اذا استمرا الوضع ... سلموني على الزعيم
 

صراحه و بكل أمانه اقولكم ان الهلال راح يكون ضحيه من ضحايا المدربين الهلال منذ أتى كاندينيو وهو من سيء الى اسوء

يعني موب عشان خسرنا من العين قلت هالكلام لكن طريقة اللعب الي يلعب بها كاندينيو و الله ماتدري وش يبي هالمدرب

يعني لو نشوف مباراة العين لو تلاحظون تغيراته و الله شي غريب ....

خلونا نشوف (( خالد عزيز )) أفضل لاعب محور في المملكة و من فوائده في المحور ايضا انه دفاع لحاله ما شاء الله قدام
المدافعين الاساسيين يعني مغطي دوره وزيــاده نشوفه ظهيــر أيمــن ليش ؟؟؟؟؟؟؟؟؟؟؟؟؟ هل برايكم ان عزيز افضل و هو

ظهير ايمن على هالحال كاندينيو راح يدمر هاللاعب ..........

(( ياسر الياس )) ماهي الاسباب التي جعلته في هذه الحاله ؟؟؟؟؟؟ اكـــــيد كــــاندينيو ... مبدي تركي الصويلح عليه

(( سامي الجابر )) مع احترامي له لكن ما يقدر يلعب شوط كامل ابو عبدالله ما نختلف من افضل اللعبين في الهلال لكن

كبره في السن ما يخليه يلعب مباراه كامله و انا اعتقد انه لو يحتفظ به كورقه رابحه

وياليت لو يكون سامي صـــــانع ألعـــاب خلف المهاجمين افــضل من كونه راس حربه حاليا هذه وجهة نظري ...

(( محمد الدعيـــع )) افضل حارس مر على الكره السعوديه و افضل حارس حاليا بصراحه اثبت ذلك من خلال مباراة البارحه

ومن خلال مباراة المنتخب السعودي امام البرتغال الله يعطيك الف عافيه يا محمد يا دعيع ......

...............................................................................................


خلوني اتكلم عن مباراة الأمـــــــس ... شاهدت التشكيله اعجبتني الأسماء و حسيت ان الفوز راح يكون هلالي 99.9 %

الا ان شفت الهلال ضـــايع بالمللعب الحقيقه ... ما ودي اقول اكثر من كـــذا ..

لكن لماذا لم يشرك كانينيو (( عبد العزيز الخثران )) من افضل اللاعبين بالنسبه لي و اعتقد للجميع منكم

يعني (( كامل الموسى )) لاعب جيد لكن ما عمره لعب مباراه دوليه و اعلاميه زي هذي يعني من العقلانيه انه لايشرك

في هذا اللقاء وتكون الأولويه لــ الخثران ...

المحترف (( جيوفاني )) وش الفايده منه دامه على دكة البدلاء !!! ندفع وبالاخير على دكة الاحتياط !!!

اشياء كثيره تحيرني منذ حضور كاندينيو .....

سؤااااااااااااااااال :::: القحطاني وين مكانه من الاعراب ؟؟؟ بصراحه ما اشوفه انا بعتقادي ان المشكله فيه هو

والمشكله بعتقادي هيا انه ما يعرف يتمركز ........




هذا اللي عندي واتمنى من الاداره الهلاليه تشوف حــــل مع كـــاندينيو ....

وبالتوفيق للزعيــــــــــــم الأصــــــلي و الأســــاسي ..

.......................................................................................

اتفق معك في اكثر النقاط ,
للمره المليون نقول سامي خلف المهاجمين افضل ,
اين جيوفاني مع انها كانت مباراته ,
الدعيع الى الامام يا اسد ,

القحطاني وش تبيه يسوي غاب الوسط وصناع اللعب وش تبيه يسوي يقطع الكوره ويروح يسجل لحاله !!

اما التمركز فتمركز ياسر ممتاز ,
ماهجمنا هجمات خطيره عشان نحطها في الهجوم ,

مشكووور اخوي