بدون تشنج وانفعال تعالو شوي ابيكم
 

مقدمة:
أنا مشجع هلالي من عام 1406 ،المعلومة هذي قلتها عشان بعض الناس مايقولي مندس أو كلام فارغ لأن كلامي يمكن ما يعجبه.
أول شي hard Luck للجماهير الهلالية الهزيمة المريرة، اي والله مريره لاني وقت المباراة أكلت ثلاث حبات بندول اكسترا من الصداع والقلق اللي جاني بسبب اللعب التعيس.
أنا راح أحلل الوضع اللي صار وأطرح وجهة نظري وأتمنى انه يكون فيها شي من المنطق والواقعية،
أولا: رئيس الهلال الغالي اللي نحبه أبو سلطان:مافيه مشجع هلالي منصف مايعرف انك تحب الهلال مثل حب المشجع أو أكثر ونعرف حجم التضحيات اللي سويتها عشان هلالنا، بس هذا ما يعفيك من المسؤولية لأنه نحب دائماً انك تكون بالمقدمة ويشهد علينا الله انه نحب الهلال ياخذ كل البطولات هالموسم مو بس عشان الهلال لا برضه عشان يضاف في سجلك كأول رئيس يحقق انجازات متميزة بالمملكة، مسؤوليتك باللي صار انه انت الرئيس ولازم تتحمل نتائج الفوز والخسارة ولا تقول بعد المباراة انه جماهير العين مميزة(اياك اعني واسمعي ياجاره) عشان نحضر للمباراة وهذا اللي بيصير ان شاء الله،والجمهور ماراح يدخل المستطيل الاخضر ويسجل أهداف الجمهور هو وسيلة مساعدة إضافية وليس وسيلة رئيسية، ولازم تتحرك لحل المشكلة، ومو معناته انك تعطي الصلاحية كاملة للمدرب انك تترك له الحرية بالتصرف بدون مناقشة علمية وفنية مع العلم ان فيه حسب معلوماتي لجنة فنية وفيها الكابتن عبدالعزيز الخالد اللي لازم يكون له دور فعال.
ثانياُ: منصور الأحمد:حبيناك وانت لاعب وحبيناك وانت إداري عشان كذا لازم تتكلم مع المدرب وتحشره بزاوية يوم تشوف الخطأ يصير وانت أحرص من المدرب لعدة اسباب لأنك وطني وهلالي صميم والمدرب يهمه اسمه بس خلونا واقعيين فلوسه ماشيه وهذا الأهم له.
ثالثاً: كاندينو:ما أقول الا للسن أحكام وأنت مدرب كبير مهما اختلفنا معك بس بنفس الوقت لازم تفرق بين قوة الشخصية والبربسه وبعدين تراك فاقع مرارتي من حركتك البايخة يوم نزلت الخراشي اساسي قدام الاتحاد وهو راجع من اصابة والحمدلله قدم مباراة كبيرة ويوم جت المباراة اللي بعدها وكانت قدام الأهلي استبعدته ورجعت العنبر اساسي وهو راجع من اصابة، والله انك خبل.
رابعاً: اللاعبين:
- الدعيع: أبو فواز أنت ملك الشباك يا بعد عمري.
- كامل الموسى: الهلال مو الوحدة واترك حركات الانبراشات اللي مالها سنع، واترك الحركة القديمة اللي اذا جاك اللاعب عطيتك ظهرك وقاعد تلف ودي اعرف اخرتها وشي طبعاً معرفه يا مقطوعة يا اوت عليك، اسمع نصيحتي انت لاعب عندك مهارات بس حاول تستفيد منها بطريقة أفضل.
-خليل: ياخي ودي تلعب مرة وحدة وانت مو مكتف يديك.
- تفاريس: انت مدافع ولازم تفهم هالشي كويس وخلك بمنطقتك واترك النرفزة اللي مالها سنع واترك المناقز اللي يجيب العيد، ولازم تقرصون اذنه يا إدارة.
-عزيز: مسكين ظلموك بالمركز الجديد وانت مركزك المحور وبس وحاول انك ما تتركه لانك بتنتهي بمركز ثاني.
-البرقان: ياخي انت قديم الين الحين فيه أحد يزلق.
-الشلهوب: ؟؟؟؟؟؟؟؟؟؟؟؟؟ أكثر من علامة استفهام على مستواك اللي صاير بانحدار، وشكلك مفهي بالمباراة الأخيرة،راجع حساباتك.
- الغامدي: انت لاعب ممتاز، بس تكفى واللي يرحم والديك فك الكورة من رجلك لا تأخر اللعب.
- كماتشو: هذا اللاعب يرفع ضغطي بعض الأحيان يلعب بمزاجه ولااااااااااااااااااااااااازم يا ابوسلطان تقرصون اذنه وتفهمونه ان المطلوب منه ان يصنع كور ما نبغاه يسجل وانا ملاحظ انه صاير بالفترة الأخيرة فيه أنانية ويبي يسجل بأي طريقة كثر الله خيرك ودنا انك تسجل بس مو على حساب انك تنسى مهمتك الرئيسية وتحوسنا، وانتم شفتوه يوم شات أحمد الصويلح الكورة في آخر المباراة وضربت برجلك وعصبت على الصويلح انت صانع لعب لازم تفهم هالشي.
- سامي: يا بعدهم، وما أقول الا كلام (فارس عوض) معلق ابوظبي الرياضية يوم قال (من وجهة نظر فنية خروج سامي خطأ لكن انا مبسوط ان سامي خرج لأنه هو المتحرك بالشوط الأول) هذا كلام المعلق.
- ياسر: حبيب قلبي اللعب يبيله ركود واترك المهايط عنك ولازم تقنعنا ان صفقة ناجحة، واحمد ربك انك مانطردت بسبب تصرفك الأرعن اللي جابو منه الهدف، تكفى ركز بالمباريات الجاية.
خامساً: التغييرات- الغنام: من يوم جيتنا وانت مستواك متذبذب.
- تركي الصويلح: لااااااااااااااااااا تعليق والله يذكر النزهان بالخير والله انه مفتح جنبك ياخي أول مره اشوف لاعب يشوت بوز وأول مره اشوف لاعب يشوت الكورة برجله اليمين وتضرب رجله اليسار وتطلع آوت (الله يهديك يا كاندينو)
-أحمد الصويلح: أنت لاعب فنان بس مالك ذنب باللي حصل لأنه لو لعبنا بعشر مهاجمين بهالطريقة ماراح نجيب ولاهدف بس فيه كلمة للدبيخي قالها اعجبتني يوم قال (انا استغرب من هالتغيير التقليدي اللي ماله داعي وش الشي اللي مو موجود بسامي وموجود بالصويلح) صراحة تحليل اعجبني.
-جيوفاني: ليش يا عالم ما تحشرونه وتخلونه يلف على الملعب عشرين لفه عشان ترجع لياقته والا وش نبي فيه وهو يلعب على الواقف.ونفس الكلام لسامي لازم لك برنامج لياقي مكثف يا بطل.
نواف التمياط:تكفى لاتزعل يا أبو بندر وراح تلعب ان شاء الله وراح توريهم انت مين.
سادساً: وجهة نظري بطريقة اللعب:يا شباب احنا عندنا مشكلة بالظهير الأيمن طيب ليش ما نبتعد عن الطريقة التقليدية أربعة أربعة اثنين ونغير طريقة اللعب وتصير ثلاثة خسمة اثنين.
سابعاً: يا عالم لازم يرجع عزيز لمركزه ولازم نحارب عشان هالشي. واذا لازم تلعب بظهير تقليدي ياخي حطو الغامدي والله ينفع والا جيبو واحد من الأولمبي.
ثامناُ: ليش العصبية والنرفزة للاعبين اللي مالها سنع أكيد فيه شي مانعرفه.
تاسعاً: الجمعاااااااااااااااااااااااااااااااااااااان وينه يا عالم وش فيه غايب أكيد مسوي له حركة جديدة والا هالرزعة مو من فراغ.
أخيراً: أتمنى ان مشاركتي الأولى تعجبكم وطرحي يكون مناسب وأبو سلطان بقولك ان الجمهور بيحضر بس بيطلع من الملعب اذا فيه لاعبين من شاكلة تركي الصويلح مانفرض عليك شي بس مافيه سبب يقنعنا فيه وانا مستعد اعطي موظفيني اجازة لكل مباريات البطولة الاسيوية ونبي بنفس الوقت اجراءات تصحيحية وسريعة واحشر المدرب بزاوية وأتمنى ما تلغي عقده لأنه بصراحه ما راح يتغير شي لأن العلة بالمدرب وغيره.
أتمنى التوفيق للزعيم وأتمنى انه الوضع يتغير ونرجع لمستوانا القديم حتى لو انهزمنا مو مشكلة بس على الاقل مستوى. ولا تخلون اللي ماخذ مقلب بنفسه مثل سبيت خاطر وشلته يعتقدون انهم لاعبين زي الناس.
نبيها تااااااااااااااااااااااااااااااااريخية المباراة الجاية مع العين ولازم لاعبين المنتخب يلعبون وش فرقنا عن الاتحاد يوم عطوهم تسهيلات كبيرة.

ياسلامي عليك حللتهم تحليل يالمصلاوي

شكرا على مرورك وأتمنى انه كل الجماهير تكون ايجابية وتطرح حلول بدل الانفعال اللي يخليهم يتعبون ومايستفيدون شي غير الصداع والقلق النفسي. وبنفس الوقت انا متفاءل ان الخير جااااااااااااااااااي

على الله نستفيد من اخطائنا ونتعلم منها وتصير المباريات الجاية أفضل وتوسع الصدر

مشكووووووووووووووور وشكلك تعبان علية ههههههههههههههههههههههه

مشاء الله عليك كلامك حلوووووووو ويعطيك العافيه

مشكور على التحليل الرائع

الحمدلله رب العالمين

مشكوووووووووووووووور بس موقاهرني غيرتركي الصويلح
ياكندنيو تلعب لاعب عمره 100 سنه لا ويسوي حركات يبي يطقها كعب تصقع برجليه اثنين
اللي يشوفه يقول هذا شكله اول مره يلعب كوره
والشلهوب مستواه رايح بامها

والله ياخوك ذبحتنا المجاملات
بصراحه هجومنا ماعندك احد مافي مهاجم هداف يطمنك في كل المباريات:no:
وكندينو الظاهر بيخبص وبيلعب فينا لعب:upset:
وينك ياباكيتا تشوف اللي صار من بعدك
كماتشو فيه شوفة نفس اللهم ياكافي الله يستر من هالولد بس مزاجي مره :upset:
تفاريس والغامدي اذا شافو نتيجة الخشونة ومع هذا ماتابوا الله يهديهم:D

تـــــــــــــــــــألقت

احـــــــــسنت وابدعت

كلام جميل ومنطقي ورائع

تحليل جيد ومقنع

تحياتي واشواقي لك

الله يعطيك العافية والله تحليل جميل

بالتوفيق لك

الله يعطيكم العافية ومشكورين على التفاعل الجميل واللي مو غريب على الزعماء وان شاء الله الجايات احلى وانا مع اللي يقول والله ذبحتنا المجاملات والله انك صادق بس التفاؤل حلو يا شبااااااااااااااااااااااااااااااااااااااااااااب.
واللي يقول الحمدلله رب العالمين نقولها في كل حال وعلى كل حال.

تحياتي وحبي لكم كلبوكم.

الله يعطيكم العافية ومشكورين على التفاعل الجميل

كلامك صحيح

اتمنى من المسؤولين انهم يقرون هالكلام وعلى الله يحلون المشكلة والمهزلة اللي صارت.
تحياتي

الله يعطيك الف عافيه على الموضوع الرائع

الله يعطيك العافية على الموضوع الرائع

تسلم حبيبي على ردك
تحياتي

والله شكلهم يلعبون طفشانين

يسلموا ،،،

يابعد قلبي انت وتحليلك


رووووعه يالغالي

مشكورين ،،،

الله يعطيك الف عافية وانا معك في تركي الصويلح اللهم لك الحمد ياخوي مدري وشلون يلعب
ومدربنا مبسوط منه ماقول غير الله يكون في العون بس
يسلموووووو

ألف شكر على التفاعل الجميل والحلو واللي بيرفع من معنوياتي بالتحليل الجاي للمباراة (الشتالي على غفله).
ألف شكر لكل اللي شاركوا ويارب تكون الجاااااااااااااايااااااااااااااات أحلى ونبي التصحيح بمباراة الاتحاد ولازم نعلمهم ان الزعيم يمرض لكن ما يمووووووووووووووووووووووووووت.

تحياتي للجميع وربي يخليكم يا حلوين

الف شكر كفيت ووفيت

شوفوا أول مشاركة للهلال منذ زمن في كا س آسيا وقدم العين ونو تبي الهلال يسوي؟؟؟؟
بس إنشا الله يقدم مستوى يرجع السعودية بكاس العالم للأندية

كلام جميل والله يعطيك العافيه وماقصرت.

الله يعطيك العافية

شكرا حبيبي على مرورك ومشاركتك

تحياتي

شكرا على مرورك يالعنزي ولكل الزعماء وأتمنى انه نشوف مباريات أفضل

لله يعطيك العاافيه
قلت اللي بقلوووب السواد الاعظم من الجمهوور الهلاالي ؟؟؟ وياارب يستفيدوا من اللي ذكرته وشكرا مقالك يستحق القراءة مرااات

ألف شكر للجميع والله احرجتوني بتفاعلكم وشكرا على تشبيهي بالشتالي وهذا شرف بصراحه لأنه من جد محلل مو طبيعي، والوعد مباراة الاتي ان شاء الله تصير التغييرات اللي نبيها.

تحياتي وحبي لكم

يالله يا شباب وين التفاعل المعروف عنكم

الله يعطيك العافية والله تحليل جميل

بالتوفيق لك

تسلم اخوي

تسلمون يا شباب على التفاعل والمشاركة الجميلة

يعطيك العافية بس الفريق مقبل على مباريات مهمه وياشباب ماله داعي التجريح في الاعبين المفروض نساندهم وننسى اللي فات وان شاء الله انهم مهب مخيبين ضننى فيهم الله الله بالحضور يوم الجمعة

وشكرا

تحليليليليليليلات رائعة

بعد هالتحاليل اتوقع كل لاعب يلعب وهو خايف تجيب سيرته


تسلم على الموضوع

يعطيك العافيه وكلامك صحيح ميه بالميه....

ما شاء الله عليك ليت يحطونك بدال ماجد في الاستوديو التحليلي اعوذ بالله تحليله يجيب النوم

مشكور محلل ممتاز ياليت تروح للجزيره احسن .

ألف شكر يا شباااااب يا حلوين على التفاعل وابغى امشي بنصيحتكم أي لاعب بالمباريات الجاية ما يلعب كويس راح نحطه بالتحليل الفني اللي بعد المباراة.

تحياتي و ألف شكر لكم وربي يخليكم

مشكور

تسلم حبيبي سامي على مرورك

تحياتي

كلامك عين العقل

اخي الكريم . محمد الشلهوب والدتة الله يشفيها مريضة واكيد الولد شايل همها . هنا يأتي دور الإعداد النفسي . لا اشوف احد يغلط على الشلهوب او يتكلم عليه ترى بطقة .

يااخوان خافو الله كله نازليين على اللاعبين وبس
احموهم شوي الله يهديكم من الاعلام القادم من بعد وليس الوارد من الداخل

وشكرا

ما تشوف شر خالتي (أم الشلهوب ) والحمدلله سمعنا أنها قامت بالسلامة،، وشكرا لكل اللي مروا على الموضوع.

تحياتي لكم كلبوكم

السلام عليكم

انا لا اتفق معك في كثير مما قلت ...

خاصه موضوع المدرب ... واذا هي على العمر ... شف زاجالو كم عمره ..

و كذلك قولك : تفاريس: انت مدافع واترك المناقز ...

وجهة نظري الشخصيه والي مالقيت احد يأيدني فيها ... ان تفاريس ماهب مدافع والدليل مناقزه ... اللاعب نشيط وحرام نحشره في قلب الدفاع بينما نقدر نستفيد منه في الظهير .. وهذا الي بيصير ان شاء الله .

صحن قلابه بالنسبة لكاندينو أنا قلت انه مدرب قدير بس موضوع عمره كان من باب التريقه على الحالة الفنية بس ولا كان الهدف اني اقلل من قيمته، أما بالنسبة لتفاريس يمكن ينفع ظهير بس بالدفاع أحسن بس بشرط يضبطون عياره يعني يشدون عليه ولا يسوي حركاااات المناقز اللي ما لها سنع بعض الأحيان.

والله كل اللي قلته صحيح

شكرا يا مارد البطولات على مرورك يا حلو.

تحياااااااااااااااااتي

يـعطيك الـعافية وباين انـك تــعشق الــزعــيم عــشق كــبير....

والله وانا أخوك يا الكناري ماطلع هالكلام الا حبنا للزعيم ولاعبينه

وشكرا على مرورك