#1  
قديم 09/03/2006, 06:03 PM
زعيــم جديــد
تاريخ التسجيل: 09/05/2005
مشاركات: 17
أسباب الهزيمة + إقتراح للمباريات القادمة

أخواني أعضاء منتديات شبكة الهلال ......

يكفي كلام وتجريح ولوم لللاعبين والجهاز الفني ، وخلونا نفكر شوي ونحلل الأخطاء إللي صارت في مباراتنا مع العين.

أنا في إعتقادي إن الأخطاء إللي سببت الهزيمة للفريق هي كالتالي:

1. الهلال كان ينقصه التحضير النفسي قبل المباراة ... لأنكم لو تشوفون اللاعبين كيف بدوا يفقدون أعصابهم ويرتبكون من بداية المباراة وخصوصا بعد ما مرت أول خمس دقايق. أنا أعتقد إنهم كانوا تحت ضغط نفسي بأنهم مطالبين بالفوز مو عشان البطولة بس ... لكن الأهم من هذا إن العين هزم الهلال مرتين ... وإنهم لازم يردون الدين ... وهذا إللي خلاهم مرتبكين في أول المباراة ... وتوهموا إن الحكم ضدهم في قراراته ... وطبعا بنوا هذا الإعتقاد على المباراتين السابقتين مع العين وإللي كانت فيها أخطاء تحكيميه واضحه. عشان كذا ركز الفريق على هزيمة العين لرد الدين وليس للنقاط.

2. تشكيلة الفريق الخاطئه من بداية المباراة. يعني كامل الموسى لاعب جيد وإمكاناته كويسه لكن أعتقد إن الخثران كان الأنسب في مثل هالمباريات الحساسه. ويمكن كندينو كان يبغى يحتفظ بكامل لأن له فتره يلعب مع الهلال والخثران منقطع عن الفريق. أما بالنسبه للظهير الأيمن فكنت أتمنى إنه ملعب الصويلح من بداية المباراة ومخلي عمر الغامدي يسانده في حال الهجمه على الهلال. أما بالنسبه لخالد عزيز فالأفضل أنه يلعب مكان سلطان البرقان بجانب عمر الغامدي كمحورين. أما بالنسبه للوسط المفروض يلعب جيوفاني مكان الشلهوب لأن الشلهوب جسمه صغير ولا يقدر يلتحم مع لعيبة العين إللي أجسامهم ماشاء الله أحسن من لعيبتنا. ويغير جيوفاني بنواف التمياط في الشوط الثاني. أما باقي الخانات فكانوا اللاعبين كويسين.

يعني بإختصار إقتراحي في المباريات القادمه :

1. تأهيل الفريق نفسيا ومعنويا ... والحرص على بث روح الحماس في اللاعبين.
2. تعديل التشكيله إذا لعبوا لاعبين المنتخب كما ذكرت في النقطه الثانيه.

في النهاية أنا ما ألوم أحط ولكن أبين الأخطاء - من وجهة نظري - علشان يتم معالجتها في المباريات القادمه.

وشكرا لكم ...

- هلالي في أستراليا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:33 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube