|
ياسر القحطاني : ماذنبي انكم دفعتم فيني 22 ميلون السلام عليكم ورحمة الله ياسر القحطاني ( القناص ) النجم الذي استطاع ان يصنع نجوميته بنفسه بعيدا عن تطبيل الاعلام نعم برز من خلال فريق ليس له اعلام او انجازات نعم النجم الذي اجبر الرقاب ان تلتف نحوه نجم اقام الدنيا واقعدها ياسر القحطاني موهبة كروية قادمة وهو خليفة الاسطورة سامي الجابر نعم لقد قالها الذئب ياسر هو الذي سوف يرتدي القميص 9 من بعدي لقد قال عنه المدربين انه افضل مهاجم محلي حاليا ياسر نجم بكل ماتعنيه الكلمه ياسر اشترى الهلال وحب الهلال قبل ان يشتريه الهلال نعم ماذنب ياسر في ان الهلال دفع فيه 22 مليون الكل يعرف لماذا دفع في ياسر هذا المبلغ تدخل البلوي ورغبة ادارة القادسية في عدم ذهاب ياسر للهلال هي السبب والا ياسر مستعد يدفع هو من اجل ان يلعب للهلال وقد فعلها ياسر عندما تنازل عن 2 مليون ريال من حصته لاجل الهلال لماذا تضغطون على ياسر نعم البعض يقول ماذا فعل لاعب 22 مليون والبعض يقول الى متى نتحمل ياسر والخ... اصبروا وسوف ترون ياسر نعم هذا الموسم هو عربون محبة بين ياسر والهلال والقادم احلى اتركوا ياسر وشانه اذا كان الهلال اشترى ياسر 22 مليون فياسر في عيوننا يساوي اكثر من 22 مليار مهما دفع الهلال في ياسر فياسر يستاهل اكثر ياسر ضحى بكل شي واعلنها والمفاوضات في قمة توهجها انا هلالي ولا اريد الا الهلال نعم ياسر قالها حبي للهلال لايقدر بالثمن ياسر اهلا بك في قلوب جمهور الزعيم |
الله يسلمك اخوي جعلها100مليون اصلا اذا صار المدرب بايخ خلاص كل الفريق بايخ |
ياسر بطل بما تعنيه الكلمة والله انه عجبني لما قال : هلاليتي اكبر من فلوسك يا بلوي . ههههه |
والله يــاسر مكســب للهلال وإذا بتلومون أحــد لوموا اللي رفع المبلغ يــــــــاسر ماله ذنب واكبر دليل تنازله عن حصــته ولو ياســـر بـ 100 مليون ماهي خســــــارة فيه البطل و يا ياسر لايهمونك . . . ونبيك تعميهم بـفنونـــــــك |
ياسر على روسنا من فوق بس الى متى راح ننتظره؟!! بكل صراحه اللي شاف يوسف الثنيان والنعيمه والمصيبيح و صفوق وفهودي وحسين لا تلومهم اذا قالوا نبغى ابدع اكثر نبغى فن اروع!! |
ياسر مكانه الاحتياااااااط والمفروض الجمعان مكانه تحياتي لكم |
انا كتبت رد على واحد للاسف تهجم على ياسر بدون سبب وهذا الرد : يا جماعة بالله تكلموا بالعقل الحين الي يقول رجعوه وما نبيه طيب ممكن يوضحون لنا السبب هل في سبب معين ولا بس غيره وحسد وحقد ( والعياذ بالله ) اللاعب الا الان ما لعب الا حدود 12 مباراة وهو الهداف بعد كماتشو في الدوري وكذلك له هدف في كاس ولي العهد وهدف في مباراة فلنسيا الودية يعني تقريبا سجل في كل مباراة لعبها ما عدا ثلاث مباريات بس وهذه نسبة ممتازة جدا لان مستحيل تحصل لاعب يسجل كل مباراة وكمان اللاعب ما لعب مباريات كثيرة لارتباطه بالمنتخب فالتهديف ممتاز عنده وفوق كذا اذا ماسجل تسبب ولا صلح اهداف مثل الهدف الي سجله الشلهوب بعد ما سحب مدافعين وعطاه الشلهوب وسجلها من بعيد فالخلاصة اللاعب مقدم مستوى ( في نظري ممتاز ) ومقبول اجمالا وخصوصا اذا حطيت في الاعتبار ان اول موسم له مع الفريق وان اي لاعب يحتاج فترة طويلة حتى يستقر مع فريقه الجديد ويبدع معه اما اذا كانت السالفة غير كذا يعني في ناس للاسف قلوبهم سوداء ولا شافوا خير ويحسدون اي شخص لان ربنا اكرم عليه من رزقه وهذه ارزاق كتبها الله لعباده من قبل خلق الناس وان كان عندكم اعتراض على رزق اللاعب الي جاه فاعترضوا على من وهبه الرزق ( والعياذ بالله ) !!!!!!!!!!!!!! يا ناس افهموا ولا تسيروا زي الخشب ما يسمع ولا يفهم الـ 22مليون اول شيء الي طلبها نادي القادسية مو ياسر والشيء الثاني المبلغ هذا الي اخذه القادسية ومو ياسر ياسر يمكن نصيبه 5 مليون في خمس سنوات والباقي 22مليون للقادسية والشيء الاهم ان اللاعب هذا ضحى بـ 50 مليون ريال وراح للهلال لا لشيء بس لانه يعشق هالفريق وضحى ربما بملغ يكفيه لقرن كامل هو ولاحفاده ولكن رفض كل المغريات واتجه خلف قلبه وحبه الي قاده للازرق وباذن الله راح يبدع في المواسم القادمة واراهنكم على ذلك الى كل من ينتقد بدون سبب وبددون هدف هل كلفت نفسك ودعمت الفريق باي اوجهه الدعم سواء بطاقةالهلال ولا جوال الهلال والحظور للملعب ولا على الاقل تدعم الفريق بالكلام !!!!! بل العكس لم تكلفوا نفسكم 20 ريال قيمة تذكرة للملعب ولو رحتوا مباراة ولا ثنتين في الموسم تمنون على الجميع وما يبقى احد في العالم الا ودري انكم رحتوا للمعلب وباقي تنزل اعلان في الجرائد كل هذا علشان خسرت 20 ريال والفريق ما قدم مستوى ( ولو فاز الفريق ) بس لازم تدورون على مشكلة علشان تحللونها ولو واحد منكم نعرض عليه مليون ريال والله لا يبيع الي فوقه والي تحته ولا همه هلال ولا اي شيء ثاني فبلاش الكلام الي لا يودي ولا يجيب وعطوا اللاعب فرصته الكاملة والتوفيق بيد الله ثم بتشجيعكم له ولزملائه واللاعب اذا حاربتوه ما راح ينجح ابد وانظروا الا رونالدو في الريال وانحدار مستواه بشكل مريب بسبب ضغوط الجماهير عليه واحساسه بانهم لا يريدونه ولا يطلع لي احد يقولولي تقارنه برونالدو ايه اقارنه برونالدو لانه كلهم بشر وكلهم من لحم ودم ولديهم مشاعر واحاسيس واي شخص يشعر بانه غير محبوب او منبوذ في مكان ما فاكيد انه ما راح يقعد فيه اصلا يا جماهيرنا العزيزة حكموا عقولكم وليس عواطفكم |
كلامك سليم ،،، |
ماذبحنا إلا انتم وتطبيلكم لـ ياسر ... يا أخوان واجهووه بالخطأ وتذبذب المستوى .. عشان يعرف قيمة الجمهور والنادي .. سامي ماظهر للنجوميه إلا من بعد ماكنا نوجهه زمان ونعلمه أخطائه .. ياسر بصراحه بارد بارد إلى أبعد درجه ... |
مع احترامي لك فان ياسر يقدم مستويات رااااااااااااااائعه ليس ضروري ان يسجل المهاجم حتى يصبح نجم ففي الوقت الحالي كل الفريق يسجل ابتداء من الحارس حتى راس الحربه واصبح المدربون لا يعتمدون على المهاجمين فقط |
إقتباس:
يسلمووووو |
وش تبون ياسر يسوي يعني ؟؟ سوبرمان هو تبونه كل دقيقه يسجل هدف ؟؟ في مباراة العين الوسط ضائع وهو اهم مركز في الفريق , فإذا ضاع اهم مركز ( الوسط) ضاع الفريق بكامله , ياسر لعب اما اليمن ثم البرتغال ثم العين <<< سافر ثلاث دول في اسبوع واحد هو واكثر اللاعبين الدوليين , ليه ماقلنا يتحمل الاتحاد السعودي هذه الاخطاء ؟؟ وجاء الاتحاد السعودي بيكحاها عماها !! اخذ ثلاث لاعبين ورجع ثلاث لاعبين !! مايدري ان اللي رجعوا بتتدهور نفسياتهم بسبب ابتعادهم عن معسكر المنتخب ومن ثم ابتعادهم عن كأس العالم لاقدر الله وهو حلم كل لاعب ,, حسبي الله على المتسبب وهو يعرف نفسه جيداً , وغير ذلك تكون مباريات غيرنا دخول الجمهور مجاني لأنه يمثل الوطن ,, ونحن نمثل انفسنا او نمثل دوله اخرى لانعلم ماهي ,, الى متى هذا الظلم !! حسبي الله ونعم الوكيل !! |
شكرأ على اهتماك يالغالى |
إقتباس:
ياليتني انتبهت لردك ولارديت الا بإقتباس وبس :yes: هذا هو الكلام :yes: يعطيك العافيه كلام كبير من عضو كبير :yes: شكرا لك s13s |
كلام سليم 100 % ونرجو الصبر على كل النجوم الهلالية حتى لا تفقد بريقها بسبب الانتقادات المتتالية |
بس بكل صراحه مستوى ياسر مع الهلال لك عليه .... ما كنا نتوقع ان هذا مستوى ياسر يوم يبرز و 10 ايام يغيب ... انا ما الومه .. الله يلوم اللي يلومه بس في اغلب المباريات نادر ما تشوفه يمسك الكوره .. صحيح ان جميع المدافعين تلقاهم طابين عنده .... بس ياسر للهلال و الهلال لياسر وبالتوفيق ان شاء الله في المباريات القادمه |
كلامك عين الصواب |
درر يالمتحد وانا اضم صوتي لصوتك واقول ياسر اهلا وسهلا بك في قلب جماهير الزعيم ونحن معالك عالحلوه والمره لكن اذا المدرب تكتيكه خايس الفريق كله راح يكون ضايع وهذا اللي صار في مباراة العين |
يكفي ياسر انه اخرس البلوي ورسم لنا القناص : بان العشق لا يشترى بالمال |
كلام عاقل وفاهم وحكيم يامتحد !!!!!! أطيلوا له التصفيق :clapping: :clapping: :clapping: :clapping: :clapping: :clapping: :clapping: |
ماذبحنا إلا انتم وتطبيلكم لـ ياسر ... يا أخوان واجهووه بالخطأ وتذبذب المستوى .. عشان يعرف قيمة الجمهور والنادي .. وزياده على كذا مايعرف يتمركز في المكان السليم وقت الهجمه واهدافه خلنا نكون صريحين كلها انفرادات وبلنتيات مافيها اي مجهود ........ الا متى نقعد نرفع معنوياته لاعب مايلمس كوره شوط كامل ويجيك يسجل انفراده صار لاعب ممتاز انا اطالب بالجمعان او الصويلح ومكان ياسر الاحتيط الين يلعب بحماس وجهد اكبر وكلنا شفنا حماس سامي والحركه المستمر والضغط على المدافعين وبرود ياسر مع فارق السن بينهم يااااااااااااااااااااااااسر الى الاحتياط واتمنى ان تعطو الجمعان فرصه ليثبت وجوده |
والله كفووووووووووووووو الله يعطيك العافية والله العظيم انك قلت كل اللي ودي اقوله |
تسلم يمينك |
اذا كان الهلال اشترى ياسر 22 مليون فياسر في عيوننا يساوي اكثر من 22 مليار مهما دفع الهلال في ياسر فياسر يستاهل اكثر والله يستاهل أكثر |
والله كلامك صح ويعطيك العافيه ياسر نجم غصب عنهم .......الحاقدين........ |
اللي يقول مايبي ياسر والله إنه مايفهم كورة ياسر لاعب اسطورة و22مليون قليلة في حقة وياسر مكانه في قلب عشاق الزعيم وتذكروا كلامي هذا الوعد بعد المونديال 2006 تشوف العروض اللي تتطلب ياسر فمزيد من التألق يا ياسر يا قناص 20 |
ياسر كبير والكبير كبير |
ياسر رائع ياسر نجم ياسر مبدع من قال غير كذا اللي يقول غير كذا هذا مع احترامي له سخيــــــــــــــــــــــــــــف. وراح يظل ياسر نجم فوق كل النجوم. |
الكبير كبير ياياسر |
ياسر كبيررررررررررررررررررر والله اكبر ويبي يظل كبير رغم الحقد الي قاعاد يشوفه من (جمهوره)(الهلال)!!!!!!!!!!!!!!! |
ايه بالله لو مدفوع خمسه من هالـ 22 للدوخي والباقي يشترون فيها لعيبه صغار كان اصرف !!!! |
انا كنت اقرأ في مجلة عن اثرياء كرة القدم واغلى الصفقات والمدربين ولفت انتباهي على ان اعلى صفقة في تاريخ كرة القدم كانت ولا زالت هي انتقال الفرنسي زين الدين زيدان: من يوفنتوس الايطالي الى ريال مدريد الاسباني موسم 2001-2002 مقابل 1ر75 مليون يورو وهذا المبلغ يعادل قيمة طائرة من طراز بوينج !!!!!!!!!!!!! ولكن هل عمركم سمعتم احد جماهير الريال قال ردوه لفريقه وهاتوا قروشنا ولا واحد قال وش هاللاعب البارد رجعوه ما نبيه ولا واحد قال والله لو جبتوا فيه 6 لاعبين كان اصرف!!!!!!!!!!!! صحيح ان زيدان لاعب اسطوري في كرة القدم ولكن انا اتكلم على مبدأ انك تشتري لاعب بمبلغ كبير وهو هذا ما يسمى بالاحتراف لان لو لم يدفع الريال ذاك المبلغ لكان زيدان في نادي اخر وربما لما تحقق للريال بطولات كان هو بطلها بكل جدارة ومع ذلك تلاحظ زيدان تمر عليه فترات او مباريات لا يقدم مستوى ومع ذلك الجماهير تصبر عليه ويرجع مره ثانية وكذلك لان اللاعب ليس ماكينة فهناك ظروف كثيرة تؤثر في اللاعب ولذلك نشاهد اللاعب مره مستواه عالي ومره متوسط واحيانا بمستوى سيء للغاية انا ما اقول لا احد ينتقد اللاعب لا ابدا مو هذا كلامي انا كلامي ان الانتقاد يكون واضح وصريح وما فيه فائدة بل يوضح المشكلة والحل يعني احد الاخوان قال الاعب بارد !!!!! صراحة انا اخالفك الراي ولكن لنفترض ان اللاعب بارد صحيح فهل هذه نعمة ام نقمة مثلا عندك الدعيع من افضل حراس العالم وبذلك يتميز ببرودة الاعصاب وعدم الانفعال وهذا الشيء يساعده على التركيز بشكل كبير على المباراة وعدم التاثر باشياء خارجها وفي امثله كثيرة ومنها لاعبيين عالميين يمتازوون ( بالبرود) امثال رونالدو وهنري وغيرهم وما كان هذا سبب انتقادهم ابد ولكن انا ارى العكس تماما فياسر يعيبه الحماس الزائد احيانا ودائما ما يتناقش مع الحكام اذا كان قراراته عكسية وتراه يرجع للخلف كثيرا وهذه بعض الاشياء الي اشوفها بياسر يعني انا انتقدت ياسر في مباراة سابقة (اعتقد انها امام القادسية مااذكر ) المهمم ياسر ضيع هجمتين بدون داعي بسبب تاخره في تخليص الكوره في الباب ولكن شفنا ياسر بدأ يتعلم من اخطاءه فامام الاهلي ( مباراة الذهاب ) تعامل مع الهجمات بشكل طيب و امام النصر ( الاياب ) ايضا سجل هدفا جميلا بدون فلسفة زائدة بل وضعها بحرفنة وسهوله وهذا ما كنت اطالبه به على العموم اتمنى ان الموضوع هذا يتقفل ولا ينفتح مره اخرى لاننا خلاص اللاعب واشتريناه ولا فيه مجال الا ان نسلم بالواقع والقرار بيدكم اذا كنتم تريدون نجاحه او فشله فماذا تختارون ؟؟؟ |
اقسم بالله انكم تجيبون الضغط والسكر يناس ياعااااااااااااااااالم من هدافين الدوري حطو نفسكم مكانه ضغط اعلامي هائل عليه خصوصا من الاتهاديين وانتم تكملون عليه ياعالم حطو نفسكم مكانه اكيد كل مباراه يدخل ويبغا يسجل هدف عشان حساده اللي ماتركو شي ماقالوه فيه ومع كذا من هدافي الدوري وشو يعني تبغونه ينافس رونالدينو يعني ياسر انت تستاهل 100 مليااااااااار مو 22 مليون ويكفي انك اخترت الهلال امش ولا يهمك كلام الحساد والله اني احس ياسر بيصير خليفه سامي في الملاعب السعوديه وانوااااع التقليل من جماهير النوادي الثانيه با الضبط مثل سامي الله يوفقك ياياسر وتبدع وان شاءالله تسجل هدف في لااتحاديين المباراه الجايه مثل هدف الخوجلي يوم ضيعت مفتاحه لووووووووووووووووووول |
بعض الناس ماتدري من وين تفكر ياسر لاعب مبدع يكفي شهادة من خبير تقول هو خليفتي في الملاعب |
بعض الناس ماتدري من وين تفكر ياسر لاعب مبدع ومميز يكفيه شهاده من خبير تقول (ياسر خليفتي في الملاعب) |
يكفي ان أهـان البلوي في (القاهره) ..!! |
الكبير كبير |
كلام سليم تحياتى للك |
ياسر الاعلام كبره زيادة عن اللزوم وأصبح علية عكسياً بعد تردي مستواه والقادم أحلى بإذن الله ... |
ياسر فوق الكل |
كلامك سليم 10000في الميه وشويه على ياسر ال22 مليون هو بعيوننا اكثر من كذا بكثير |
كلام صحيح |
احنا مانشكك في امكانيات ياسر وانه لاعب قادم بقوة نحو النجومية المشكلـــة ياســر مايلعب بجديـــة في كل المباريات مثال مباراة النصر الأخير افضل مباراة لعبها مع الهلال اظهر بعض من امكانياته والله يوفقه إن شاء الله وينتبه لنفسه ويحسب حساب ان كل مباراة يلعبها هي نهائي او مباراة ديربي حتى وان كانت امام سدوس .. |
| الوقت المعتمد في المنتدى بتوقيت جرينتش +3.
الوقت الان » 12:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd