خلــــف بن هذال العتيبي يعلن تضامنه مع جماهير الزعيم ويهجو كندينيو بقصيدة . - نادي الهلال السعودي - شبكة الزعيم

باكيتا الصغير · #1 10/03/2006, 02:33 AM

خلف بن هذال يكتب قصيده في كندينيو

--------------------------------------------------------------------------------

البارحة الليل ماغمضت به كله *** اراقب الصبح جالس واتحرى له

ابعث شريط مضى واطويه وافله *** واقول : من يحفظ التاريخ لاجياله

قل لكندينيو يفتش جعبته قل له *** يلقى بها شي مايطري على باله

الياس والعصفور المرشدي حقه لحاله *** كفاية حقه لــــحــــاله

يذبح ويصلخ يده حمرا ومبتله *** شي يخلي جبين الحر يندى له

ياناس ياويل من هذا زعيم(ن) له *** الجمهور في وضع يؤسف له ويرثى له

جمهور شرب كره واكل كره *** كره له يتفل على صورته ويدووس تمثاله

الله ما يهمل الظالم ويمهل له *** وان طال به عمره خس شوي واردى له

كندينيو انا بنشدك وش انت حي(ن) له *** مثلك بغبنه يموت وموته اشوى له

ماعاد تملك من التكتيك خبر لله *** خارج عن السيطرة طريقتك منزاله

اللاعب يرذح تحت ذل من الذله *** والجمهور مسكين تضحك له وتغتاله

وطريقتك يا سويد الوجه منشله *** ماعندك الا قهر ابو سلطان وهلاله

وافراحنا يا كندينيو مهيب محتله *** م استعمرت قبل حكم ابو سلطان واسلافه

واليوم عنها نسن السيف ونسٌله *** ونشطخ بالطريق ونصلح احواله

والهلال تخسى عنه منت بكفيل له *** ماباقي الا عمى يدير خياله

منت بكفوه ولا شرواك كفو(ن) له *** الهلال يكرم عن المخبط وأشكاله

___________________________________________________________________________

)([all1=99CC66] مع كل اعتذاري عن بعض الكلمات بالقصيدة بس بصراحة اعجبتني كثير وهي للحق للعضو (( كودو )) من شبكة الهلال ....ولكنها من وجهة نظري كانت منسقة وفي قمة الروعة وفي قمة الحماس ... [/all1]

الفارس الأزرق 2006 · #2 10/03/2006, 02:46 AM

صح السانك انت وخلف بن هذال
ومشكور وما قصرت

عاشق الزعيم من اليمن · #3 10/03/2006, 02:59 AM

ههههههههههههههههههههه

بس ما أتوقع خلف بن هذال اللي قالها

أســتــاهــلــكــ · #4 10/03/2006, 02:59 AM

صح لسانه

وهارد لنا ومشكووووووووووور

430LS · #5 10/03/2006, 03:58 AM

صح لسانك

على التغيير الرائع على قصيدة خلف

معاند زمانه · #6 10/03/2006, 04:06 AM

الحين كل هذا عشان خسرنا مباراة العين

لاحوووول ولا قوة الا بالله

ياجماعة ترى حنا خسرنا مبااراة في أرض خصمنا يعني طبيعي

وباقي خمس مباريات وخصمنا اللي هزمنا في أرضه له مباراة معنا وين

في الملعب اللي اذا لعب فيه الهلال لايعرف انصاف الحلول

على العموم اذا ماتأهل الهلال لكم حق علي ياجماهير الزعيم

وانا بصراحة متفأل من خسارة الزعيم في المبااراة

لان الهلال اذا تعثر من البداية راح يكون رده قوي بل ورادع في اوقات الحسم

وكلنا نتذكر بطولة الدوري العام الماضي والسنة هذي

كيف بدا الهلال وين انتهى

وفي النهاية لاتنسون ان الهلال في الموسم هذا لم يخسر الا اربع مباريات بالاضافة

لمباراة العين وهذي تعتبر نسبة جيدة بل وجيدة جدا

ولكم تحياتي .......

هلالي مجنون بحب سامي · #7 10/03/2006, 04:15 AM

حرام السرقه يابو الشباب

مغرور حدي · #8 10/03/2006, 04:35 AM

القصيده مكتوبه بصدام حسين والقيت في احدى مهرجانات الجنادريه

كفايه لعب بالقصايد ...!!!

أبو باسل الهلالي · #9 10/03/2006, 04:44 AM

إقتباس

الرسالة الأصلية كتبت بواسطة معاند زمانه


	الحين كل هذا عشان خسرنا مباراة العين لاحوووول ولا قوة الا بالله ياجماعة ترى حنا خسرنا مبااراة في أرض خصمنا يعني طبيعي وباقي خمس مباريات وخصمنا اللي هزمنا في أرضه له مباراة معنا وين في الملعب اللي اذا لعب فيه الهلال لايعرف انصاف الحلول على العموم اذا ماتأهل الهلال لكم حق علي ياجماهير الزعيم وانا بصراحة متفأل من خسارة الزعيم في المبااراة لان الهلال اذا تعثر من البداية راح يكون رده قوي بل ورادع في اوقات الحسم وكلنا نتذكر بطولة الدوري العام الماضي والسنة هذي كيف بدا الهلال وين انتهى وفي النهاية لاتنسون ان الهلال في الموسم هذا لم يخسر الا اربع مباريات بالاضافة لمباراة العين وهذي تعتبر نسبة جيدة بل وجيدة جدا ولكم تحياتي .......