نادي الهلال السعودي - شبكة الزعيم - الموقع الرسمي - السبب الحقيقي خلف نرفزة اللاعبين

- منتدى الجمهور الهلالي (http://vb.alhilal.com/f28/)

- - السبب الحقيقي خلف نرفزة اللاعبين (http://vb.alhilal.com/t285543.html)

السبب الحقيقي خلف نرفزة اللاعبين

@ كلنا تابعنا باستغراب النرفزة اللي كان عليها لاعبي الهلال ، واللي كانو معتقدين فيها ان كثرة الاحتجاجات على الحكم راح تجي بنتيجة ، وهذا ليس أسلوب الهلاليين .

@ أنا شخصيـّـاً أكثر شي تضايقت منه هو الألفاظ اللي كلنا شفناها وأطلقها تفاريس لمساعد الحكم .

@ فعلا ليتنا خسرنا النتيجة فقط ولا نخسر معها أسلوبنا الراقي وأخلاقنا اللي نتميز فيها وعدم الإكثار من الاعتراضات على الحكم أثناء اللعب لأنها أكثر أسباب تشتت اللاعبين وتفقدهم التركيز على تطبيق الخطة ، وهي أصلا ليست مهمة اللاعب وإنما مهمة الكابتن لوحدة ، علما بأن سامي زودها أمس بالاعتراض وكأنه يقول يا حكم عطني كرت .

@ بالله عليكم علموني وش الفرق بيننا وبين الاتحاديين ؟؟ يعني يا نفوز يا نخرب ؟؟

@ اللاعب لو ترك الاعتراض على الحكم صدقوني بيفهم أسباب الخسارة .

@ صغر حجم الملعب والـ " كم رمية تماس " والفاولات الظلم اللي احتسبها الحكم ضدنا ليست سبب كافي للخسارة لأن الهلال عنده لاعبين كبار يضبطون أعصابهم ويتركون الخشونة مثل اللي اقترفها كامل موسى .

@ اللاعب الأوربي اللي مع العين "نسيت اسمه" طلع من أول ثلث ساعة كان واضح انه يبي يستفيد من هالثلث ساعة ولو يطلع بكرت أصفر ، وهذا كان من أسباب الخشونة في المباراة ، ولا يسوون أنفسهم العين أصحاب لعب نظيف لأن تفكيرهم كذلك كان في الخشونة ، ولكن خشونة بتكتيك مرتب وليس بشكل عشوائي ، وكلا الطريقتين (( قذرة )) ولا تخدم اللاعب ولا الجمهور ولا الفريق ولا الكرة الخليجية ولا الآسيوية ولا العالمية.

@ الحكم بضعف شخصيته كان أهم أسباب استمرار خشونة اللعب والمفروض من البداية يشغل الكروت الصفراء ،،،، والحمراء بعد إذا اقتضى الأمر .

@ اللاعبين كانو منضغطين نفسيـّـاً ومتعالين على الكورة يمكن بسبب الاستقبال الجماهيري الكبير جداً ، وهذي يمكن تكون خطة من إدارة العين .

@ صدقوني البطولة هذي وجميع البطولات : الهلال هو النادي الأحق بها ، ولكن لازم يقدم ثمنها وهو اللعب المنطقي والأعصاب الهادية والتفكير باحترافية والاستفادة من الخبرة ، عكس الحاجات اللي شفناها قدام العين في لقاء الذهاب لأنه كان مرتب أكثر وهادي أكثر وعلى قولتهم (( فالـّـــينها )) أكثر ...

@ شكرا لكل من حضر الملعب وآزر ، والله ما قصرتو ....

سلام s102s

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الفرق بينا وبين الاتحاد كتمال الصفوف الاتحاد من اضهره ودفاع وسط وهجوم ومدرب

ياشباب تراها مباراة وحدة فقط !!!!!!!!!!!!!!!!!!!!

لاتكبرون السالفة كل الفرق العالمية تنهزم سواء بمستوى او بدون

وهذي حال الكرة يافوز وياخسارة.... خلونا نفكر في اللي جاي...

يا ياناس لاتطولنهاوهي قصيره.....

وان شاء الله راح نعوض في المباريات القادمه.....

.... يا ناس لاتطولونها وهي قصيره .....

.... وان شاء الله راح نعوض في المباريات القادمه .....

إقتباس:

الرسالة الأصلية كتبت بواسطة ابويارا المغترب

:yes:

اقول ياريت كل اللاعبين مثل تفاريس
شخص يلعب بإخلاص وتفان لفريقه
شخص يلعب للكورة
لاعبين الهلال وصلوا الامارات ونتيجة المباراة في جيوبهم ولا كانوا يشفوا قدامهم احد
ولما تفاجأوا بمستوى العين عصبوا لانهم غير مهيأين نفسين للمباراة وكمل عليها ابو الشباب الحكم بغبائة التحكيمي والاعبي الامارات استغلوا كل هلأمور في زيادة الضغط النفسي على الهلال حتى افقدوهم التركيز على الكورة و بمساعدة رهيبة لـ الاعب الاول وهو الجمهور الذي كان له اكبر الاثر في فوز العين جمهور فعلا اعجبني بس انشاء رح يشوفوا الموج الازرق وش بيسوي في الاياب وانشاء الله بنكون يد وحده مع الازرق الى نهاية المشوار

أخوي / يا روحي يا الهلال ، مشكور على المشاركة

سلام s102s

كبوة جواد و إن شاء الله تعدي

اقول لايكثر بس

إقتباس:

@ بالله عليكم علموني وش الفرق بيننا وبين الاتحاديين ؟؟ يعني يا نفوز يا نخرب ؟؟

؟؟؟؟؟؟؟؟؟؟؟؟

أخوي راعي الوسيطى

مهما كان اكتمال الاتحاديين ، كلنا عارفين ان الهلال ولله الحمد أفضل من ناحية تكامل الخطوط ،،،، ويمكن نقطة ضعفنا الوحيدة هي الظهير الأيمن مثل ما الجميع يعرف هالشي ،،، لكن حتى نقطة الضعف هذي فيه أكثر من طريقة عشان تتلفاها ،، مثلا ألعب بدون ظهير أيمن وخل خطتك 3 - 6 - 1 أو العب بظهير وهمي مثل الهليل ..... فيه حلول كثيرة ومباراة القطاراة كنا الأحق بها ...

شكراً على مداخلتك يا الغالي

سلام s102s

تفكير منطقي.

أخوي / أبو يارا

ألف شكر على المشاركة ،،، وأنا بصراحة أتفق معك ،، أي فريق لازم يمر بخسارة أو خسارتين في الموسم الواحد مهما كانت قوته ،، ولكن هذا ما يمنع اننا نناقش أسباب الهزيمة ،،، وأنا ما أتفق مع اللي يقولون غير المدرب وغير اللاعبين والكلام هذا ،،، لازم نركز على أصل المشكلة ....

سلام s102s