نغير الموضوع شوي : ياناس من يسكت المعلقين البايخين .. والله فشلونا .,
 

~*¤ô§ô¤*~*¤ô§ô¤*~السلام عليكم ورحمة الله وبركاته~*¤ô§ô¤*~*¤ô§ô¤*~

كثرنا في الكلام عن مباراة العين .... وكثرة الكلام بهذا الشكل غير منطقية لو أننا تعاملنا بعقل مع المباراة فهي مباراة آسيوية مهما كان ... والعين ماهو فريق سهل وسبق أن كتبت يوم المباراة محاولاً التخفيف من توقعي للمباراة ( اللي يتفاءلون بها دائماً مع الهلال في القطارة ) واذكروا أنني توقعت التعادل .. وهي أمنية في الحقيقة وإلا من الداخل كنت متخوف من الهزيمة ،، وقلت يومها لو لاسمح الله حدث المحظور فلا نعطي المباراة أكثر من حقها .. والتصفيات طويلة والثقل قدام ........

___ بس الموضوع اللي أحب أسمع رأيكم ياجماهير الزعيم العزيزة هو موضوع أعتقد الجميع حاس به ...وهو موضوع المعلقين السكّة اللي يقلدون يوسف سيف بشكل فج وقليل حيا فالتقليد ليس فقط في الأسلوب لا بل حتى في نبرة الصوت والإنفعالات أيضاً مبالغ فيها بشكلٍ خارج عن الأساليب المعتادة .... وانا ألوم لجنة المعلقين ... فهي من جهة تختار المعلقين حسبما نسمع بناء على محسوبيات معينة منذ أيام المرحوم زاهد قدسي ولم يتغير الوضع في العهد الحالي ومن جهة أخرى أشك وبقوة أنهم هم من يوحي لهم بضرورة تقليد معلق معين .. ولا أدري ليش مايكون لكل معلق بصمة خاصة فيه ،،، شوفوا القمم زاهد الله يرحمه ومحمد رمضان والبكر والأحمد مع ملاحظة أن بدايات البكر والأحمد فيها نوع من تقليد الأسلوب لسيف لكن بدون شذوذ كما هو حاصل من المعلقين الحاليين .. اللي والله العظيم أني أتفرج بدون صوت بسببهم ...

__ أرجو مخلصاً ممن لديهم الإمكانية لمخاطبة المسئولين في هؤلاء المعلقين المقلدين .. وأرجو من المسئولين في القناة الرياضية تبني عرض المعلقين على إستفتاء شعبي رياضي ومن يحتل المراكز الأولى بالتصويت يعطى الأولوية ومن يحتل المراتب الأخيرة يستبعد ... وبس كفاية مجاملات على حساب سمعة الرياضيين السعوديين وكأنهم يتلمسون الطريق خلف الأوساط الرياضية المجاورة .. وكأننا لسنا رواد الحركة ارياضية في المنطقة العربية بشكلٍ عام ...

__ والشيء بالشيء يذكر .. فالحقوي وزملائه ماقصروا ويقدمون التضحيات في سبيل النادي الزعيم بس يكثرون من تقليد جماهير الأندية الأخرى .. على طراز ( حبة حبة ) وغيرها ... فتكفون بإسم الجماهير الرياضية العريضة قدموا لنا شيء مميز وهلالي بحت وخلوهم يشبعون بأهازيجهم والشعراء كثير وأنا واحد منهم وحاضرين بتقديم مايفيد النادي بس انتم تحرروا من سجن أهازيج جمهور المزمار الإتحاديين ..... ولكم جميل شكري على مجهوداتكم ...

كلامك فيه كثير من الصحة لاكن
ولاكن هذي حط تحتها عشر طعشر خط
بالنسبة للمعلقين الله واكبر القناة الرياضيه اللي عندها مليون معلق عشان يتخيرون كل اللي عندهم اثنين ثلاثة
ولا مايلعقون المباريات الا بحب الخشوم و(تكفون ياجماعة واحد يطلع عالهواء) كله بسبب قل المادة
لا واذا بدع واحد لقطته احدى هالقنوات الأر تي وطقتها يعني يتعلم هنا واذا بدع وضبط شغله اخذوه جاهز مجهز
بعدين لا تستطيع ارضاء جميع الاذواق خاصة من ناحية التعليق
الزبدة جب قروش يطلعون اطلق معلق على الهواء
اما بالنسبة للحقوي فالرجل مجتهد وانا معك في النقطة اللي تقولها
وبس لو كل واحد منا يطلع بيتين و يظبطها يمين يسار ياشيخ ان تطلع عندك انوااااع الاشرطة

أبدعت ياريشة الفنان ...

والمعلقين فيهم البركة بس يعدلون أسلوبهم ...ويحتفظون بشخصيتهم وإذا مالهم شخصية نتابعها بدون معلق أبرك ...أما الحقوي فهو يطلب وحنا معه على طوووول

شكراً لتعليقك ....