بسم الله الرحمن الرحيم

اول شي هارد لك على المباراة

واللي بصراحة استحي اني اقول اني هلالي اذا شفت هالمستوى

لنكون واقعين

عندي نقاط بقولها لكم وبكل صراحة ..

>> الدوخي وخميس العويران فقدناهم والفريق بعدهم قل مستواه

>> كاندنيو من وجهة نظري انه فاشل فاشل فاشل

وليس أهل لتدريب الزعيم لا تكتيك ولا تغييرات ولا اختيار لا عبين زي الناس

و فـــــــــــلــــــــــــــــســـــــــــــــفــــــــــــــــــة مالها حد

أجل حاط لي عزيز ظهير .. ياخي اطلع برا قسم بالله

ما ملى عينك الياس .. ياخي عزيز ما يهاجم ولا يعرف يناول وان هاجم مارجع بعد الهجمة

خل عزيز في مكانه اللي مبدع فيه وخل الياس يمسك على الأقل الدفاع من اليمين

واللي يبي اكبر إثبات انه فاشل

ماني قايل انه انطرد من فريق برازيلي ولا بقول اي شي ثاني ماهو عن الهلال

بأقول وبكل اختصار أن 9 من لعيبة الهلال في المنتخب يعني أكثر من نص فريق

ولا شفنا أي مستوى أي أداء أي متعة

ولا احد يقول لي توه جديد ... جديد يشوف اشرطه يشوف اما كن اللعبين لا يقعد يخترع لي

وبعدين حتى لو جديد .. هذا باكيتا كان جديد على الكره السعودية

وكان اكثر من 10 لاعبين مصابين وكان فريق مندمر وشوف وش سوى

>> مشكلتنا اننا توقعنا اننا فزنا على النصر بالمستوى وفي الحقيقة انا فزنا عليهم بالحظ

وهذي اخطائنا نفسها تتكرر مع العين

>> كماتشو المفروض ان يكون له حل مع الإدارة

إما انه يلعب زي الشوط الأول مع الأهلي ولا يجيبون غيره

معليش انا اشوف لو العبد السلام مكانه كان لعب أحسن منه

يعني بالعربي احس ان كماتشو محسوب علينا لاعب أجنبي

>> اكثر ما يقهرني أننا نملك أفضل المهاجمين في المملكة اذا ما كانو بالخليج

بس ماحولهم احد يعطيهم كور الا الشلهوب ويجيك هالكاندنيو يطلعه

>> وربي ما غبنني الا يوم طلع الشلهوب ودخل الغنام

انت تبي تعدل نتيجه ولا تبي تحافظ على الهزيمة -----------------> تفكيريقهر

>> لازم لازم اننا نضبط اوضاعنا ترا هذي اسيويه مو دوري سعودي

ما اقدر اقول الا حـرام يكون هذا لعب زعيم آسيا

و آآآآآآآآآآآآآآآآآآآآآآآآآآآآآآآآآه يا زمن الثنيان

والتيماوي وخميس والغشيان و ..............و ..................و .................


.................................... وآسف جدا على الإطاالة ......................................

لكن ما كتبت الا من حرقه في قلبي قفلت جوي ونكدتني