وماهي الا كبوة جواد لهلالنا الاصيل - نادي الهلال السعودي - شبكة الزعيم

xthe1onex · #1 09/03/2006, 07:38 AM

السلام عليكم ورحمة الله وبركاته ,,

اخواني واخواتي الزعماء كلنا اليوم شفنا هلالنا ينهزم ومب اول ولا اخر فريق ينهزم ولكن الي زعلنا المستوى السئ

الي ظهروا فيه اللعيبة مع تألق البعض ولكن رب ضارة نافعة تتوقعون لو فزنا كان احد بيعترض على التشكيلة ؟؟ممكن ولكن ليس بحجم الاعتراضات الحالية
كان احد بيتفلسف على تكتيك المدرب طبعا لا فهو فاز بهل التكتيك .. اليوم الي صار لازم يتصلح واتمنى من اخواني الزعماء الي لهم علاقة بالنادي يوصلون اصواتنا للرئيس الذهبي والمدرب..

بتكلم عن المدرب: انا مادري هو وش قاعد يسوي ويخبص بس انا اقول نعطيه فرصة ما امدااه يورينا الي عنده وعنده كم مبارة يثبتلنا انه كفو او ارحل لوسمحت ..واتمنى انك ترجع الياس على الاقل واحد فاهم خانته!!

الدعيع: ما يحتاج اتكلم عنك لانه ماراح اوفيك حقك
طبعا الوحيد الي تكلمت عنه الدعيع لانه هو الوحيد الي يستحق نجومية المبارة باقي اللاعبين ما قدموا شي باستثناء كم واحد ولكن واضح انه فيهم شي مب هذا الهلال الي كان قدام الاهلي او الوحدة

واخيرا وليس اخرا نحمد الله اننا باول المشوار وقدامنا الكثير وانشالله سامي وزملائه بيورونا يوم ازرق

في ليلة سوداء للعيناويين بنكهة هلالية ..

انا ما سمعت معلق دبي او ابو ظبي الرياضية وش قال بس اقوله افرح وانبسط ولكن بيني وبينك الاياب يابطل..

(( سبحان الله والحمد لله والله اكبر ))

ي و س ف · #2 09/03/2006, 07:52 AM

ماحصل كان نتيجة التفريط بلتهديف في بداية المباراة اوف لو حصل وجابو هدف بدري خاصه بعد ماصدالبطل الدعيع ركلة الجزاء كان علوم انتو شفتو اللي جاب الهدف الاول دخله المدرب العيناوي بديل جاب هدف وطلعه الشوط الثاني وش السالفه لهدرجه مستهتر بالهلال لا لا لا عاد ترا هاذي فيها قبايل وفيها علوم وفيها تربد تت تت تت تبرد تت تت تت
لكن الوعد الاياب ان شاء الله سنلقنهم درسآ قاسيآ بأذنه تعالي

ليفربولي · #3 09/03/2006, 08:32 AM

يابن الحلال عندك بعض الناس اذا فاز الفريق طلع ملاك واذا انهزم قلب شيطان كانه نصراوي والا تشادي ...

الهلال هو الهلال فريق كورة ينهزم يترقع يصير الي يصير فيه مو في كل مباراه لازم يفوز !!! والله لو انه ايش .. تشلسي وهو تشلسي جمهوره ما ظغطو عليه مثلكم !!

الشي الثاني انا اقول ان المدرب جديد وما عرف الفريق وهذا مدرب اظطراري كيف تبون الدنيا تصير؟
يجيب لكم من تحت الارض مدرب حافظ اللاعبين ؟؟

ناس ما تفكر بالمنطق

ومشكور على الموضوع

ابراهيم ابو تركي · #4 09/03/2006, 08:34 AM

مشكووووور

ابويارا المغترب · #5 09/03/2006, 08:37 AM

كـــــــــــــــــبــــــــــــــــــــــــــوة جـــــــــــــــــــــــــواد ....

xthe1onex · #6 09/03/2006, 08:41 AM

يوسف -ليفربولي -ابراهيم -ابو يارا مشكورين على الردود

راعي الوسيطى · #7 09/03/2006, 09:07 AM

بنشوف مبارات الرد في الرياض