#1  
قديم 09/03/2006, 01:39 AM
زعيــم متواصــل
تاريخ التسجيل: 07/09/2005
المكان: الرياض
مشاركات: 156
ليست مهزلة أن ننهزم من العين حتى بالخمسة لكن المهزلة هي .........!! + ملاحظات

سلام عليكم ورحمة الله وبركاته ...

أول شي هارد لكم الهزيمة من العين ..

وصحيح أن الهزيمة كانت من الهلالين أنفسهم لكن ذلك صراحة لا يلغي المستوى الكبير اللي قدمه لاعبو العين

فقد كانوا نجوماً واستحقوا الفوز وأقدم لهم التهنئة وأقول لهم ليس هذا الهلال اللي تعرفونه

والوعد أن شاء الله في أستاذ الملك فهد أمام 80 ألف زعيم سيملئون الملعب إن شاء الله ونرد لكم الدين

نرجع للمباراة وأقولكم ماهي مهزلة ننهزم من العين حتى بالخمسة بس المهزلة صراحة هي استمرار كندنيو مدرباً .. وقبل ما يرد علي أي واحد فيكم أقولكم أنا ماني من المندسين أنا هلالي وأعشقه حتى النخاع

وأنا ماني من اللي ينتقدون المدرب أو اللاعب من أول شي ويطالبون بتغيره

لكن الصراحة مستوى الهلال منذ قدوم كندنيو وهو في نزول مستمر ((( نسب حمراء تحت على طول )))

حتى أكاد أجزم أن مستوى الهلال أيام الكسندر أفضل من ألان


أول الملاحظات على كندنيو .. تسبب في تحطيم موهبة كان سيكون لها شأنها في تاريخ الهلال وهو ياسر الياس

فيا انتم اللي بتردون علي الحين وبتقولون لا تحكم على المدرب من مباراة أو مباراتين أبسألكم ليش كندنيو حكم على ياسر الياس من غلطة واحدة وليست مباراة يوم مباراة الطائي مع اني اقوول ان الهدف ماكان غلطت ياسر بل غلطت تفاريس وارجعو للمباراة ..
ثانياً أذا هو ما يبي ياسر نقول ما عليش بس لكن انه يجيب لنا لاعب من عام الف واربعمية ومافي شي اللي هو تركي الصويلح هذا اللي ما يصير أو انه يدفن موهبة عزيز والغامدي في الظهير بعد ما يصير


طيب أنا عندي اقتراح اذا هو يحب يجرب ليش ما يجرب مشعل المورري والله مستوى اللاعب هذا يناسب في الظهير الأيمن من سرعة ومهارة وخلافه ..

بعدين أنا بسأل كندنيو من بداية الشوط االثاني وأنت مستنفذ تغيراتك ليش ...!!؟
لو صار أي ظرف ايش راح تسوي ..

ثالثاً أو رابعاً أو مدري كم .... عبدالعزيز الخثران اللي حل مشكلة الظهير الأيسر في نادي الهلال أين هو اليوم

خمسطعش واللي قااااهرني بقووووة يوم طلع الشلهوب (( وهذا تغير صحيح لان الشلهوب ما كان في يومه )) وهو مهزوم بواحد ليش ما لعب نووووووااااف والله أحترق الى الحين مدري ليش

هذي بعض الملاحظات اللي شفتها في كندنيو أنا ما أطالب بتغير كندنيو لكن على الأقل مسألته ومحاسبته

>>>> نقاط من المباراة :

محمد الدعيع : تسلم لي يمينك ويسارك ورجولك وراسك وكل شي كنت نجم يا أبو عبدالعزيز وأنقذت الهلال من هزيمة تاريخية . ..
خالد عزيز : صراحة كنت متنرفز اليوم مدري وش فيك .. الحمد الله الي طلعت قبل الطرد

تركي الصويلح : ما أبي أقطع رزقك ولكن دور لك فرصة في نادي ثاني أزين لك ولنا ..

تفاريس : مستواك من يوم ما غاب فهد المفرج (( وهذا هو نجم دفاع الهلال مهما قال الحاقدون )) وهو في نزوول ,, وصدقني لو جبت الفرصة اللي في أول المباراة حقت الركنية كان صار للمباراة كلام ثاني ..

أحمد خليل : ما قيل لتركي الصويلح أكرره لك .. قاعد أفكر إلا الحين وشلون ضيعت الفرصة اللي في الشوط الثاني

كامل موسى : أول ما جيت بطل بس ما ادري وش فيك شكل الاتحاديين عادوك بالتكسير .. حافظ على مستواك الأول عشان ما تطيح من عيونا ..

البرقان : صراحة أنا أشوفك اليوم أفضل لاعب في الهلال حماس وإخلاص وتحرك طوال تسعين دقيقة ..

الغامدي : أنت لاعب رائع ولكن مستواك اليوم تأثر بمستوى الهلال ..

الشلهوب : صراحة اليوم ماكنت في مستواك نهائيا حتى حسيت انك تلعب بدون نفس .. راجع نفسك ..

كماتشو : أنت اللي شايل الهلال صراحة بس مافيه أحد يساندك ..

سامي : تحركت وحاولت تسوي شي قبل ما تطلع لكن السن له أحكام ..

ياسر : شكل هدف الخوجلي مأثر فيك إلا الآن .. راجع مستواك نحن ننتظرك قناصاً لشباك الخصوم ..

الصويلح : أنت مستقبل الهلال أن شاء الله ..

الغنام : مو أنت زيدان اللي نعرفه تراك متغير علينا من زمان ..


وفي الختام أعذروني على الإطالة بس شي في قلبي وطلعته .. وأقول للإماراتيين الوعد أستاذ الملك فهد وعندها سترون هلالاً تقشعر له الأبدان ..

خاتمة :

ما أظنك ناسية .... البطل يا أسيا


الموعد كأس العالم إن شاء الله يا زعمــــــــــــــــاء



سلام عليكم ورحمة الله وبركاته


ا لأسطورة ســــــــــــ 6 ــــــــــــــام
اضافة رد مع اقتباس
  #2  
قديم 09/03/2006, 02:23 AM
زعيــم متواصــل
تاريخ التسجيل: 07/09/2005
المكان: الرياض
مشاركات: 156
معقوووووووووووولة شباااااااااااااااااب 147 قراءة ولا واحد رررررررد

تكفى ترى نبي تفاعلكم بالردود ولا تخيبون ظني ترى هذي أول مشاركة لي
اضافة رد مع اقتباس
  #3  
قديم 09/03/2006, 02:36 AM
زعيــم فعــال
تاريخ التسجيل: 06/10/2005
المكان: دار آل سعود
مشاركات: 322
وش نرد وش نقوووول

بس ان شاء الله نعوض في الرياض
اضافة رد مع اقتباس
  #4  
قديم 09/03/2006, 02:47 AM
موقوف
تاريخ التسجيل: 10/11/2005
مشاركات: 84
صراحه شي يبط الكبد
لكن نقول رب ضاره نافعه
والحمد لله انها في اول خطوه
وتغيير المدرب مو حل بالذااااات في الوقت هذا
حسبي الله على كالديرون وفلسفته الزايده
ولا كان باكيتا معانا الحين ومحتفلين بالفوز على العين وفاقعينها بعد
ياشباب انا احس ان الثلاث كؤوس بتدش العريجا ..؟؟؟؟ مو خزينه الجار الاصفر!!!!!!
الوعد الاستاد يالعين
اضافة رد مع اقتباس
  #5  
قديم 09/03/2006, 02:50 AM
زعيــم نشيــط
تاريخ التسجيل: 19/09/2003
مشاركات: 972
الصراحه اخالفك انا اعتبر اول حسنات كندينو ابعاده للياس
صراحه استغرب كيف هذا يمثل الهلال لامهاره ولالعب
وبالنسبه لمبارة اليوم التشكيل ماعليه ولكن العين قدم مستوى افضل لانخفاض مستوى بعض اللاعبين وان شاء الله التعويض قدام
اضافة رد مع اقتباس
  #6  
قديم 09/03/2006, 04:28 AM
زعيــم مميــز
تاريخ التسجيل: 22/09/2005
المكان: مملكة الهلال
مشاركات: 2,849
بصراحه الواحد من رفعة الضغط مايدري وش يرد وش يكتب لكن مانقول الا الله يكتب اللي فيه الخير

والله يجازي اللي كان السبب

وآآآآآآآآآآآآآآه ياباكيتااااااااااااااااااا الله يجازي الله خذاك وحاسنا الله يحوسه
اضافة رد مع اقتباس
  #7  
قديم 09/03/2006, 05:00 AM
زعيــم مميــز
تاريخ التسجيل: 05/01/2005
المكان: أطهر مكان في الوجود
مشاركات: 1,700
ما أقول إلا حسبي الله ونعم الوكيل فيك يا كندينيو ...
مبروك العين .... هاردلك الزعيم
الموعد درة الملاعب إنشاء الله تحياتي
اضافة رد مع اقتباس
  #8  
قديم 09/03/2006, 05:05 AM
زعيــم مميــز
تاريخ التسجيل: 26/03/2003
المكان: U.S.A
مشاركات: 2,011
والله متفائل انت
80 ألف ..

وعن ياسر .. تخيل .. انك بين ثلاثة ..
يد وحدة ما تصفق
اضافة رد مع اقتباس
  #9  
قديم 09/03/2006, 05:51 AM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
الجاي احلى انشاء الله...




تحياتي
اضافة رد مع اقتباس
  #10  
قديم 09/03/2006, 06:18 AM
زعيــم فعــال
تاريخ التسجيل: 17/01/2005
المكان: وين مايروح الازرق
مشاركات: 435
حبيبي مااقووول الا

الشاطر يخطئ بس ما يخطئ مرتين نفس الخطئ
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:33 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube