__________________بسم الله الرحمن الرحيم__________________
_______________السلام عليكم ورحمة الله وبركاته_______________

الله يرجك...هي قائمة سيبدئها معكم عبود اسبوعيا
و تتناول احد الشخصيات الشهيرة...اما بالاطراء والمدح او الذم والقدح (اخس يالسجع )

واليوم سوف اتناول كريستوفر كولومبوس؟؟؟

يا ولد خلنا نتكلم عامي احسن
هالحين من اللي ما يعرف كريستوفر كولومبس...
اذا كنت تحب امريكا ...ترى كريس هو اللي اكتشفها(كريس اسم الدلع حقه )
اذا كنت تكره امريكا و ما تطيقها ...ادع على كريس ان الله ما يوفقه
اذا كنت مدمن معسل و مارلبورو وروثمان وطقتها..نرى كريس هو اللي جابها
اذا كنت مبتلى بشلة تدخن 24 ساعة وحاس ان بيجيك سرطان والعياذ بالله
ترى كريس هو السبب

لمل وصل كريس اول مرة لامريكا..كان يعتقد انها الهند(بلاه دلخ )
و طبعا بعد فترة وهو يطالع على شاشة الكمبيوتر الملاحي حقه
طق على جبهته بقوة وقال:افاااااااا
غلطنا يا شباب هذي ماهيب الهند....و الله يالنكبة وش نقول لربعنا في اوروبا
انا لله...وش نسوي
قام واحد ملقوف من شلته...(بحار اعور )وقال:بسيطة طال عمرك
احنا نجيب لهم من ذا الهدايا و الذهب والبلاوي اللي حصلناهن في ذا الديرة
و هم يسكتون على ضمانتي-وطق على رقبته وهو يقولها-.......(ايا اليهودي )

و فعلا كريس جاب له كم من صندوق ذهب و كم من بليه معاه من هناك
و عطاهن للملكة اللي مولت رحلته...ورضت

ومن بين الهدايا اللي جابها
بلية يقال لها التبغ....................

من بعدها عرفنا الكارلتون و المارلبورو و المعسل ابو روان و غيرها(الله يتوب علينا منها)
_______________
الله يرجك يا كريس
جبت سرطان الرئة واللثة وامراض القلب من جلطات و انسدادات وضغط الدم
و التهاب الحنجرة وامراض القرحة و البلغم والعقم وغيرها كثير

الله يرجكم يالهنود الحمر
وش خلاكم تخاوون هالخبل كريس....هالاشكال ما تنعطى وجه

الله يرجك يالملكة حقت اسبانيا
وش خلاك تخسرين فلوسك في واحد خبل ما يسوى

الله يرجكم يالقراصنة
الحين جا من عندكم ما ادري كم سفبنة مليانه ذهب و قروش
ورى ما سرقتوها وذبحتوا هاليهود اللي فيها

______________________
سؤال:
وش رايك بكولومبوس كمكتشف لامريكا و للتبغ؟؟
الم يكتشف كريس بلوتين من اعظم بلاوي الدنيا؟؟
ما هو مصير التبغ في بلاد العرب بعد كشف هذه الحقائق؟؟
ما هو مصير العولمة في ظل هذه المستجدات على الساحة التاريخية الدولية؟؟
اليس من حقنا رفع قضية في محكمة العدل الدولية..نطلب فيها اعدام كريس وكل احفاده؟؟
اليس من حقنا ان نطالب بتعويضات مادية مما اصابنا من التبغ و مشتقاته؟؟
ما هو مصير الذهب والهدايا التي سلبت من امريكا..اليس لنا حق فيها؟؟
ما هو الحل الامثل في رايك لكي يعود القراصنة الى عهدنا السابق بهم
هل نغير التشكيلة ام المدرب ام الاثنين؟؟؟

كل هذا ترونه في حلقة البارح من برنامجكم الجماهيري....الله يرجك يا فلان



ودمتــــــــــــــــــــــــــــــــــــــــــــــــــــــــــــــــــــــــم,,