ازيد على كلام اخوي عاشق الشلهوب عن القناة الرياضيه - نادي الهلال السعودي - شبكة الزعيم

امير عتيبه · #1 14/03/2006, 03:47 PM

من طلعت وحنا نتمنى تغطي دوريات اوروبيه قوية بس للاسف
فضحونا في الدول الخليجيه ياليتهم حطوها بث ارضي فقط
لا وبعد وش قالو قالو الدوري الارجنتيني حصري

نصابين من بينافسكم على الدوري الارجنتيني

من تشوف ملاعبهم ومدرجاتهم وانت غاسل يدك منهم

وبعد يقولون من جا الرويشد نقل نقله نوعيه في القناة وشهي هالنقله انه حاط برامج جديدة مثل متعة الحديث كل جمعه القناة قناة كوره ليش يجيبون الحديث بقناة كوره
واوقاتهم مو بالتوقيت الصحيح مثلا كل الرياضة الساعة 11 ليلا تنتظر 11وبع شوي الا وهي 11ونص شوي 12 الاثلث الا وهي جايه
واذا جت مباراة تشوف شعار القناة ذهبي والنتيجه اللي على يمين الشاشه فوق ابيض مح اخضر فاتح واذا جابو على الاستديو يجيك موسيقى وتشوف دلبيرو يمشي بالكوره وهم يحللون عن الدوري السعودي

مومثل الجزيرة شعار القناة بالبرتقالي والابيض وشعار النتيجة نفس اللون

ومحللين فاشلين باللهي احد شاف غير ماجد عبدالله يحلل مباراة وبعد يومين يحلل في الخيول
البزر لو تسأله بيقولك تستهبل انت ووجهك

ياليتهم ماطلعو قناة رياضية اذا كانت بالشكل هذا

الجزيرة الرياضية اول سنه دوري اسباني ثاني سنه كأس كارلنق كب الانجليزي ثالث سنه الدوري الايطالي ومعاه كأس الاتحاد الايطالي وكأس الاتحاد الانجليزي والدوري البرتغالي ماشاءالله عليهم الله يوفقهم

هاذا اللي انا اشوفه الفرق بين قناتنا وقنوات رياضية احسن منا بكثير

احد يوافقني على اللي قلته ولا كل اللي قلته من راسي

تحيااتي

مــــ هلالي ــــوج · #2 14/03/2006, 04:24 PM

هههههههههههههههههههه

وسع صدرك بس .. عني انا ما اشوف هالقناة الفاشلة الرياضية

اموت بحبك يالزعيم · #3 14/03/2006, 04:34 PM

اخوي وزارة الاعلام لو بغت تشتري كاس العالم والدوري الاسباني سوتها لكن الدعوه حراميه الله يلعن ام القعط

@الذيب سامي@ · #4 14/03/2006, 04:34 PM

هذه القناة فاشله بكل ما تعنيه الكلمه اجل تنقل لنا لعبة كريكت وطقتها وش دخلنا في هالهنود

aliakam · #5 14/03/2006, 04:38 PM

الجزيرة الريااضية وبــــــــــــس

عشقي تيماوي · #6 14/03/2006, 04:50 PM

الجزيره الرياضيه قناه خاصه!!
الرياضيه قناة حكوميه!!
هينا الفرق؟

maged-algarni · #7 14/03/2006, 04:56 PM

ولاتنسى المحللين واخرهم عثمان مالي اللي مايجيد اللغه العربيه
والمقدمين والمصورين والمخرجين والله متخلفين عن العالم عشرات السنين حتى عن اقرب الجيران
وياقلب لاتحزن .

تركي. · #8 14/03/2006, 05:08 PM

فاشله

$السكب$ · #9 14/03/2006, 05:08 PM

كلامك كافي و وافي والله يعطيك العافيه

جحفاني · #10 14/03/2006, 05:21 PM

لو يخلونه للتقبيل احسن
مشكور

الزع9يم · #11 14/03/2006, 05:39 PM

ياخي وش فيكم على القناة الرياضيه

أول سنه جابةالدوري الايطالي مبارتين بس اعاده

وجابت الدوري الفرنسي

وجابة الدوري البرتغالي

جابة الدوري الارجنتيني

وش بعد لك كم من المواهب طلعة

بتال القوس أفضل مقدم برامج عربي

ماجد الحميدي

عبدالرحمن الحسين

محمد السقا وان كان قبل الرياضيه طالع بس اشتغل فيها كم من موسم

يعني بصراحه ماقصره وهي قناة حكوميه تسوي هذي السويا

يعني نرفع القبعه لهم تقديرا واحترام

وبلاش كلام ماله داعي

امير عتيبه · #12 16/03/2006, 12:38 PM

مشكوريييييين على مروركم وهي فعلا قناة حكوميه

وصدقت ياخوي الزع9يم نقلت درويات وطلعت مقدمين بس الدوريات ماعاد تنقلها لانها صارت مشفرة ليش الرياضية ماشترت حقوقها

والمقدمين ليش تركتهم لقنوات ثانية

انا اتكلم من باب النقد مو للاساءه