رسالة لجميع الزعماء وبدون زعل
 

السلام عليكم ورحمة الله وبركاته ؛؛

حبيت اوجه رسالة واتمنى ان تجد القبول لديكم اعضاء الزعيم :

محمد بن فيصل / واللي يرحم والديك خف على جمهور الهلال شوي لا تكن قاسياً عليهم فجمهور الهلال حب كل الرؤساء من قبلك ولكنهم حبهم لك شي ثاني . وتأكد بأن جمهور الهلال لن يخذلك كما هم اللاعبون بإذن الله .

كاندينو / بديت اشك انك تتقاضى مبالغ من خارج النادي لقاء تدمير الهلال . رجاءً ارحل بهدوء قبل ما تنطرد بالجـ... .

سامي / أنت القائد في الملعب إذا ما تمالكت اعصابك في الملعب وانت القائد فتخيل كيف تكون اعصاب بقية اللاعبين .
ننتظر منك الأحلى في مباراة الإياب .

الدعيع / الله يرحم ام جابتك كنت نجم الفريق البارز لكن ربعك ما ساعدوك .. استمر في عطاءك ولا تلتفت لبعض التفاهات الصحفية .

خالد عزيز / ياخي فكنا وقل ما أعرف العب ظهير وريحنا . والخشونة عندك هالأيام عالية ولا تسوي " فتوه " داخل الملعب . ترى هذي كرة قدم مب مصارعة وحصولك على الكرت ما كان فيه داعي وأحرجك وأحرج الفريق والمدرب .

تفاريس / بوجودك احس بالطمأنينه في الدفاع لكن اتمنى ان أجد من يستاهل أن يبقى بجانبك .. حاول تمسك اعصابك ولا تتهور خاصة على رجال الخطوط ;)

أحمد خليل / مؤشر الأسهم لديك بدأ بالنزول تضامناً مع الأسهم السعودية .. ما سر هذه العلاقة ؟؟

عبدالعزيز الخثران / افتقدناك اخوي في مباراة العين .. حسبي الله على اللي كان السبب .

كامل الموسى / لكي تكسب حب الجمهور الهلالي يجب عليك العطاء في الملعب وليس على أقدام اللاعب المنافس وأحمد ربك إن الحكم مشاها وإلا لو حصلت على الكرت الأحمر وهو مستحق : >>> لوضعوك بجانب خالد عزيز وكندينو وجعلوك السبب المباشر في الهزيمة .

عمر الغامدي / ياخي ابي اعرف ليش تكسر ؟؟؟ وخاصة قرب المرمى سواء داخل الثمانية عشر أو خارجها ..
وياخوفي يحطوك ظهير أيمن في المباراة الجاية لأن هذي مو خانتك ولا راح تبدع فيها حتى لو نجمت في مباراة أو مباراتين آخرتها بيصير وضعك زي وضع خالد عزيز الآن ..

نواف التمياط : فعلاً المعدن الأصيل يبقى أصيلاً .. أتمنى أن تعي الإدارة ذلك ولا تظلمك . اشتقنا للمساتك السحرية وأخلاقك العالية هي سر حب الجمهور العربي لك .

كماتشو / مبدع مبدع مبدع وزي ما قال أحد الأخوان : يا ليتك " سعودي " .

محمد الشلهوب / لا تستسلم للرقابة حاول ايجاد الحلول وإنت قدها يا موهوب وما فيه خوف على الزعيم طالما انت موجود .. ربي يوفقك .

جوفاني / باين من لمسة الكوره عندك انك نجم بارز بس يا ليت تكثف تمارين اللياقة عندك .. اتمنى من الجمهور اعطاءه فرصة وعدم التسرع في الحكم عليه .

ياسر القحطاني / ننتظر منك المزيد في مباراة الأياب ولازم نشوف سهمك اكثر من مره .. ادري ان الوسط ما ساعدوك ليلة البارحة لأن ما كان فيه أحد غير كماتشو .

أحمد الصويلح / نفس الوضع مع ياسر القحطاني الوسط ما ساعدكم ... اشتقنا والله لأهدافك " القاتلة " .

محمد العنبر / رغم انخفاض مستواك الفني قليلاً في المباريات السابقة إلا أني أجد وألمس قريباً سرعة العودة القوية ولا أخفي عليك أني أتوقع أن تكون قريباً أفضل لاعب سعودي . رغم اختلاف بعض الجمهور عليك .

عبدالله الجمعان / بس لو تخفف وزنك أضمن لك اللعب اساسي .

يوسف الثنيان / من فترة طويلة افتقدنا للطرفة الرياضية وهاهنا الأن نستمتع بها مجدداً من خلال خدمة جوال الهلال وتعليقاتك الطريفة رغم معارضة بعض الأقلام والصحف ..
استمر على نهجك الذي تعود الجمهور عليه وأحبك .. ولن نستغرب حالياً لو وصلتنا رسالة يقول فيها الثنيان :
أن استغناء القناة الرياضية عن نجيب الإمام وماجد عبدالله كان بسبب " السعودة " .

جمهور الزعيم : الزعيم بحاجة لكم أكثر من أي وقت .. رجاءً أبي الملعب full في جميع المباريات ، فكيف نطالب بالبطولات والكثير منا يشاهدها في البيت أو في المقهى ؟؟

حمد الدبيخي / عندك حق اخوي يوم قلت إن الثنيان لو ما أعتزل كان استدعاه كاندينو .

أتمنى ان تصل رسالتي هذه لجميع الزعماء وأن تكون خفيفة على قلوبهم ولا يزعل علي أحد لأني أحب الزعيم وأعشق الزعيم وأتمنى أن أرى الزعيم دائماً في العالي .

والسلام عليكم ورحمة الله وبركاته .

مادري ليش جايبين لاعب اجنبي وحاطينه في الحتياط

مشكووووووووور

كندينيو امك يالكلب رح لمها

الأمل البعيد

راعي الوسيطي

هلالي ومانشستراوي

أموت بحبك يالزعيم

أشكر تواجدكم وردكم وتعليقاتكم الرائعة
بالتوفيق دوماً وأبداً