#1  
قديم 09/03/2006, 11:25 PM
زعيــم فعــال
تاريخ التسجيل: 17/03/2005
مشاركات: 490
بعد خسارة القطاره ,, خسرنا شيء مهم جدا

.
.
.
.
.
أنـا متأكد إنـووو أغلب الهلاليين اللي كانوا محبطين ومتشائمين (وأنا أولهم)

وشيّـكوا على هالرابط عشان تعرفون وشلون الصدمه تصيب بالجنون أحيان

الـهلال فـقـد هيبته...كلّـه كرمال شيبته....آآآه ثم آآه يا هي ليله

يمكن ارتاحوا الآن واستوعبوا الصدمه وعـرفوا ان الكوره فوز وخساره

ومستحيل مايكون فيه خسوف لـ هلال السماء والأرض ولكن سحابة صيف وتعدي

<><><><><><><><><><>

ما يحـز في النفس هو أنـّه أبناء وطن واحد وجنسيه واحده ودين واحد يـ خونون بلدهم بكل بجاحه

ما يحـز في النفس هو أننـا فقط لأننـا نتغلب عليهم بالبطولات نصبـح في نظرهم فريق غير سعودي

لمّـا يقولون فريق الهـلال مثلا يذكرون بعده السعودي ،، السعودي يا ناس مو الصهيوني يا بلهاااااء

أنـا لايعنيني أبدا -سواء انا او جماهير الهلال عامه- ان تؤازرونا فـالهلال امبراطوريه كانت ولازالت

ولكن تضحّكون علينا الدول المجاوره في كل الاماكن سواء منتديات او مقاهي او تلفزيونات يا أغبياء

عند مشاركة اي فريق ينتمي لوطننا نحن اول من نؤازره (خارجيا فقط) ونتمنى ان ينتصر ويرفع رؤوسنا

مشكلة جماهير الهلال تتمنى الجماهير مـثلهـا في وطنيتها ولكن الحقد والحسد ملا قلوووووبهم الفارغه

,, لا أنكر ان فيه فئه قليله جدا جدا تنتمي لهم في التفكير ولكن انا اتكلم بـ شكل عام والتوجه الرئيسي ,,

تتأملوا فقط مـقدار الدونيه الى وين وصـلت وفعلا كبير ياهلال حتى لو اجتمع العالم حـولك

يآآآه فـعـلا وش كثر هـ الهلال جاثم على صدورهم ويتمنون له الزلّه حتى لو بالحـلـم

افرحوا هذه فرصـتكم فـ والله لقد أبكـاكم هـ الهلال كثيـرا الى ان اشفق عليـكم يا ضعفاء

مو كـل مره ينهزم فيها الهلال فـ عشان كذا اجتمعت الضباع تنهش جسد الأسد المكبّل

حـرام هالوطـن فيكم وحرام كلمة وطنيه ,, بالفعل خسرنا وطن إنتـم فيه تتنعمون بنعمه وتجحدون

<><><><><><><><><><>

كـلامهم كله يدور في إن الهلال لم يشرّف الكره السعوديه خارجيا

وانـه عار على الوطن ويجب محاسبة المتسبب في اشراكه في بطولة آسيا

الهلال بطولاته محليه فقط عند حكام الرشاوي ولكن خارجيا يكون ضيف شرف

وبـأن الهلال اخيرا ظهر على حقيقته امام الجماهير الرياضيه أمام التحكيم النزيه

الـهلال فريق انبراشات ولعب على المفاصل




هذا غيض من فيض لجماهير الظل اتحاد جده وفارس نجد

قـسم بالله وصلوا لمرحلة اللاوعي

ساكتين ساكتين وماعمرهم انصفوا الهلال ولـما يتعثر في ارض الخصم بـدت ريحتهم تطلع

ماشوف احد فيهم قـال ان الهلال اكثر نادي سعودي حقق بطولات خارجيه

الهلال لوحده حقق نصف بطولات جميع الفرق السعوديه خارجيـا ( اللهم لاحسد)

هذا فقط يكفي للإجـابه عن كل أسالتهم الذكيه العبقريه

<><><><><><><><><><>

يـركض اللاعبون مجددا للدوري وكلها 3 مباريات وتبان الصداره ولكن قبلها مباراتنا الجمعه مهمه جدا

لاعبي الزعيم اذا ما نسـوا مباراة القطاره فـ والله سيضيع هالموسم في مراحل الحسـم

مـؤشر الهلال بعد القطـاره ما وضح الى الآن فـ هل سيكور مؤشر للأسفل أم للأعـلى..!!

كـل هذا بيد اللاعبين والمدرب والإداره ولكن الأهـم بيدنا إحنـا نحن الجماهير الهائمه بالأزرق

من ناحية المدرب فـ وش نسوي يعني..؟؟ كل المحللين واحنا اولهم اجمعنا بأن له أخطـاء جسيمه وذبح الهلال

لكن وش الحل في نظركم ..؟؟؟ الحل هو الصبر وبعد انتهاء الموسـم سيـكون هناك حلول أوسع وأضمن وأسلم

إذن بعد مباراة القطـاره انفتحت طرق كثيره امام الزعيـم وجميعها خطـره وطريق الذهب بدا بعيدا عنّا اكثر من اي وقت آخر

إذن

الهلال في خطـر فـأنقذوه بوقفتكم الصادقه يا جمـاهير زعيم نصف الأرض وأولـها مبار اة الجمعه 17 مـارس مع الإتحاد
.
.
.
.
.

..تحياتي..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube