#1  
قديم 12/03/2006, 06:20 PM
موقوف
تاريخ التسجيل: 26/06/2005
مشاركات: 564
Angry ما لكم خوي

سلااااااااااااااااااااااااااااااااااام للحلوين >>>>>>>>>>>> يعني ما سلمت على احد خبري فيكم ما فيكم الحلو :p
كل واحد فيكم له سلام خاص فيه وسلام كل باسمه

مع اني زعلان محد سال عني وقال وينك وين الغيبات بس رفعت معنويات نفسي بنفسي وسالت عن حالي هماهم يقولون بوقتنا ما حدا لحدا وجيت انزل موضوع

نخوش دغري عـ الموضوع >>>>>>> من يكتب كذا
ماكو موضوع ولاشي كله خربطه وسوالف واللي ما يبي يمشي

والمشرفين اذا يسمحون لا يتدخلون حتى لو بعض الناس طلبوا

قبل فتره في واحد اعرفه وتعرفونه ;) كان عنده دوره مدتها اسبوعين بالفيصلية فما شفته خلال الفتره هذي كلها باليوم الاخير من دورته كان بيطلع بدري فعزمني على قهوه بالفيصليه
وبما انهم يمدحون الصراحه فالصراحه ما عزمني انا قلت له بجي تخبرون فرصه يوم الاربعاء وفيصليه ومحد يقدر يقول شي عندنا دوره طبعا هو عنده دوره وانا خوي واحد عنده دوره :p
الظالم الله حسيبه ما خلانا نروح للسوق لا تحطون بذمتكم شي بكيفكم ترى قصدي اشتري اغراض مو اللي في بال هلالي الظهران الرجال صك علينا باللوبي حق الفندق لو دريت ما رحت المهم وتجيك هاك البنت اللي تطرح الطير من السماء عطرها شميته قبل صلاه العشاء وجت هي بعد الصلاه :p وتقعد الشيخه بنت ابوها بجلسه جنبنا يعني ما لقت غير الجلسه ذي بيني وبينكم مافيه غير جلستين اصلا بس لزوم التفشخر عندكم :p حسبي الله على اللي في بالي الشباب يدورون واسطات يبون يدخلون وحنا دخلنا وقعدنا بلوبي مافيه الا جلستين العزاء اوسع صدر من جلستنا
عشر دقايق بس وبينما كنت فيها اتميلح ويمكن ما كملت بعد الا خوينا جايب العيد وانواع الطقاق مع البنت وخرب علينا وانسدت نفسي وقلت يالله بس مشينا وانتم بعد لحد يحط بذمته شي ترى بكيفكم ما سامحتكم

فاصل ونواصل

هذا رابط لمنظر طبيعي روعه لا يفوتكم

http://www.uparab.com/files/3mN25r-XSrqtl7Ya.3gp

بالنسبه لي باسوي مثله بس بعد ما اخلص صلاه مو اقطع الصلاه الله يهديه عجل شوي هو :p

http://www.uparab.com/files/rpctn6TxPLdS-MOg.zip

مشروع تخريب طفله انتم ركزو بآخر حركه مجنوووووووووونه

http://www.uparab.com/files/DpjOV3Y-Kf12t6ob.zip

الاغنيه القادمه عباره عن هديه من العنا لكم والله ما تستاهلون محد سال عني
الاغنيه من تحريفاتي والحاني بس مو من غنائي

قبل الهديه من فيكم شاري بالمواشي :p

http://www.uparab.com/files/qgaTU2Sbp5UD0zUD.mp3

عندي كم صوره ادري بتسبب لي مشاكل بس ميزتها ان محاكيكم الليله لا تلوح للمسافر المسافر راح فيك خير الحقه واذا رجعت نهايه الاسبوع فيها حلال يموت ناس ويحيا ناس

اهم شي ما يستخدمون ناس واسطاتهم ويحوسون الموضوع وانتم قولوا ماشاء الله ماله داعي نخربها مره عاد :p

صور لولد اسمه حندوقه مع واحد مشبه عليه بس ما اعرفه

http://www.uparab.com/files/uBldaPpBFhw6x2ag.jpg

كنت بانزلها لكم ملفات صوتيه وصور بس بعدين قلت لا كذا احسن >>>>>>>>>> نصاب ما يعرف

عاد عندي لكم ملف مرفق ورجاء ما ابي احد يشوفه من الزوار الملف خاص بالاعضاء وسويت له ارفاق عشان بناتنا فيه وتخبرون ما نبي ننشره كذا عند خلق الله قلنا نوزيه ما له داعي فضايح فيه الهنووووووف وفيو ورائده والماسه وفرصه ما لقوها وباقي البنات بس الظاهر نجمة رايحه تعلم عليهم

خلص الفاصل بس ما راح اواصل كيفي

طبعا لا يفوتني في هذا المقام >>>>>> الجمله هذي خذت مني اكثر من الوقت اللي خذه الموضوع كله وين وصلنا المقام اي اقول المفروض الواحد يصلي ركعتين خلف المقام بعد الطواف
ترى هذا من زود الفضاوه وضيقه الصدر لارتفاع الاسهم

مع السلامه ياحلوين ;)
ملف مرفق
نوع الملف » zip banat.zip‏ (287.9 كيلو بايت, عدد المشاهدات » 53)

اخر تعديل كان بواسطة » تيماوي في يوم » 13/03/2006 عند الساعة » 04:30 PM
اضافة رد مع اقتباس
  #2  
قديم 12/03/2006, 07:21 PM
زعيــم مميــز
تاريخ التسجيل: 14/04/2005
مشاركات: 4,864
العنا حبيبي مشكوووور على المقاطع ومشكووور على الصور <<< مع انه ما يدري من اللي بالصور
ومسألة ما أحد يسأل عنك هذي قوية
تراي دايم أسأل عنك وفي كل منتدى اكتب يامن شاف العنا بس ما أحد ذكرك لي<<< يسأل على محفظته الظاهر
الله يعطيك العافية حبيبي وأسعدني أني أول واحد يرد على موضوعك
أخوك/ فارس11
اضافة رد مع اقتباس
  #3  
قديم 12/03/2006, 07:55 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772


هلا واالله بالعنا الغلطه الوحيده لكبير الاعضاء ,,



يا اخي والله احبك بس لا تخاف مهو علشانك بس لعيون اليوزر وعيون ابو نوره ,,






إقتباس
مع اني زعلان محد سال عني وقال وينك وين الغيبات بس رفعت معنويات نفسي بنفسي وسالت عن حالي هماهم يقولون بوقتنا ما حدا لحدا وجيت انزل موضوع


يا اخي من يقول ما سالنا عنك .. دايم ابو ريمان جايب فضايحك لمنا وكل شي زين ولله الحمد:p .. وان كانك زعلان ابهديك اغنية ابو نوره "مرت سنه ومالك على البال طاري" ,,





إقتباس
ماكو موضوع ولاشي كله خربطه وسوالف واللي ما يبي يمشي



هذا المطلوب يا بعدهم .. بس اختبار بكره في ذمتك ,,







إقتباس
والمشرفين اذا يسمحون لا يتدخلون حتى لو بعض الناس طلبوا


ابشر هذي من عندي:p ,,








إقتباس
قبل فتره في واحد اعرفه وتعرفونه كان عنده دوره مدتها اسبوعين بالفيصلية فما شفته خلال الفتره هذي كلها باليوم الاخير من دورته كان بيطلع بدري فعزمني على قهوه بالفيصليه
وبما انهم يمدحون الصراحه فالصراحه ما عزمني انا قلت له بجي تخبرون فرصه يوم الاربعاء وفيصليه ومحد يقدر يقول شي عندنا دوره طبعا هو عنده دوره وانا خوي واحد عنده دوره




والله ما هقيتها يابو صنقوله .. اثاريك احد شباب الرياض الملحطين .. ياخي علمني اي وقت تبي تدخل ومدير المجمع بكبره يدخلك واللي داخل المول ومادخل مزاجك تطلعه برا;) ,,






إقتباس
الظالم الله حسيبه ما خلانا نروح للسوق لا تحطون بذمتكم شي بكيفكم ترى قصدي اشتري اغراض مو اللي في بال هلالي الظهران



حسبي الله عليكم .. والله تشوهت سمعتي:p .. الله يجازي اللي كان السبب وربنا على الزالم والمفتري ..

يا ناس دا زووولم وافترى وربنا مايحبش الزولم ,,







إقتباس
الرجال صك علينا باللوبي حق الفندق لو دريت ما رحت المهم وتجيك هاك البنت اللي تطرح الطير من السماء عطرها شميته قبل صلاه العشاء وجت هي بعد الصلاه وتقعد الشيخه بنت ابوها بجلسه جنبنا يعني ما لقت غير الجلسه ذي بيني وبينكم مافيه غير جلستين اصلا بس لزوم التفشخر عندكم حسبي الله على اللي في بالي الشباب يدورون واسطات يبون يدخلون وحنا دخلنا وقعدنا بلوبي مافيه الا جلستين العزاء اوسع صدر من جلستنا
عشر دقايق بس وبينما كنت فيها اتميلح ويمكن ما كملت بعد الا خوينا جايب العيد وانواع الطقاق مع البنت وخرب علينا وانسدت نفسي وقلت يالله بس مشينا وانتم بعد لحد يحط بذمته شي ترى بكيفكم ما سامحتكم


احييك على هالتصرف ابو ريمان .. هالاشكال ماينفع معها الا التحجير . (ابد مااقصد العنا:p ).. بس بنت ابوها لو انتظرتوا شوي كانت جابت رقم ابو ريمان .. وه من هالصنف بس ,,






إقتباس
هذا رابط لمنظر طبيعي روعه لا يفوتكم



الله يقرف ابو ابليسك .. بس حراااااااااااام والله هالصوت يركب على هالصوره .. ياخي هالمقطع يبيله تشفير فيه الفاظ مش كويسه ابدا ,,







إقتباس
بالنسبه لي باسوي مثله بس بعد ما اخلص صلاه مو اقطع الصلاه الله يهديه عجل شوي هو


امحق صلاه والله:p .. لكن التمثييل واضح جدا جدا,,







إقتباس
مشروع تخريب طفله انتم ركزو بآخر حركه مجنوووووووووونه



ياعمري عليها .. شكلها بتصكر على نجوى فؤادي ودينا .. لكن من هالدلخ اللي داخل بالصوره غلط كسر سوق نانسي ,,






إقتباس
صور لولد اسمه حندوقه مع واحد مشبه عليه بس ما اعرفه



يا حليلهم اثنينهم ..البراءه تقوطر منهم ,,







إقتباس
عاد عندي لكم ملف مرفق ورجاء ما ابي احد يشوفه من الزوار الملف خاص بالاعضاء وسويت له ارفاق عشان بناتنا فيه وتخبرون ما نبي ننشره كذا عند خلق الله قلنا نوزيه ما له داعي فضايح فيه الهنووووووف وفيو ورائده والماسه وفرصه ما لقوها وباقي البنات بس الظاهر نجمة رايحه تعلم عليهم



احلىىىىىىىىىىىىىىى حركتات والله ,,


=============================

الحييين ركزوا معي بالمقطع شباب..




هذووول الثنتين اللي بالنص فرصه ضايعه والهنوووف..اللي قاعدين وحده تطبل والثانيه تروس وعاجبهم الوضع ..يناظرون الكاميرا ويقولون ..

هاه حنا ولا موووضي وزبيده




واللي جنبهم على اليسار(يمين الصوره) هذول محبوبة والتميميه مدرسات التربيه الرياضيه .. مستانسين وطقتهم الحماسه وقوة تصفيق ومحبوبه تقول للتميميه..

وش رايك اعرف الون سح ولا مو سح .. التميميه تقولها بخخخخخخخخخخخخ احلى عليكي ..





اما اللي في الكورنر علي اليسار محجرين لها .. هذي سالفتها سالفا ..




هذي اسمهاا لولوه فراشة المدرسه .. كان يحبها دبل كيك أيام الشباب الله المستعان ..

من كثر الكرف وهبال البنات هلوست ومخها قام يفوّت وصارت تمشي في الاسياب..

رحمتها فرصه والهنوووف وقاالوا تعالي استانسي معنا..

ولو تمعنتوا في المقطع بتلقوون أن التميميه وتغريد محجرين لها في الزوايه حتى ماتهرب عليهم لان فيه واحد اسمه صدى الامس يوم عيوا البنات يتزوجونه صار يخطف العجز ..



اما اللي على اليسار من الداخل .. هذي تغريد وسبق الاشاره اليها وهي وكيلة المدرسه والمايسترو حق الفرقه ..





اما اللي بالطرف على اليسار .. هذي حبيبة الشعب الفيروسة الزرقاء

وإذا أمعنتوا النظر في شرابها السماوي آخر موديل راح تلاحظون أن ابهام رجلها طالع تدرون ليش؟

من كثر ماتطارد اخوها يزن بالحوش زلقت مره وصقعت بالجدار وطلع الاصبع سبور كشف ..




طالعوا وش زينهم يهبّلون كل الحلا فيهم ..


دقّقوا في حركات الفيروسه والاوراق اللي بيدها اللي كنها اوراق حضور وغياب .. أتحدااكم تقنعوني أنها مو براءة أطفال

على فكرة البلوفر اللي لابسته ترى جنااان من وين شاريته






شاهدوا المقطع لا يفوتكم ..احس ان ردي اكبر من الموضوع بس تحملوني ..


عوااافي العنا ولا عاد تقطعنا ,,

اخر تعديل كان بواسطة » هلالي الظهران في يوم » 13/03/2006 عند الساعة » 12:34 AM
اضافة رد مع اقتباس
  #4  
قديم 13/03/2006, 01:09 AM
زعيــم مميــز
تاريخ التسجيل: 30/09/2005
مشاركات: 2,202
مشكووووووووور اخوي وانا سئلت عنك كثيييير <<<<<<<<>>>>>>>هب يالكذ1ب
ويعطيك العافيه
اضافة رد مع اقتباس
  #5  
قديم 13/03/2006, 03:06 AM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
الزايد اخو الناقص.....

<<<<<<<لاتسألوني وش هو .. ووش المناسبه ,,, هذا مثل قاله الدكتور اليوم ..وبس

المهم ...تصدق انا كنت ابسال عليك .. بس سبحان الله كان الموقع مقفل هذيك اللحظه <<< ليييييييييييه الكذب؟

ثانيا ,, الكوفي اللي لقيت به البنت كم يبعد عن شبك الغنم .... اقصد كم يبعد عن بودي شوب؟

ملاحظة/: اي واحد يبي يعود .. لازم قبل لا يروح يكتب لنا ,,,,,

سنعود بعد قليل
سلام ,,
اضافة رد مع اقتباس
  #6  
قديم 13/03/2006, 07:09 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663


<<<<< شويه عليها منصدمه


وشلون تفضحنا حرام عليك ....

ضيعت مستقبلنا ياظالم
من راح يتزوجنا
<<< هذا همها

برجع بعد ماأقوم من الصدمه
اضافة رد مع اقتباس
  #7  
قديم 13/03/2006, 07:16 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
وش هالموضوع كله حش فينا حنا يالبنات

بعدين من زين هالفيصليه كلها سيب ومحلات عن اليمين وعن اليسار ونخلتين بلاستيك ونافوره يوم تشتغل وعشره لاهههههههههههههههههههههههههههههههههههههه

ماشاء الله علي أخفف عنكم مارحت أمدحها عشان اقهركم هههههههههههههههههههههههه

الله يعطيك العافيه يارب
اضافة رد مع اقتباس
  #8  
قديم 13/03/2006, 08:07 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
إقتباس
سلااااااااااااااااااااااااااااااااااام للحلوين

وعليكم السلام ورحمة الله وبركاته


من طول الغيبات جاب الغنايم
وانت باديها بعتب
يالله لك وحشه من زمان ما اسمتعنا بموضوع تافه
أمزح مواضيعك قيمه وحلوه
نبي قصص من اللي يحبها قلبك لأنك تجيد كتابة القصه
ترى بيني وبينك لو سمعني أبو ريمان بيصفقني

بالحب والإشراق
اضافة رد مع اقتباس
  #9  
قديم 13/03/2006, 02:15 PM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
هههههههههههههههههههههههاااهههههههيخ <<<<<< وش رايكم بالضحكة



المهعم أخبارك يالعنا

تراك جبت اللي بقلبي والله

ومقطع الطقاقات يروووووع

كنت أظن وكنت أظن وصار ... كنت أظن أن العضوات المحترمتات حلوات

بس طلعو للأسف وووووووووووووووووووووووع



الله يأطيك الآفية ألى الموضوء <<<<<<<< تأثر بحمبوبة والتميمية .
اضافة رد مع اقتباس
  #10  
قديم 13/03/2006, 03:03 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
قسماً بالله إنك تعبان !!

ولد الظهران ما سمعت المواشي كلها مشتاقة لك ؟! أبي تعليق عليها لا هنت يهمني و ركز على المطرب المشهور و إن حاول إخفاء الحقيقة ..

عموماً لكل جواد كبوة فإن كنت تراني جواداً فما العنا إلا كبوة !!

لدي تحفظ على تأكيدك بأن من كان مع العنا أنا !! لكن أؤكد لك بأن البنت من نوع " تجيب رقم زوجة سواقكم بالهند مع إن رقمه سوا بدون اسم "

ردك أحسن من موضوع بعض الناس .

" شكراً للمشرف حبي تيماوي ..
و أعتقد أن ما فعله من حق أي عضو و ليس للمعرفة علاقة هنا فليس من حقك يا صاحب المشاركة أن تنشر ما يخص غيرك إلا بعد موافقته !
حتى البنات من حقهم الاعتراض لإلغاء الملف المرفق إن رغبوا "

اخر تعديل كان بواسطة » abu_riman في يوم » 13/03/2006 عند الساعة » 04:36 PM
اضافة رد مع اقتباس
  #11  
قديم 13/03/2006, 05:51 PM
موقوف
تاريخ التسجيل: 26/06/2005
مشاركات: 564
تحركت الواسطات وعدلو بالموضوع شالو صور من موضوعي مع انها صور نظيفه والله ماهي اباحيه ولا فيها خلاعه
حسبي الله عالظالم
بابا حبي ترى لا يهمك قالك احذف الصور عشانها مهب حلوه لو كانت صوره حلوه كان خلاها صدقني اعرفه زين

ادري تحتروني ارد فحبيت اطمنكم ان النيه موجوده اما الرد نفسه بعلم الغيب
بعدين ياولد الظهران ترى سمعت الاغنيه وما فهمت لا مانتظرتك بس طال انتظاري شلون هبلت بي اغنيتك حسبي الله عليك

شراب فيو هذا طلبيه بعدين المخرج تعب عشان يكون واضح بالفيديو كليب

المهم لا تزعجوني بارجع لكم

ترى بو ريمان مرسل لي ايميل معه ملف يقول ان اللي في الملف مستقبلي ارفقت لكم الملف شوفوه عشان تشوفون الظلم اللي اتعرض له مع الانسان هذا
مدري ليه بو ريمان يعتبرني فضيحه ظالمني صح

تكفون لحد يزعل علينا ترى نمون من موانه بو ريمان

برايفت
بو ريمان شرايك فيني قوي ;)
لا تحاول تكلمني على الجوال مافييييييييييييييييييييييه
عندك خاص او ايميل او رسايل جوال غيره اطلب الله :p
ملف مرفق
نوع الملف » zip erhabyat.zip‏ (702.2 كيلو بايت, عدد المشاهدات » 21)
اضافة رد مع اقتباس
  #12  
قديم 13/03/2006, 06:55 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772

عودة سريعه..




ابو ريمان,,





إقتباس
ولد الظهران ما سمعت المواشي كلها مشتاقة لك ؟! أبي تعليق عليها لا هنت يهمني و ركز على المطرب المشهور و إن حاول إخفاء الحقيقة ..


والله يابو ريمان ابيك تفزع معي .. كل الروابط اشتغلت معي الا هالرابط ماتشوفني ماعلقت عليه ,,







إقتباس
عموماً لكل جواد كبوة فإن كنت تراني جواداً فما العنا إلا كبوة !!


والله اني قايلها في اول سطر ,,




إقتباس
لدي تحفظ على تأكيدك بأن من كان مع العنا أنا !! لكن أؤكد لك بأن البنت من نوع " تجيب رقم زوجة سواقكم بالهند مع إن رقمه سوا بدون اسم "



والله اذا مو انت العذر والسموحه بس الشرهه على العنا ..شف وش كاتب..


إقتباس
قبل فتره في واحد اعرفه وتعرفونه كان عنده دوره مدتها اسبوعين بالفيصلية


ومافيه الا انت يعرفه العنا وحنا نعرفه الا اذا فيه ضحيه جديده علمونا ,,




إقتباس
ردك أحسن من موضوع بعض الناس .


والله تحطييييييييييم ,,







العنا



إقتباس
بعدين ياولد الظهران ترى سمعت الاغنيه وما فهمت لا مانتظرتك بس طال انتظاري شلون هبلت بي اغنيتك حسبي الله عليك

شراب فيو هذا طلبيه بعدين المخرج تعب عشان يكون واضح بالفيديو كليب



صدق منت بوجه اهداءات .. .. بعدين وراك من صباح العالمين وانت تتحسبن على خلق الله ,,

اما شراب فيو هذا بيبقى وصمة عار يندى لها جبين التاريخ ,,



إقتباس
ترى بو ريمان مرسل لي ايميل معه ملف يقول ان اللي في الملف مستقبلي ارفقت لكم الملف شوفوه عشان تشوفون الظلم اللي اتعرض له مع الانسان هذا
مدري ليه بو ريمان يعتبرني فضيحه ظالمني صح



نبي زود توضيح:p .. الملف شايفه من يوم اخترعوا البلوتوث بس وش علاقة العنا فيه ,,
اضافة رد مع اقتباس
  #13  
قديم 13/03/2006, 08:38 PM
زعيــم متواصــل
تاريخ التسجيل: 05/11/2005
مشاركات: 116
حكاية زريفة كتير .. كتير ..

يسلمو خيو ..


ولد الظهارين ..


فيه سؤال مسغربني .. ( لسان )


ليه هو وش حاط قبل التعديل ..؟؟؟؟؟؟؟؟؟؟؟؟؟

وش صوره ..؟؟؟؟


ليه هو سر ما يصلح يشوفه الا انت وياه بس ..؟؟؟؟

انهج ابي اعرف جهازي تف تف تف ما شاء الله صاير سريع هالايام ..

و بس امشي و انزل مقاطع و حركات .. و لما دريت ان فيه شي فايتني حسيت باكتئاب داخلي ..
اضافة رد مع اقتباس
  #14  
قديم 13/03/2006, 10:09 PM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
وعليكم السلام ورحمة الله وبركاته


إقتباس
يعني ما سلمت على احد خبري فيكم ما فيكم الحلو :p

كل هالزين ومطلعني من زيني وتقول مافيه أحد


إقتباس
مع اني زعلان محد سال عني وقال وينك وين الغيبات

بالعكس ;) ....
حاسين بغيابك خصوصاً ماعاد فيه فضايح


إقتباس
ماكو موضوع ولاشي كله خربطه وسوالف واللي ما يبي يمشي

هذا اللي نبغاه ... هات ماعندك

إقتباس
لا تحطون بذمتكم شي بكيفكم ترى قصدي اشتري اغراض مو اللي في بال هلالي الظهران

إيه مرة صدقناك ...
اشوى أن هلالي الظهران من تلاميذك

والدليل
77
77
77
77
777777
77777
7777
777
77
7

إقتباس
عشر دقايق بس وبينما كنت فيها اتميلح ويمكن ما كملت بعد الا خوينا جايب العيد وانواع الطقاق مع البنت


طيب ما قلت لنا وش سبب الطقاق


إقتباس
هذا رابط لمنظر طبيعي روعه لا يفوتكم

الله يحوم كبدك ....
والله أني أحسبه صدق ... احمله وأنا أفكر وش ممكن يصير
راح تفكيري لشلالات نياقرا

وانصدمت يوم شفته


إقتباس
بالنسبه لي باسوي مثله بس بعد ما اخلص صلاه مو اقطع الصلاه الله يهديه عجل شوي هو :p

حتى الصلاة ماسلمت من بلوتوثاتهم


إقتباس
مشروع تخريب طفله انتم ركزو بآخر حركه مجنوووووووووونه

ياسلاااااااااام .....
الله يعين إذا كبرت مدري وش بتسوي


إقتباس
الاغنيه من تحريفاتي والحاني بس مو من غنائي

أحس أنه متورط صدق
يجيب النوم



إقتباس
واذا رجعت نهايه الاسبوع فيها حلال يموت ناس ويحيا ناس

احلى ياقوي ...


إقتباس
ورجاء ما ابي احد يشوفه من الزوار الملف خاص بالاعضاء وسويت له ارفاق عشان بناتنا فيه وتخبرون ما نبي ننشره كذا عند خلق الله قلنا نوزيه ما له داعي فضايح

لا فيك الخير والله
لو أنك حاطه للزوار بس اصرف تدري بعد الأعضاء ما شاء الله وصلوا حدود 132 ألف مشترك


معليش برد على راعي التوقيف


إقتباس
هذووول الثنتين اللي بالنص فرصه ضايعه والهنوووف..اللي قاعدين وحده تطبل والثانيه تروس وعاجبهم الوضع ..

أثرك أنت اللي مصورنا
لا تقول لا ... بلاك فضحت عمرك ... أجل وشلون تعرفنا


إقتباس
من كثر الكرف وهبال البنات هلوست ومخها قام يفوّت وصارت تمشي في الاسياب..

رحمتها فرصه والهنوووف وقاالوا تعالي استانسي معنا..

لا غلط عليك ;) ...
أصلا حنا مسوين أحتفال لها بمناسبة رجوع العلاقه القديمه بينها وبين دبل كيك
وقلنا مثل هالمناسبه ماراح تعدي كذا ...
لازم نسوي حفله لرجوع الحب القديم
يمديكم علينا


إقتباس
طالعوا وش زينهم يهبّلون كل الحلا فيهم ..

ما نحتاج شهادة منك


إقتباس
شاهدوا المقطع لا يفوتكم ..

وتوصي بعد ...

بدون ماتقول مدام فيها صورنا بيدخلون على طول ...
ياحبكم للفضايح ....








<<< اتقنت الدور صح




يعطيك العافيه يالعنا على هيك حكي ولا تبطي علينا
اضافة رد مع اقتباس
  #15  
قديم 14/03/2006, 12:07 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453


وعـلـيـكـم الســلااااام ورحـمـة الـلـه وبـركـاااااتــه ....

مـااا أدري ليـه أحـس ان السـلاااام ذااا خـااااص فيـنـي لـحـاااالـي دووون غـيـري ... ((آآآآبـووو الثقــة يالربــع))

يـااااللـه انـك تحـيـيــه ... أبـركهـااا سـااااعـة يـااا (الـربـش) ... صـرت أشـك انـك قبـل مـاااا تـنـزل مـوضـوووع تشـبـك الأحـمـر بالأســوود (والـلـه لـو انـك سـلف ددســن) ...

فـااااقـديـنـك يالـغـاااالـي ... بـس انـااا مـااا نـشـدنـااا عـنـك ... اعتـقـد انهـااا حـركـة مسـويـهـاااا لـك أبـوريـمـاااان يبيـك تعـقـل ... وتـركـد ...

إقتباس
والمشرفين اذا يسمحون لا يتدخلون حتى لو بعض الناس طلبوا

صـدقـنـي لـو درااا عـنـك صـااالـح كـااامـل كـااان شـكـلـك بـطـاااايـق اشتـراااك خـاااصـة ... وشـفـرك عـلـى القـمـر الأوورووبـي ... بـس خـوووفـي تـطـلـع فـي (ارتيـريـااا) ... عاااد انـت تسـويـهـااا ..!!

مـقـدي(ن) فيــك أبـوريـمـاااان ... ومـن جـااا بـدووون عـزيـمـة ... تعـشـى وانبـسـط ... وكـحـل .. بـس رجـع بـدوون تـرقيــم ... كفـو واللـه أبـوريـمـااان ... لـو بيـدي اقـتـرح عـلـى أبـوريـمـاااان إنشـااااء مـركـز لمـحـاااربـة الـتـرقيـم والتـمـشـي بالأسـواااق للشبـاااب ... بـسـبب أو بـدوون سـبـب ... ونـحـط صـوورتـك انت وهـلاااالـي الـظهـرااان ... كـل واااحـد ثـلااااث صـور بسـكـسـووسـة وبـدقـن وبـدووون دقـن ... ونـوزعـهـااا بالأسـواااق ... وبالجـرااايــد .. وأتكـي بالقـهـااااوي لااا شـغـل ولااا مشـغـلـة مااا غيـر تـوزيـع الصـوور بالبـلـووتـوووث وارسـم عليـهـااا دااايـرة حـمـرااا وخـط مـاااايــل ....



إقتباس
هذا رابط لمنظر طبيعي روعه لا يفوتكم

يحـلفـووون بـاللـه مـااا بقـااا إلااا نـص سـااانـتـي ويـووصـل للـمـخـيــخ ....

إقتباس
بالنسبه لي باسوي مثله بس بعد ما اخلص صلاه مو اقطع الصلاه الله يهديه عجل شوي هو

مـثـل مـاااقـااال هـلاااالـي الـظـهـرااان ... تمـثـيـل .. وأزيــد عليـه ... مصـاااالـة .. مـااا لـقـواا إلاا الصـلااااة ؟؟!!


أمـاااا الأسـهـم ... فـمـثـل مـاااقـااال الشـااااعـر ..
مـااااطـاااح قـرش(ن) فـي يـديـنـااا قـرشنـاااه *** دااايـم طـفـااارى اللـه يـجـيـرك ويـاااامـنـك
البـنـك لـولااا لـوحتـه مـااا عـرفـنـاااه *** مـن قـل مااا نـدخـل علـى مـوظـف البـنـك
مـااا غيـر نقـرااا لـوحـتـه ونتـعـداااه *** وإن قـيـل هـذاا البـنـك قـلـنـااا اتـركـه عـنـك ....

إقتباس
مع السلامه ياحلوين

أنـااا الـحـيـن تـأكـدت انـك قـاااصـدنـي ... وخـاااصـنـي بـذاا السـلاااام ...


الـعـنـاااا ... اللـه يـعـطـيـك ألـف عـاااافيـة ... مـع وجـوود بـعـض الـتـحفـظـاااات ...

الااا وش سـاااالفـة تـعـديـل ابـوتيـمـاااوي أسـفـل المـوضـوووع ؟؟

شـكـلـك جـااايبـهـااا طـااامـة ... وجـااايـب العـيــد ...

لـك مـنـي كـل مـحـبـة وتـقـديـر يـا(لفـااااصــل) ...

أخــوووك // دبــل كيــك ...
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:27 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube