|
خبر عاجل عن فيصل ابو اثنين..... سلام من أسير... اولا: مبروك الفوز على الاتفاق. ثانيا: قدم الاهلي هذا اليوم في باريس عرض اعاره لمدة سنه للاعب فيصل ابو اثنين وسوف يجتمع اللاعب مع الامير سعود هذه الليله في فندق البرنس ديجال بباريس وعلى ضوء الاجتماع سيتقرر مصير اللاعب اما الاستمرار مع الزعيم او الانتقال للاهلي بنظام الآعاره لمدة السنه.... ومن المقرر ان يصل اللاعب الى الرياض مساء غد ولكن هناك مشكلة الحجوزات. |
تسلم يا اسير الف شكر يا اسير مع التمني لفيصل بالاستمرار للزعيم انشاءالله وما اتوقع ان فيصل يترك الزعيم ،،،، وسلامتكم ،،، |
فيصل ياجماعة والله أبو سالم مايتكرر الرجاء من صاحب السمو الملكي الأمير سعو بن تركي رئيس نادي الهلال رفض هذه الأعارة واعادة فيصل الى بيته الأصلي. |
و الله ابو ثنين فنان و حرام يروح و لا اظنه يسويها ........ :( |
مشكووور اخوي اسير والله يخليك وعساك على القوة... وعموما .. امنيتي ان يستمر فيصل مع الهلال .. لعام القادم وللاعوام المقبلة .. وان لم يوجد حل .. فاعتقد ان لعبه للأهلي .. افضل .. ونحن نتمنى ان لا نخسر لاعب بسبب مقابلة صحفية .. ولك تحياتي،،، |
مـــــبروك عقبال الكاس تحيات بـــبـــاي |
السلام مبروك للجميع وانا اؤيد الإعارة لفيصل حتى لانخسره على طول ولايهبط مستواه تحياتي الحريف |
ياهلا فيك يااسير.. والله المنى ان كلامك غير صحيح لكن المشكلة ان اخبارك كلاها موثوقة.. ياليت ياغالي تبلغنا بنتيجة الاجتماع..مع اني اجزم ان فيصل ماراح يوافق ان شاء الله... تكفى يااسير اول بأول مثل ماعودتنا وانا اخوك... |
حريف انت قلت الصواب و اللاعب خله يترزق الله ولا راح يفيد الهلال. |
.شكراً اهلين اسير لطيفه ،، الله يبارك فيك ......انا لا اتمنى انتقال فيصل ....وبانتظار نتائج المفاوضات ! |
مرحبا اخوي اسير لطيفه ما ادري ليش اذا شفت موضوع لك لازم ارد؟؟؟؟؟؟؟؟؟؟؟؟؟؟ انا عني ودي ان فيصل يظل بالهلال بس يمكن الرجال يبي يغير وحنا في عصر الاحتراف والرجال حر وان شاء الله يظل مع الهلال ومشكور اخوي اسير...... |
مـشـكـور أخـوي أسـيـر لـطـوف عـلـى هــالأخـبـار وأتـمـنـى أسـتـمـرار فـيـصـل أبو ثنين وينهي ناريخه في الهـلال خـصـوصـا وانه حـقـق إنـجـازات مع الهلال كثيرة . تحياتي اخوي اسير ,,, |
للأسف بصراحه الخبر ابدا مهو حلو ...... ممكن فيصل يرجع للتمارين ويرجع كل شي مثل الاول واحسن ...... لكن ...... من عافنا عفناه لو كان غالي .... |
شكرا اخوي اسير :) ان شاء الله ما يسويها وينقل |
لالالالالالالالالالالا يروح ابو ثنين والله إن الهلال بحاجته رغم المشاكل اللي منه بس إن شاء الله بيعقل ويرجع قولوا إن شاء الله اووووه نسيت اقولك شكرا يا اسير والله انك المصدر الوحيد اللي ناثق فيه :) لك تحياتي ،،، أخوك / البــ2000ــــارق;) |
لا ان شاء الله ابوثنين ما يترك الهلال و بعدين الحين رجع خميس و ابوثنين و الله اننا بنعمة حطوه بدال المسعريتيكر .. |
هلا والله بنور المنتدى وصاحب الأخبار الموثوقه بالنسبه لفوز الهلال والله كنا متعشمين بمستوى أفضل من اللي شفناه وياليت نشوف ضاري قدام الشعله علشان نحكم على مستواه(سنتين احتياط مايصير) أما أبو أثنين الرأي للمدرب إذاكان مايحتاجه خلو الرجال يدور رزقه وترى سنه ماهي طويله على اللاعب وشكرا للغالي أسير لطيفه |
هوجاس فيصل يقول ... أكيد نحترم تفكير فيصل وبصراحه يقود الأهلي لبطوله أحسن له من قعوده احتياطي للمسعري !!!!!! مبروك يالجمعان ولاتنسى السلوك . المعزوفه بدت بنشاز ياترا بيستمر وإلا تحت الشنب دواهي . سلامي لكم ومبروك الثلاث نقاط . |
اولا مبروك الفوز وفيصل لاعب جيد ولا يختلف اثنان على موهبتة واتمنى استمرارة |
أفضل خبر هذا اليوم هذه الاخبار يا أسير لطيفة ولا بلاش. اللي مايبينا ما نبيه. وانا اختلف مع جميع الاخوة في هذا الموضوع, وأقول اتركوا العاطفة وغلبوا مصلحة الزعيم فهي الاولى. وعلى ما قال المثل( قذلوف وعين ما تشوف ) |
فيصل ابو اثنين ياأخوان مايتعوض فنان ولاعب صعب انك تجد مثله في الملاعب افضل انه يبقى مع الهلال انشاء الله وتقبل تحياتي ،،،،، |
هلا بصاحب الاخبار المميزه اول شئ ابارك الفوز ومن فوز لفوز الين ناخذ الكاس انشاءالله. بعدين فيصل لاعب صعب انه يتكرر وعارفين مدى حبه للهلال واتمنى انه يستمر في الهلال الى نهايه مشواره الكروي. |
لسلام عليكم ورحمة الله اول شي الله يبارك فيك وثاني شي الهلال ماهو في حاجة لا ابو اثنين ولا ابو ثلاثه ويروح ان بغى نادي المزاحميه مع الف سلامه صدقوني ياشباب وبذكركم مايبرز الا في الهلال واتمنى من سعود بن تركي انه يوافق بدون تفكير المبلغ اللي بيدفعه الاهلي افود للنادي حتى لو 10000 ريال |
انا اقول ان رجوع فيصل للهلال في الوقت هذا في غير صالحه ابدا فيصل ضيع اللي بناه في سنين في لحظة طيش وصروفها اللي دافعوا عنه بانها جرأة وصراحه وهي للأسف كانت وقاحة واسلوب مرفوض من جماهير ومحبي الهلال في رأيي المتواضع ان ذهاب فيصل للأهلي لمدة موسم فيها تغيير للاعب امكانياته كبيره احقاقا للحق نرفض انها تختفي بين يوم وليلة وانشالله اذا هدأت الأمور ورجعت المياه لمجاريها سيفتح للهلال ذراعيه مره اخرى ولكن بشرط عدم الاندفاع في التصاريح التي تعبر ان الهلال هو الذي دفعني للانتقال او كما قال الغشيان ذهبت من فريق كبير الى فريق اكبر ومن هذا القيبل الذي لا يمكن تفسيره سوى بانه اسنفزاز للهلال ولجماهيره بالتوفيق يا فيصل ودمتم |
| الوقت المعتمد في المنتدى بتوقيت جرينتش +3.
الوقت الان » 11:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd