08/03/2006, 08:33 PM
|
| زعيــم مميــز | | تاريخ التسجيل: 29/02/2004 المكان: الرياض
مشاركات: 1,512
| |
|
الدعيع فكنا من الخمسة وكندينو الفاشل !!!!!!!!!!
بسم الله الرحمن الرحيم اولا الحمد لله على كل حال وهاردلك ياشباب على الهزيمة المستحقة والتي كانت قابلة للزيادة لولا لطف الله وبراعة الدعيع
المهم ياشباب فكما كنا نمدح الادارة واللاعبين والجهاز الفني بعد كل فوز لابد ان ننتقد وننتقد بعد ( الكبوة )
فصراحة اليوم اللي لعب ليس الهلال بل اشباح الهلال
واللي كملها وجاب ( الطاعة ) كندينو المغرور اللي اذا ماحمل نفسة الخسارة فهو مدرب فاشل
مدرب من جاء للهلال ودفاع الهلال في خبر كان بعد ان كان اقوى خط دفاع
فهدفين من الطائي وهدفين من الوحدة وهدفين من الاتحاد وهدفين من العين ( مع الرافة ) وهدف من النصر ( ادع بسلامة الشمري ) وهدفين من الاهلي وماادري ان كاني نسيت شئ .............................. والله يرحم ايامك ياباكيتا
خلونا نبدا المباراة من اولها
اولا اغلاط التشكيلة :
بدا بالدعيع وتفاريس وكامل وعزيز والبرقان والغامدي
والشلهوب وكماتشو وسامي وياسر
اذا سلمنا ان كامل مبدع في المباريات السابقة مع انه وضح من مباراة النصر انها كانت اكبر منه فكيف بمباراة مثل هذي ؟؟؟؟
خالد عزيز اعيدها وللمرة الالف المحور محتاجلة لان محور الهلال بدونة بدون هيبة ولا ثقل
واذا كان يبي ظهير عنده الغامدي وبيكون افض من عزيز دفاعيا او هجوميا
البرقان !!!!!!!!!
انا ماراح اقلل من امكانات البرقان ولكن عندك الغنام وتخلية جنبك !!!!!!!!!!!
وباقي الفريق للاسف ماكانوا ابد في يومهم
بداية المباراة
هل يعقل ان الهلال هو اللي كان يلعب اليوم
الشوط الاول كان على باب واحد
استبشرنا بقدوم كندينو بان الهلال الهجومي قادم ولكن للاسف اليوم ثبت لنا عكس هذا
لا هجوم يفتح النفس ولا سيطرة على اللعب ولا دفاع يغطي
عشوائية وتخبط وكرات جلها مقطوعة
التغييرات:
تغيير خالد عزيز نقول انه عنده اصابة او خوفا من الطرد
وانك تسحب سامي وتنزل الصويلح منطقي نوعا ما
ولكن تغير الشلهوب بالغنام وانت مهزوم ونواف وجيوفاني على دكة الاحتياط شئ يحير !!!!!!!!!!!!
نفسية اللاعبين :
اليوم كان واضح الشد الغير طبيعي على اللاعبين من اولهم لاخرهم والنرفزة الزائدة وعدم تسليم الكرة بشكل سليم
واحقاقا للحق اتوقع ان كامل الموسى وياسر القحطاني يستاهلون الطرد !!!!!!!!!!!!!!
ولكن يجب على الادارة الهلالية واداريي الفريق الاول التنبة لهذا
فما السبب في هذه النرفزة الزائدة وهل هي اخطاء في اعداد اللاعبين نفسيا لهذه المباراة !!!!!!!!!
وفي الاخير اليوم كان العين صراحة بطل ويستاهل الفوز وسوى كل شئ في المباراة عكس الهلال اللي رجعنا لمستوى الهلال قبل سنتين ايام ( الخمسات ) فلا مستوى يفتح النفس ولا نتيجة
ولكن هذي سنة الحياة فكما فرحنا كثيرا لا بد ان يكون هناك كبوات وان شاء الله نصحى منها سريعا
ولكن مجرد توقع شخصي هالبطولة بتكون عقدة للهلالين فلو رجعنا لايام اديموس او ايام العجلاني او مباراة اليوم بتلقى نفس الروح ونفس الانهزامية فلذلك ومن الان اقول باباي اسيا
اخر تعديل كان بواسطة » FhOoOoO في يوم » 09/03/2006 عند الساعة » 01:00 AM |
الوضع العادي
