله يفرجها ( حلني بعد مائة سنة );)













والا .................. لا ......؟






الله يوفقك والخيرة في ماأختار الله .

الله يعطيك خيرها ويكفيك شرها يارب .

ومركب العافية وش ماصارت ياغالي