مساكم الله بالخير ................ الجميع

هذي اول مشارك لي وتقبلوا مشاركتي بصدر رحب .............


الموضوع هو... مستوى الشلهوب متغير الصراحه انا اشوفه يلعب من غير نفس

لا يكون البلوي مغريه بالملايين وحنا ماندري ..... مع الهلال اشوفه من غير نفس ... مع المنتخب تمريراته

مقطوعه على طول ....


وش السالفه ........... ولا عنده ظرووووف .

اتمنى المشاركه من الجميع وايفادتي باللي حاصل ............


تحياتي .... فيصل الفيصل

تدري ليه اخوي فيصل

لانه ضامن الخانه ولو يجلس احتياط ويلعب المقاتل نواف كان شفت الشلهوب شلون يراجع نفسه


مثل عمر الغامدي تذكر قبل مايجي عبداللطيف كان متعالي ومغرور ويلعب مباراه جيده ويغيب 5 مباريات لكن بعد قدوم عبداللطيف وارتفاع مستوى عزيز حس انه ممكن انه يتحيط وبدا يلعب بقتاليه

والله حرام يلعب الشلهوب على حساب نواف المفروض كماتشو يسار ونواف يمين وتحيط الشلهوب كم مباراة عشان يعود إلى مستواه ليس من باب الحقد على محمد لكن من حبنا له مع المنتخب له فترة بعيد عن مستواه وفي الهلال كذلك نتمنى يعود لمستواه ودكة الإحتياط ليست عيب فيوسف الثنيان ياما تحيط وكذلك سامي الجابر ونواف في هذه الفترة

لا وش دعوه الشلهوب كبير ... بس هو عنده هالأيام حاله أمه تعبـانه ...

الشلهوب للأسف من جرف لدحديره
اتمنى والله يندك في الاحتياط في الهلال عشان يعرف ان الله حق
واتمنى بعد يستبعد من المنتخب

لاتقسون على الاعب ... يمكن عنده ظروف .. محد يدري عنه...

نتمنى أن تكون ظروف وتزول عما قريب ولا يكون غرور وفلوس قاعده تغريه ترا البلوي والله ذبحنا ياعالم

بداية من صفقة ياسر والله مايبغى ياسر القحطاني بعد رفض ياسر للإتحاد بس رفع المبلغ عشان يتمردون لعيبة الهلال على ناديهم عند نهاية عقودهم ويطالبون 22مليون مثل ياسر وهدفه التخريب لا أقل ولا أكثر بمساعدة مدير أعماله ( زليخة ) ولد الطقاقة

لا ياخي تمريرات الشلهوب دايم مقطوعه مع المنتخب لأن الجسم علامه فارقه عند هاللاعب اتمنى انه يلعب حديد ويقوي جسمه لأن الاحتكاك في كاس العالم صعب وكل كوره محسوبه له او عليه والله الموفق مع اني اموووووت بالنوهوب

لكنها مجرد نصائح خوفا عليه وحرصا من الجماهير

وانتم كل ماهبط مستوى واحد من اللعيبه قلتوا البلوي صرتوا مثل النصر الله واكبر عليكم كبروا عقولكم وكلنا نمر بظروف..

الرجال امه كانت بتسوي عملية بعد المباراة

ومع ذلك اثر ان يلعب لمصلحة فريقه
والادهى والامر ان اللاعب من اكثر اللاعبين الذين استهلكهم الهلال والمنتخب على طول اساسي

واحد يقول دكوه احتياطي والثاني يقول ابعدوه عن المنتخب

لا لا ونعم الجمهور انتوا بارك الله فيكم

اقول يا زينكم ساكتييين
مالكم شغل فيه
يلعب مثل ما يبغى واكيد عندظروف


مندسين التموا على بعض

أين وفـــاءكم يا جماهير الزعيم ,, على طول ابعدوه من المنتخب حطوه على دكة الاحتياط ..


آآآآآآآآآآآآآآآآآللهم عليييك بالمندسين في منتديات الزعييييييييييم ,, اللهم آآمين .

لا تعليق

نتمنى رجوع الموهوب الشلهوب لمستواه ....